Page Text
________________
शतकं - १५, वर्ग:, उद्देशक:
त्वेनेत्यन्ये, 'अंतोखरियत्ताए 'त्ति नगराभ्यन्तरवेश्यात्वेन विशिष्ट वेश्यात्वेनेत्यन्ये ।
मू. (६५९) इहेव जंबुद्दीवे दीवे भारहे वासे विंझगिरिपायमूले बेभेले सन्निवेसे माहणकुलंसि दारियत्ताए पञ्चायाहिति । तए णं तं दारियं अम्मापियरो उम्मुक्कबालभावं जोव्वणगणप्पतं पडिरूवएणं सुकणं पडिरूविएणं विणएणं पडिरूवियसस भत्तारस्स भारियत्ताए दलइस्सति, साणं तस्स भारिया भविस्सति इट्ठा कंता जाव अणुमया भंडकरंडगसमाणा तेल्लकेला इव सुसंगोविया चेलपेडा इव सुसंपरिग्गहिया रयणकरंडओ विव सुसारक्खिया सुसंगोविया मा णं सीयं माणं उन्हं जाव परिस्सहोवसग्गा फुसंतु ।
१९७
तए णं सा दारिया अन्नदा कदायि गुब्विणी ससुरकुलाओ कुलधरं निमाणी अंतरा दवग्गिजालाभिहया कालमासे कालं किञ्च्चा दाहिणिल्लेसु अग्गिकुमारेसु देवेसु देवत्ताए उववज्जिहिति, से णं ततीहिंतो अनंतरं उव्वट्टित्ता माणुस्तं विग्गहं लभिहिति माणुस्सं २ केवलं बोहिं बुज्झिहिति के० २ मुंडे भवित्ता आगाराओ अनगारियं पव्यहिति, तत्थविय णं विराहियसामन्ने कालमासे कालं किच्चा दाहिणिल्लेसु असुरकुमारेसु देवेसु देवत्ताए उववज्जिहिति ।
सेत ओहिंतो जाव उच्चट्टित्ता माणुस्सं विग्गहं तं चैव जाव तत्थवि णं विराहियसामन्ने कालमासे जाव किच्चा दाहिणिल्लेसु नागकुमारेसु देवेसु देवत्ताए उववज्जिहिति, से णं तओहिंतो अनंतरं एवं एएणं अभिलावेणं दाहिणिल्लेसु सुवन्नकुमारेसु एवं विज्जुकुमारेसु एवं अग्गिकुमारवज्रं जाव दाहिणिल्लेसु धणियकुमारेसु से णं तओ जाव उव्वट्टित्ता माणुस्सं विग्गहं लभिहिति जाव विहाहियसामने जोइसिएस देवेसु उववज्जिहिति ।
सेणतओ अनंतरं चयं चइत्ता माणुस्सं विग्गहं लभिहिति जाव अविराहियसामने कालमासे कालं किच्चा सोहम्मे कप्पे देवत्ताए उववज्जिहिति, से णं तओहिंतो अनंतरं चयं चइत्ता माणुस्सं विग्गहं लभिति केवलं बोहिं बुज्झिहिति, तत्थवि णं अविराहियसामने कालमासे कालं किचा ईसाणे कप्पे देवत्ताए उववज्जिहिति । से गं तओ चइत्ता माणुस्सं विगगहं लभिहिति, तत्थवि गं अविराहियसामन्त्रे कालमासे कालं किच्चा सणकुमारे कप्पे देवत्ताए उववज्जिहिति, सेणं तओहिंतो एवं जहा सणकुमारे तहा बंभलोए महासुके आणए आरणे ।
से गंतओ जाव अविरिहायसामने कालमासे कालं किचा सव्वट्टसिद्धे महाविमाणे देवत्ताए उववजिहिति, सेणं तओहिंतो अनंतरं चयं चइत्ता महाविदेहे वासे जाई इमाइं कुलाई भवंति - अड्ढाई जाव अपरिभूयाई, तहप्पगारेसु कुलेसु पुत्तत्ताए पच्चायाहिति, एवं जहा उववाइए दढप्पइन्नवत्तव्वया सच्चेव वत्तव्वया निरवसेसा भाणियव्वा जाव केवलवरनाणदंसणे समुप्पजिहिति ।
तएण से दढप्पइन्ने केवली अप्पणो तीअद्धं आभोएहीइ अप्प० २ समणे निग्गंथे सद्दावेहिति सम० २ एवं वदिहीइ एवं खलु अहं अज्जो ! इओ चिरातीयात अद्धाए गोसाले नामं मंखलिपुत्ते होत्था समणघायए जाव छउमत्थे चेव कालगए तम्मूलगं च णं अहं अज्जो ! अनादीयं अणवदग्गं जाब संसारकंतारं अणुपरियट्टिहिति जहा णं अहं ।
तए णं ते समणा निग्गंथा दढप्पइन्नस्स केवलिस्स अंतियं एयम० सो० निसम्म भीया तत्था तसिया संसारभउव्विग्गा दढप्पइनं केवलिं वंदिहिंति वं० २ तस्स ठाणस्स आलोइएहिंति निंदिहिंति जाव पडिवज्रिहिंति, तए णं से दढप्पइने केवली बहूइं वासाइं केवलपरियागं पाउणिहिति
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |