________________
शतकं - १५, वर्ग:-, उद्देशकः
तवेणं तेएणं अन्नाइट्ठे समाणे अंतो छण्हं मासाणं जाव कालं करेस्सं, अहन्नं अन्नाई अद्धसोलस वासाइं जिणे सुहत्थी विहरिस्सामि, तं गच्छइ णं तुमं सीहा! मेढियगामं नगरं रेवतीए गाहावतिणीए गिहे तत्थ णं रेवतीए गाहावतिणीए ममं अट्ठाए दुवे कवोयसरीरा उवक्खडिया तेहिं नो अट्ठो, अन्य से अन्ने परियासिए मज्झारकडए कुक्कुडमंसए तमाहराहि एएणं अट्ठी ।
तए णं से सीहे अनगारे समणेणं भगवया महावीरेणं एवं वृत्ते समाणे हट्टतुट्टे जाव हियए समणं भगवं महावीरं वं० नमं० वं० न० अतुरियमचवलमसंभंतं मुहपोत्तियं पडिलेहेति मु० २ जहा गोयमसामी जाव जेणेव समणे भ० म० तेणेव उवा० २ सममं भ० महा० बंद० न० २ समणस्स भ० महा० अंतियाओ साणकोट्ठाओ चेइयाओ पडिनिक्खमति प० २ अतुरियजाव जेणेव मेढियगामे नगरे तेणेव उवा० २ मेढियगामं नगरं मज्झमज्झेणं जेणेव रेवतीए गाहावइणीए गिहे तेणेव उवा०.२ रेवतीए गाहावतिणीए सिंहं अणुप्पविट्टे ।
१८९
तए णं सा रेवती गाहावतिणी सीहं अनगारं एजमाणं पासति पा० २ हट्टतुट्ट० खिप्पामेव आसणाओ अब्देइ २ सीहं अनगारं सत्तट्ठ पाई अणुगच्छइ स० २ तिक्खुत्तो आ० २ बंदति न० २ एवं वयासी-संदिसंतु णं देवाणुप्पिया! किमागमणप्पयोयणं ?
तणं से सीहे अनगारे रेवतिं गाहावइणीं एवं वयासी एवं खलु तुमे देवाणुप्पिए ! समणं० भ० म० अट्टाए दुवे कवोयसरीरा उवक्खडिया तेहिं नो अत्थे, अत्थि ते अन्ने पारियासिए मज्जारकडए कुक्कडमंसए एयमाहराहि, तेणं अट्ठो ।
तए णं सा रेवती गाहावइणी सीहं अनगारं एवं क्यासी-केस णं सीहा ! से नाणी वा तबस्सी वा जेणं तव एस अड्डे मम ताव रहस्सकडे हव्वमकूखाए जओ गं तुमं जाणासि ? एवं जहा खंदए जाव जओ णं अहं जाणामि, तए णं सा रेवती गाहावतिणी सीहस्स अनगारस्स अंतियं एयम सोचा निसम्म हट्ठतुट्ठा जेणेव भत्तधरे तेणेव उवा० २ पत्तगं मोएति पत्तगं मोएत्ता जेणेव सीहे अनगारे तेणेव उवा० २ सीहस्स अनगारस्स पडिग्गहगंसि तं सव्यं संमं निस्सिरति । तएणं तीए रेवतीए गाहावतिणीए तेणं दव्वसुद्धेणं जाव दाणेणं सीहे अनगारे पडिलाभिए समाणे देवाउए निबद्धे जहा विजयस्स जाव जम्मजीवियफले रेवतीए गाहावतिणीए रेवती० २ तए णं से सीहे अनगारे रेवतीए गाहावतिणीए गिहाओ पडिनिक्खमति० २ मेढियगामं नगरं मज्झमज्झेणं निग्गच्छति निग्गच्छत्ता जहा गोयमसामी जाव भत्तपाणं पडिदंसेति २ समणस्स भगवओ महावीरस्स पाणिसि तं सव्वं संमं निस्सिरति, तए णं समणे भगवं महावीरे अमुच्छिए जाव अणज्झोववन्ने बिलमिव पन्नगभूएणं अप्पाणेणं तमाहारं सरीरकोङगंसि पक्खिवति तणं समणस्स भगओ महावीरस्स तमाहारं आहारियस्स समाणस्स से विपुले रोगायंके खिप्पामेव उवसमं पत्ते हट्टे जाए आरोगे बलियसरीरे तुट्ठा समणा तुट्ठाओ समणीओ तुट्ठा सावया तुट्ठाओ सावियाओ तुट्ठा देवा तुट्टाओ देवीओ सदेवमणुयारे लोए तुट्टे हट्टे जाए समणे भगवं महावीरे हट्ट० २ ।
बृ. 'साणकोट्ठए नामं चेईए होत्था वन्नओ' त्ति तद्वर्णको वाच्यः स च 'चिराईए' इत्यादि 'जाव पुढविसिलापट्टओ' त्ति पृथिवीशिलापट्टकवर्णकं यावत् स च - 'तरसणं असोगवरपायवस्त हेट्ठा ईसिंखंधीसमल्लीणे' इत्यादि 'मालुवाकच्छए' त्ति मालुका नाम एकास्थिका वृक्षविशेषास्तेषां
For Private & Personal Use Only
www.jainelibrary.org
Jain Education International