Page Text
________________
शतकं - १५, वर्ग:, उद्देशक:
अनंतरं उव्वट्टित्ता हिट्ठिल्ले माणुसुत्तरे संजूहे देवे उववज्जति, से णं तत्थ दिव्वाइं भोग जाव चइत्ता छडे सन्निगमे जीवे पञ्चायति, से णं तओहिंतो अनंतरं उववट्टित्ता बंभलोगे नाम से कप्पे पन्नत्ते पाईणपडीणायते उदीणदाहिणविच्छिन्ने जहा ठाणपदे जाव पंच वडेंसगा पं०, तंजहा - असोगवडेंसए जाव पडिरुवा ।
-से णं तत्थ देवे उववज्जइ, से णं तत्थ दस सागरोबमाइं दिव्वाई भोग जाव चइता सत्तमे सन्निगब्भे जीवे पञ्चायति, से णं तत्थ नवग्रहं मासाणं बहुपडिपुन्नाणं अद्धट्टमाण जाव वीतिकंताणं सुकुमालगभद्दलए मिउकुंडल कुंचियकेसए मट्टगंडलकत्रपीढए देवकुमारसप्प भए दारए पयायति, सेणं अहं कासवा !, तेणं अहं आउसो ! कासवा ! कोमारियपव्वज्जाए कोमारएणं बंभचेरवासेणं अविद्धकन्नए चेव संखाणं पडिलभामि सं० २ इमे सत्त पउट्टपरिहारे परिहरामि, तंजहा- एणेजगस्स मल्लरामस्स मल्लमंडियस्स रोहस्स भारद्दाइरस अजुणगस्स गोयमपुत्तस्स गोसालस्स मंखलिपुत्तस्स तत्थ णं जे से पढमे पउट्टपरिहारे से णं रायगिहस्स नगरस्स बहिया मंडियकुच्छिसि चेइयंसि उदाइरस कुंडियायणस्स सरीरं विप्पजहामि उदा० २ एणेज्जगस्स सरीरगं अनुष्पविसामि एणे० २ बावीसं वासाइं पडमं पउट्टपरिहारं परिहरामि, तत्थ णं जे से दोघे पउट्टपरिहारे से उद्दंडपुरस्स नगरस्स बहिया चंदोयरणंसि चेइयंसि एणेज्जगस्स सरीरगं विप्पजहामि २ त्ता एणे० मल्लरामस्स सरीरगं अणुष्पविसामि मल्ल २ एकवीसं वासाई दोख पउट्टपरिहारं परिहरामि ।
तत्थ पंजे से तच्चे पउट्टपरिहारे से णं चंपाए नगरीए बहिया अंगमंदिरंमि चेइयंसि मल्लरामस्स सरीरगं विप्पजहामि मल्ल० मंडियस्स सरीरगं अणुष्पविसामि मल्लमंडि० २ वीसं वासाइं तच्छं पट्टप- रिहारं परिहरामि, तत्थ णं जे से चउत्थे पउट्टपरिहारे से णं वाणारसीए नगरीए बहिया काममहावणंसि चेइयंसि मंडियस्स सरीरगं विष्पजहामि मंडि० २ रोहस्स सरीरगं अणुष्पविसामि, रोह० २ एकूणवीसं वासाइ य चउत्थं पउट्टपरिहारं परिहरामि, तत्थ णं जे से पंचमे पउट्टपरिहारे .से णं आलभियाए नगरीए बहिया पत्तलागयंसि चेइयंसि रोहस्स सरीरगं विप्पजहामि रोह० २ भारद्दाइस्स सरीरगं अणुप्पविसामि भा० २ अट्ठारस वासाइं पंचमं पउट्टपरिहारं परिहरामि ।
तत्थ णं जे से छट्टे पउट्टपरिहारे से णं वेसालीए नगरीए बहिया कोंडियायणंसि चेइयंसि भारद्दाइयस्स सरीरं विप्पजहामि भा० २ अजुणगस्स गोयमपुत्तस्स सरीरगं अणुष्पविसामि अ० २ सत्तर वासाइं छठ्ठे पउट्टपरिहारं परिहरामि, तत्य णं जे से सत्तमे पउट्टपरिहारे से णं इहेव सावत्थीए नगरीए हालाहलाए कुंभकारीए कुंभकारावणंसि अज्जुणगस्स गोयमपुत्तस्स सरीरगं विप्पजहामि अज्जुणयस्स २ गोसालस्स मंखलिपुत्तस्स सरीरगं अलं थिरं ध्रुवं धारणिजं सीयसहं उपहसहं खुहासहं विविहदंसमसगपरीसहोवसग्गसहं थिरसंघयणंतिकट्टु तं अणुष्पविसामि तं० २ तं सेणं सोलस वासाई इमं सत्तमं पउट्टपरिहारं परिहरामि ।
१७७
एवामेव आउसो ! कासवा ! एगेणं तेत्तीसेणं वाससएणं सत्त पउट्टपरिहारा परिहरिया भवतीति मक्खाया, तं सुठुणं आउसो ! कासवा ! ममं एवं वयासी साधु णं आउसो ! कासवा ! ममं एवं वयासी- गोसाले मंखलिपुत्ते ममं धम्मंतेवासित्ति गोसाले० २ ॥
वृ. 'पभु'त्ति प्रभविष्णुर्गोशालको भस्मराशिं कर्तुम् ? इत्येकः प्रश्नः, प्रभुत्वं च द्विधा
5 12
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |