Page Text
________________
१६०
भगवती अङ्गसूत्रं (२) १४/-/१०/६३६
-: शतकं - १४ उद्देशकः - १०:
वृ. अनन्तरं शुक्ल उक्तः, स च तत्त्वतः केवलीति केलिप्रभूत्यर्थः प्रतिबद्धो दशम उद्देशकः, तस्य चेदमादिसूत्रम् -
मू. (६३६) केवली णं भंते! छउमत्थं जाणइ पासइ ?, हंता जाणइ पासइ, जहा णं भंते केवली छउमत्थ जाणइ पासइ तहा णं सिद्धेवि छउमत्थं जागइ पासइ ?, हंता जाणइ पासइ । केवलणं भंते! आहोहियं जाणइ पासइ ?, एवं चैव, एवं परमाहोहियं, एवं केवलिं एवं सिद्धं जाव जहा णं भंते ! केवली सिद्धं जाणइ पासइ तह णं सिद्धेवि सिद्धं जाणइ पासइ ?, हंता जाणइ पासइ ।
केवली णं भंते! भासेज वा वागरेज वा ?, हंता भासेज वा वागरेज वा, जहा णं भंते ! केवली भासेज वा वागरेज वा तहा णं सिद्धेवि भासेज वा वागरेज वा ?, नो तिणट्टे समट्टे ।
सेकेणद्वेणं भंते! एवं बुच्चइ जहा णं केवली णं भासेज वा वागरेज वा नो तहा णं सिद्धे भासेज वा वागरेज वा ?, गोयमा ! केवली णं सउट्टाणे सकम्म सबले सवीरिए सपुरिसक्कार परक्कमे, सिद्धे णं अणुट्ठाणे जाव अपुरिसक्करपरककमे, से तेणट्टेणं जाव वागरेज वा, केवली णं भंते! उम्मसेज वा निमिसेज वा । हंता उम्मिसेज्ज वा निम्मिसेज्ज वा. एवं चेव, एवं आउट्टेज वा पसारेज्ज वा, एवं ठाणं वा सेजं वा निसीहियं वा चएज्जा,
केवली णं भंते! इमं रयणप्पभं पुढविं रयणप्पभापुढवीति जाणति पासति ?, हंता जाणइ पासइ । जहा णं भंते! केवली इमं रयणप्पभं पुढविं रयणप्पभापुढवीति जाणइ पासइ तहा णं सिद्धेवि इमं रयणप्पभं पुढविं रयणप्पभपुढवीति जाणइ पासइ ?, हंता जाणइ पासइ ।
केवली णं भंते! सक्करपभं पुढविं सक्करपभापुढवीति जाणइ पासइ ? एवं चेव एवं जाव अहेसत्तमा ।
केवली णं भंते! सोहम्मं कप्पं जाणइ पासइ ?, हंता जाणइ पासइ, एवं चैव, एवं ईसाणं एवं जाव अच्यं, केवली णं भंते! गेवेज्जविमाणे गेवेज्जविमाणेत्ति जाणइ पासइ ?, एवं चैव, एवं अनुत्तरिवमाणेवि, केवली ईसिप भारं पुढविं ईसीपभारपुढवीति जाणइ पासइ ?, एवं चैव । केवलीणं भंते! परमाणुपोग्गलं परमाणुपोग्गलेत्ति जाणइ पासइ ?, एवं चैव, एवं दुपएसियं खंध एवं जाव जहा णं भंते! केवली अनंतपएसियं खंधं अनंतपएसिए खंधेत्ति जाणइ पासइ तहा णं सिद्धेवि अनंत पएसियं जाव पासइ ?, हंता जाणइ पासइ । सेवं भंते ! सेवं भंते! त्ति ।। वृ. 'केवली 'त्यादि, इह केवलिशब्देन भवस्थकेवली गृह्यते उत्तरत्र सिद्धग्रहणादिति, 'आहोहियं' ति प्रतिनियतक्षेत्रावधिज्ञानं 'परमाहोहियं' ति परमावधिकं 'भासेज्जव' त्ति भाषेतापृष्ट एव 'वागरेज' त्ति प्रष्टः सन् व्याकुर्यादिति 'ठाणं' ति ऊर्ध्वस्थानं निषदनस्थानं त्वग्वर्तनस्थनं चेति ‘सेज्जं’ति शय्यां वसतिं 'निसीहियं' ति अल्पतरकालिकां वसतिं 'चएज'त्ति कुर्यादिति ॥ शतकं - १४ उद्देशकः - १० समाप्तः
-: शतकं - १४ समाप्तम् :
मुनि दीपरत्नसागरेण संशोधिता सम्पादिता भगवती अङ्गसूत्रे चतुर्दशशतकस्य अभयदेवसूरि विरचिता टीका परिसमाप्ता ।
For Private & Personal Use Only
Jain Education International
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |