________________
११९
शतकं-१३, वर्गः-, उद्देशकः-६ णं समणे भगवं महावीरे अन्नया कदाइ पुव्वाणुपुत्विं चरमाणे जाव विहरमाणे जेणेव चंपा नगरी जेणेव पुनभद्दे घेतिए तेणेव उवाग०२ जाव विहरइ।
तेणं कालेणं २ सिंधुसोवीरेसु जणवएसु बीतीभए नाम नगरे होत्या वत्रओ, तस्सणं वीतीभयस्स नगरस्स बहिया उत्तरपुरच्छिमे दिसीभाए एत्थ णं मियवणे नामं उज्जाणे होत्था सव्वोउय० वन्नओ, तत्थ णं चीतीभए नगरे उदायणे नामं राया होत्था महया वनओ, तस्स णं उदायणस्स रम्रो पभावती नामं देवी होत्या सुकुमाल० वन्नओ।
तस्सणं उदानमस्सरन्नो पुत्ते पभावतीए देवीए अत्तए अभीतिनामंकुमारे होत्थासुकुमाल जहा सिवभद्दे जाव पञ्चुवेस्खमाणे विहरति, तस्सणं उदायणस्स रन्नो नियएभायणेजे केसीनामं कुमारे होत्था सुकुमाल जाव सुरूवे, से णं उदायने राया सिंधुसोवीरप्पामोक्खाणं सोलसण्हं जणवयाणं बीतीभयप्पामोक्खाणं तिण्हं तेसट्टीणं नगरागरसयाणं महसेनप्पामोक्खाणं दसण्हं राईणं बद्धमउडाणं विदिन्नछत्तचामरवालवीयणाणं अन्नेसिं च बहूणं राईसरतलवरजाव सत्यवाहप्पभिईणं आहेवचं जाव कारेमाणे पालेमाणे समणोवासए अभिगयजीवाजीवे जाव विहरइ । तएणं से उदयणे राया अनया कयाइ जेणेव पोसहसाला तेणेव उवागच्छइ जहा संखे जाव विहरइ।
तए णं तस्स उदायणस्स रन्नो पुब्बरतावरत्तकालसमयंसि धम्मजागरियं जागरमाणस्स अयमेयारूवे अब्भथिए जाव समुपज्जित्था-धना णं ते गामागरनगरखेडकब्बडमडंबदोणमुहपट्टणासमसंबाहसन्निवेसा जत्थ णं समणे भगवं महावीरे विहरइ, धन्ना णं ते राईसरतलवरजावसत्यवाहप्पभिईओ जेणं समणं भगवं महावीरं वंदति नमसंति जाव पजुवासंति।
जइणं समणे भगवं महावीरे पुव्वाणुपुब्बिं चरमाणे गामाणुगामं जाव विहरमाणे इहमागच्छेजा इह समोसरेज्जा इहेव वीतीभयस्स नगरस्स बहिया मियवणे उज्जाणे अहापडिरूवं उग्गहं उग्गिम्हित्ता संजमेणं तवसा जाव विहरेजा तो णं अहं समणं भगवं महावीरं वंदेजा नमसेजा जाव पजुवासेज्जा, तएणं समणे भगवं महावीरे उदायणस्स रन्नो अयमेयारूवं अब्भत्थियं जाव समुप्पन्नं वियाणित्ता चंपाओ नगरीओपुनभद्दाओ चेइयाओपडिनिक्खमति पडिनि०२ पुव्वाणुपुब्धि चरमाणे गामाणु० जाव विहरमाणे जेणेव सिंधुसोवीरे जणवए जेणेव वीतीभये नगरे जेणेव मियवणे उजाणे तेणेव उवा०२ जाव विहरति।
तएणं वीतीभये नगरे सिंघाडगजाव परिसा पञ्जुवासइ । तएणं से उदायणे राया इमीसे कहाए लढे समाणे हट्टतुट्ठ० कोडुबियपुरिसे सद्दावेति को० २ एवं वयासी-खिप्पामेव भो देवाणुप्पिया ! वीयीभयं नगरं सभितरबाहिरियं जहा कूणिओ उववाइए जाव पजुवासति, पभावतीपामोक्खाओदेवीओतहेव जाव पञ्जुवासंति, धम्मकहा। तएणं से उदायने राया समणस्स भगवओ महावीरस्स अंतियं धम्मं सोचा निसम्म हट्टतुढे उठाए उढेइ २ समणं भगवं महावीरं तिक्खुत्तो जाव नमंसित्ताएवं वयासी-एवमेयं भंते! तहमेयंभंते! जावसेजहेयं तुझेवदहत्तिक? जनवरं देवाणुप्पिया! अभीयिकुमारंरजेठावेमि, तएणंअहं देवाणुप्पियाणंअंतिए मुंडे भवित्ता जाव पव्वयामि, अहासुहं देवाणुप्पिया! मा पडिबंधं ।
तएणं से उदायणे राया समणेणंभगवया महावीरेणं एवं वुत्ते समाणे हद्वतुढे समणंभगवं
Jain Education International
For Private & Personal Use Only
www.jainelibrary.org