Page Text
________________
७०
भगवती अङ्गसूत्रं (२) १२ //५/५४२
-: शतकं - १२ उद्देशकः-५:
वृ. अनन्तरोद्देशके पुद्गला उक्तास्तत्प्रस्तावात्कर्मपुद्गलस्वरूपाभिधानाय पञ्चम
देशकमाह
सू. (५४२) रायगिहे जाव एवं वयासी- अह भंते! पाणाइवा० मुसा० अदि० मेहु० परि० एस णं कतिवन्ने कतिगंधे कतिरसे कतिफासे पन्नत्ते ?, गोयमा ! पंचवने पंचरसे दुगंधे चउफासे पन्नते ।
अह भंते! कोहे १ कोवे २ रोसे ३ दोसे ४ अखमे ५ संजलणे ६ कलहे ७ चंडिक्क ८ भंडणे ९ विवादे १० एस णं कतिवने जाव कतिफासे पण्णत्ते ?, गोयमा ! पंचवन्त्रे पंचरसे दुगंधे चउफासे पण्णत्ते ।
अह भंते! माणे मदे दप्पे थंभे गव्वे अत्तुक्कोसे परपरिवाए उक्कसे अवक्कासे उन्नामे दुन्नामे १२ एस णं कतिवत्रे ४ ?, गोयमा ! पंचवन्ने जहा कोहे तहेव ।
अह भंते! माया उवही नियडीवलये गहणे णूमे कक्क कुरूए जिम्हे किव्विसे १० आयरणया गूहणया वंचणया पलिउंचणया सातिजोगे य १५ एस णं कतिवत्रे ४ ?, गोयमा ! पंचवन्ने जहेव कोहे अह भंते! लोभे इच्छा मुच्छा कंखा गेही तण्हा भिज्झा अभिज्झा आसासणया पत्थणया १० लालप्पणया कामासा भोगासा जीवियासा मरणासा नंदीरागे १६ एस णं कतिवन्ने ?, जहेव कोहे । अह भंते! पेज्जे दोसे कलहे जाव मिच्छादंसणसल्ले एस णं कतिवन्ने ! जहेव कोहे तहेव चउफासे ॥
मू. (५४३) अह भंते ! पाणाइवायवेरमणे जाव परिग्गहवेरमणे कोहविवेगे जाव मिच्छादंसणसल्लविवेगे एस णं कतिवन्ने जाव कतिफासे पन्नत्ते ?, गोयमा ! अवन्ने अगंधे अरसे अफासे पन्नत्ते || अह भंते ! उप्पत्तिया वेणइया कम्मिया परिणामिया एस णं कतिवन्ना तं चैव
जाव अफासा पत्रत्ता ।
अह भंते! उग्गहे ईहा अवाये धारणा एस णं कतिवन्ना ?, एवं चैव जाव अफासा पत्रत्ता अह भंते! उट्ठाणे कम्मे बले वीरिए पुरिस्कारपरक्कमे एस णं कतिवत्रे ? तं चैव जाव अफासे पत्रत्ते ।
सत्तमे णं भंते! उवासंतरे कतिवन्ने ? एवं चेव जाव अफासे पन्नत्ते ।
सत्तमे णं भंते! तणुवाए कतिवन्ने ?, जहा पाणाइवाए, नवरं अट्ठफासे पन्नत्ते, एवं जहा सत्तमे तनवाए तहा सत्तमे घनवाए घनोदधि पुढवी, छडे उवासंतरे अवन्ने, तनुवाए जाव छट्ठी पुढवी एयाई अट्ठ फासाई, एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं, जंबुद्दीवे २ सयंभुरमणे समुद्दे सोहम्मे कप्पे जाव ईसिपव्भारा पुढवी नेरतियावासा जाव वेमाणियावासा एयाणि सव्वाणि अट्ठफासाणि ।
नेरइयाणं भंते! कतिवन्ना जाव कतिफासा पन्नत्ता ?, गोयमा ! वेउव्वियतेयां पडुच पंचवत्रा पंचरसा दुग्गंधा अट्ठफासा पन्नत्ता, कम्पगं पडुच पंचवन्ना पंचरसा दुगंधा चउफासा पण्णत्ता, जीवं पडुच्च अवन्ना जाव अफासा पन्नत्ता, एवं जाव थणिय०,
पुढविकाइयपुच्छा, गोयमा ! ओरालियतेयगाइं पडुच्च पंचवन्ना जाव अट्ठफासा पन्नत्ता,
For Private & Personal Use Only
Jain Education International
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |