Page Text
________________
भगवतीअगसूत्र (२) १२/-1४/५३९ नेरइयाणं भंते ! कतिविहे पोग्गलपरियट्टे पन्नत्तै ?, गोयमा ! सत्तविहे पोग्गलपरियट्टे पन्नते, तंजहा-ओरालियपो० वेउब्बियपोग्गलपरियट्टे जाव आणापाणुपोग्गलपरियट्टे एवंजाव वेमाणियाणं।
एगमेगस्स णं भंते ! नेरइयस्स केवइया ओरालियपोग्गलपरियट्टा अतीया?, अनंता, केवइया पुरेक्खडा?, कस्सइ अस्थि कस्सइ नत्थि जस्सस्थि जहन्नेणं एकं वा दो वा तिनि वा उक्कोसेणं संखेज़ावा असंखेजा वा अनंता वा।
एगमेगस्स गंभंते ! नेरइयस्स केवतिया वेउब्वियपोग्गलपरियट्टा अतीया?, अनंता, एवं जहेव ओरालियपोग्गलपरियट्टा तहेव वेउब्बियपोग्गलपरियट्टावि भाणियव्वा, एवं जाव वेमाणियस्स आणापाणुपोग्गलपरियट्टा, एते एगत्तिया सत्त दंडगा भवंति।
नेरइयाणं भंते ! केवतिया ओ० पोग्गलपरिया अतीता?, गोयमा अनंता, केवइया पुरेक्खडा?, अनंता, एवं जाव वेमाणियाणं, एवं वेउब्वियपोग्गलपरियट्टावि एवं जाव आणापाणुपोग्गलपरियट्टा वेमाणियाणं, एवं एए पोहत्तिया सत्त चउव्वीसतिदंडगा।
एगमेगस्स णं भंते ! नेरइयस्स नेर० केवतिया ओरालियपोग्गलपरियट्टा अतीता ?, नत्थि एकोवि, केवतिया पुरेक्खडा?, नस्थि एकोवि, एगमेगस्सणंभंते! नेरइयस्स असुरकुमारत्ते केवतिया ओरालियपोग्गलपरियट्टा० एवं चैव एवं जाव धणियकुमारत्ते जहा असुरकुमारते। एगमेगस्स णं भंते ! नेरइयस्स पुढविक्काइयत्ते केवतिया ओरालियपोग्गलपरियट्टा अतीता?, अनंता, केवतिया पुरेक्खड़ा?, कस्सइ अस्थि कस्सइ नत्थि जस्सस्थितस्स जहन्नेणं एको वा दो वातिनि वाउकोसेणं संखेजावा असंखेज्जा वा अनंता वा एवंजावमणुस्सत्ते, वाणमंतरजोइसियवैमाणियते जहा असुरकुमारत्ते।
एगभेगस भंते! असुरकुमारस्स नेरइयत्ते केवतिया अतीया ओरालियपोग्गपरियट्टा एवं जहा नेरइयस्स क्त्तव्वया भणिया तहा असुरकुमारस्सवि भाणियव्वा जाव वेमाणि०, एवं जाव थणियकुमारस, एवं पुढविकाइयस्सवि, एव जाव वैमाणियस्स, सब्वेसि एक्को गमो।
एगमेगस्स णं भंते ! नेरइयस्स नेर० केव० वेउ० पोग्गलपरियट्टा अतीया ?, अनंता, केवतिया पुरेखडा?, एकोत्तरिया जाव अनंता, एवं जाव धणियकुमारते, पुढवीकाइयत्ते पुच्छा, नथि एक्कोवि, केवतिया पुरेक्खडा?, नत्थि एकोवि, एवं जत्थ वेउब्वियसरीरं अस्थि तत्थएगुत्तरिओजस्थ नत्थितत्थजहा पुढविकाइयत्तेतहा भाणियब्वं, जाववेमाणियस्स वेमाणियत्ते तेयापोग्ग-लपरियट्टा कम्मापोग्गलपरियट्टा यसव्वस्थाएकोत्तरिया भाणियन्वा, मणपोग्गलपरियट्टा सब्वेसुपंचिंदिएसुएगोत्तरिया, विगलिंदिएसु नत्थि, वइपोग्गलपरियट्टा एवं चेव, नवरंएगिदिएसु नत्थि भाणियव्वा आणापाणुपोग्गलपरियट्टा सव्वत्थ एकोत्तरिया जाव वेमाणियस्स वेमाणियत्ते
नेरइयाणं भंते! नेरइयत्ते केवतिया ओरालियपोग्गलपरियट्टाअतीया?, नत्थि एक्कोवि, कैवइयापुरेक्खडा?, नस्थि एकोवि, एवंजाव थणियकुमारते, पुढविकाइयत्ते पुच्छा, गोयमा ! अनंता, केवइया पुरेक्खडा?, अनंता, एवंजाव मणुस्सत्ते, वाणमंतरजोइसियवेमाणियत्ते जहा नेरइयत्ते एवं जावं वेमाणियस्स वेमाणियत्ते, एवं सत्तवि पोग्गलपरियट्टा भाणियब्वा, जत्थ अस्थि तत्थ अंतीयावि पुरेक्खडाविअनंता भाणियव्या, जत्थ नत्थि तत्थ दोवि नत्थि भाणियव्वा
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |