Page Text
________________
भगवतीअङ्गसूत्रं 9/-/२/२७
चत्तारि किरियाओ पन्नत्ताओ, तंजहा-आरंभिया १ परि०२ माया०३ अप्पञ्च०४, तत्थणंजे ते मिच्छदिट्ठी तेसि णं पंच किरियाओ कजंति-आरंभिया जाव मिच्छदंसणवत्तिया, एवं सम्मामिच्छदिठ्ठीणंपि, से तेणटेणं गोयमा !
नेरइयाणंभंते! सब्बे समाउया सव्वे समोववन्नगा?, गोयमा! नो इणढे समठे, से केणठेणं?, गोयमा! नेरइया चउब्विहा पन्नत्ता, तंजहा-अत्थेगइयासमाउयासमोववनगा १ अत्थेगइया समाउया विसमोववनगा २ अत्थेगइया विसमाउया समोववन्नगा ३ अत्थेगइया विसमाउया विसमोववनगा ४ से तेणढेणं गोयमा!०
___ असुरकुमारा णं भंते ! सव्वे समाहारा सवे समसरीरा, जहा नेरइया तहा भाणियव्वा, नवरं कम्मवन्नलेस्साओ परिवण्णेयवाओ, पुव्वोववन्नगा महाकम्मतरागा अविसुद्धवनतरागा अविसुद्धलेसतरागा, पच्छेववन्नगा पसत्था, सेसं तहेव, एवंजाव थणियकुमाराणं पुढविक्काइयाणं आहारकम्मवन्चलेस्सा जहा नेरइयाणं ।
पुढविक्काइयाणंभंते सव्वे समवेयणा?, हंता समवेयणा, सेकेणडेणं भंते ! समवेयणा गोयमा! पुढविकाइया सव्वे असन्नी असन्निभूया अनिदाए वेयणं वेदेति से तेणट्टेणं०
पुढविक्काइया णं भंते ! सब्बे समकिरिया?, हंता समकिरिया, से केणटेणं?, गोयमा! पुढविक्काइया सव्वे माई मिच्छदिट्ठी ताणं निययाओ पंच किरियाओ कजंति, तंजहा-आरंभिया जाव मिच्छदंसणवत्तिया, से तेणढेणं, समाउया समोववनगा, जहा नेरइया तहा भाणियव्वा, जहा पुढविक्काइया तहा जाव चउरिदिया।
___पंचिंदियतिरिक्खजोणिया जहा नेरइया नाणत्तं किरियासु, पंचिंदियतिरिक्खजोणिया णं भंते ! सव्वे समकिरिया ?, गा०, नो ति०, से केपट्टेणं, गो० पंचिंदियतिरिक्खजोणिया तिविहा पन्नत्ता, तंजहा-सम्मदिट्ठी मिच्छदिट्ठी सम्मामिच्छदिट्ठी, तत्थ णजे ते सम्मदिट्ठी ते दुविहा पन्नत्ता, तंजहा-अस्संजयाय संजयासंजयाय, तत्थणजे ते संजयासंजयातेसिणं तिन्नि किरियाओ कजंति, तंजहा-आरंभिया परिग्गहिया मायावत्तिया, असंजयाणं चत्तारि, मिच्छदिट्ठीणं पंच, सम्मामिच्छदिट्ठीणं पंच, मणुस्सा जहा नेरइया नाणत्तंजे महासरीराते बहुतराए पोग्गले आहारेति आहच आहारैतिजे अप्पसरीरातेअप्पतराएआहारेति अभिक्खणं आहारेंति सेसंजहा नेरइयाणं जाव वेयणा।
___ मणुस्साणं भंते! सव्वे समकिरिया?, गोयमा! नोतिणढे समढे, से केपट्टेणं?, गोयमा मणुस्सा तिविहा पन्नत्ता, तंजहा-सम्मदिट्ठी मिच्छदिट्ठी सम्मामिच्छदिठ्ठी, तत्थ णं ते सम्मदिट्ठी तेतिविहा पन्नत्ता, तंजहा-संजया अस्संजया संजयासंजया य, तत्थ गंजे ते संजया ते दुविहा पन्नत्ता, तंजहा-सरागसंजयाय वीयरागसंजयाय, तत्थणंजे ते वीयरागसंजया तेणं अकिरिया, तत्यणजे ते सरागसंजया ते दुविहा पन्नत्ता, तंजहा-पमत्तसंजया य अपमत्तसंजया य, तत्थणं जेते अप्पमत्तसंजया तेसिणंएगा मायावत्तिया किरिया कञ्जइ, तत्थणजे ते पमत्तसंजयातेसिणं दो किरियाओ कजंति, तं० -आरंभिया य मायावत्तिया य, तत्थ णं जे ते संजयासंजया तेसिणं आइलाओतिनिकिरियाओकजंति, तं० आरंभिया १ परिगहियारमायावत्तिया ३, असंसजयाणं चत्तारि किरियाओ कजंति-आरं० १ परि०२ मायावत्ति०३ अप्पच्च० ४ मिच्छदि-ट्ठीणं पंच,
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |