Page Text
________________
१३०
भगवती अङ्गसूत्रं २/- /१/११३
पयाहिणं करेइ करेइत्ता जाव नमंसित्ता एवं वदासी-आलित्ते णं भंते! लोए पलित्ते णं भं०लो० आ० प० भ० लो० जरामरणेण य, से जहानामए-केइ गाहावती आगारंसि झियायमाणंसि जे से तत्थ बंडे भवइ अप्पसारे मोल्लगरूए तं गहाय आयाए एगंतमंतं अवक्कमइति ।
एस मे नित्थारिए समाणे पच्छ पुरा हियाए सुहाए खमाए निस्सेसाए आनुगामियत्ताए भविस्सइ, एवामेव देवाणुप्पिया ! मज्झवि आया एगे भंडे इट्टे कंते पिए मणुन्ने मणामे थेजे वेसासिए संमए बहुमए अनुमए भंडकरंडगसमाणे मा णं सीयं मा णं उन्हं मा णं खुहा मा णं पिवासा माणं चोरा मा णं वाला मा णं दंसा माणं मसगा मा णं वाइयपित्तियसंभियसंनिवाइयविविहा रोगायंका परीसहोवसग्गा फुसंतुत्तिकट्टु एस मे नित्यारिए समाणे परलोयस्स हियाए सुहाए खमाए नीसेसाए अनुगामियत्ताए भविस्सइ ।
तं इच्छामि णं देवाणुपिया ! सयमेवपव्वावियं सयमेव मुंडावियं सयमेव सेहावियं सयमेव सिक्खावियं सयमेव आयारगोयरं विणयवेणइयचरणकरणजायामायावत्तियं धम्ममाइक्खिअं
तणं समणे भगवं महावीरे खंदयं कच्चायणस्सगोत्तं सयमेव पव्वावेइ जाव धम्ममातिक्खइ, एवं देवाणुप्पिया ! गंतव्वं एवं चिट्ठियव्वं एवं निसीतियव्वं एवं तुयट्टियव्वं एवं भुंजियव्वं एवं भासियव्वं एवं उठाए २ पाणेहिं भूएहिं जीवेहिं सत्तेहिं संजमेणं संजमियव्वं, अस्सि चणं अट्ठे नो किंचिवि पमाइयव्वं । तए णं से खंदए कच्चायणस्सगोते समणस्स भगवओ महावीरस्स इमं एयारूवं धम्मियं उवएसं सम्मं संपडिवज्जति तमाणाए तह गच्छइ तह चिट्ठइ तह निसीयति तह तुयट्टइ तह भुंजइ तह भासइ तह उट्ठाए २ पामेहिं भूएहिं जीवेहिं सत्तेहिं संजमेणं संजमियव्वमिति, अस्सि च णं अट्ठे नो पमायइ ।
तएण से खंदए कच्चाय० अनगारे जाते इरियासमिए भासासमिए एसणासमिए आयाणभंडमत्तनिक्खेवणासमिए उच्चारासवणखेलसिंघाणजल्लपारिट्ठावणियासमिए मणसमिए वयसमिए कायसमिए मणगुत्ते वइगुत्ते कायगुत्ते गुत्ते गुत्तिंदिए गुत्तबंभयारी चाई लज्जू धन्ने खंतिखमे जिइंदिए सोहिए अनियाणे अप्पुस्सुए अबहिल्लेस्से सुसामण्णरए दंते इणमेव निग्गंधं पावयणं पुरओ काउं विहरइ ।
घृ. 'धम्मका भाणियव्व'त्ति, सा चैवम्
॥ १ ॥
"जह जीवा बज्झंती मुच्चंती जह य संकिलिस्संती । जह दुक्खाणं अंतं करेति केई अपडिबद्धा ॥ अट्टनियट्टियचित्ता जह जीवा दुक्खसागरमुर्वेति । जह वेरग्गमुवगया कम्मसमुग्गं विहाडिंति ।। इत्यादि,
इह च 'अट्टनियट्टियचित्ता' आर्त्त निर्विर्त्तितं चित्ते यैस्ते तथा, आर्त्ताद्वानिवर्त्तितं चित्तं यैस्ते आर्त्तानिर्वर्तितचित्ताः । 'सद्दहामि' त्ति निर्ग्रन्थ प्रवचनमस्तीति प्रतिपद्ये 'पत्तियामि' त्ति प्रीतिं प्रत्ययं वा सत्यमिदमित्येवंरूपं तत्र करोमीत्यर्थः 'रोएमि' त्ति चिकीर्षामीत्यर्थः 'अब्भुट्ठेमित्ति एतदङ्गीकरोमीत्यर्थः ।
अथ श्रद्धानाद्युल्लेखं दर्शयति एवमेतन्नैर्ग्रन्थं प्रवचनं सामान्यतः अथ यथैतद्यूयं वदथेति
P
For Private & Personal Use Only
www.jainelibrary.org
॥२॥
Jain Education International
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |