Page Text
________________
शतकं-२, वर्ग:-, उद्देशकः-१
१२३ ताव रहस्सकडे हब्बमक्खाएजओ णं अहं जाणामि खंदया! तएणं से खंदए कच्चायणस्सगोत्ते भगवं गोयमं एवं वयासी
गच्छामोणंगोयमा! तवधम्मायरियं धम्मोवदेसयंसमणं भगवं महावीरंवंदामो नमंसामो जाव पज्जुवासामो, अहासुहंदेवाणुप्पिया! मा पडिबंध, तएणं से भगवं गोयमे खंदएणंकचायणस्सगोत्तेणं सद्धिं जेणेव समणे भगवं महावीरे तेणेव पहारेत्थ गमणयाए ! तेणं कालेणं २ समणे भगवं महावीरे वियडमोतीयावि होत्था, तएणं समणस्स भगवओ महावीरस्स वियट्टभोगियस्स सरीरं ओरालं सिंगारंकल्लाणं सिवं धन्नं मंगलं सस्सिरीयं अणलंकियविभूसियं लक्खणवंजणघउणोववेयं सिरीए अतीव २ उचसोभमाणे चिट्ठाइ।
तएणं से खंदए कच्चायणस्सगोत्ते समणस्स भगवओ महावीरस्स वियट्टभोगिस्स सरीरं ओरालं जाव अतीव २ उवसोभेमाणं पासइ र त्ता हतुठ्ठचित्तमाणदिए पीइमणे परमसोमणस्सिए हरिसवसविसप्पमाणहियएजेणेव समणे भगवं महावीरे तेणेव उवागच्छइ २ ता समणं भगवं महावीरं तिक्खुत्तो आयाहिणप्पयाहिणं करेइ जाव पञ्जुवासइ । खंदयाति समणे भगवं महावीरे खंदयं कच्चाय० एवं वयासी-सेनूणं तुमखंदया! सावत्थीए नयरीए पिंगलएणं नियंठेणं वेसालियसावएणं इणमक्खेवं पुच्छिए मागहा ! किं सअंते लोए अनंते लोए एवं तं चेव जाव जेणेव मम अंतिए तेणेव हव्वमागए, से नूणं खंदया! अयमढे समठे?, हंता अस्थि
जेवियते खंदया! अयमेयारूवे अब्मथिए चितिएपस्थिए मणोगए संकप्पे समुप्पज्जित्थाकिंसते लोए अणते लोए? तस्सवियणं अयमढे-एवं खलु मए खंदया! चउविहे लोए पन्नते, तंजहा-दव्यओ खेत्तओ कालओ भावओ । दबओ णं एगे लोए सअंते?, खेत्तओ णं लोए असंखेजाओ जोयणकोडाकोडीओ आयामविक्खंभेणं असंखेज्जाओ जोयणकोडाकोडीओ परिक्खेवेणं प० अस्थि पुण सअंते २, कालओ णं लोए न कयावि न आसी न कयाविन भवति न कयाविन भविस्सति प० अस्थिपुण सअंते २, कालओणं लोए ण कयाविनआसीन कयावि न भवति न कयावि न भविस्सति भविंसु य भवति य भविस्सइ य धुवे नितिए सासते अक्खए अब्बए अवठिए निच्चे, नत्थि पुण से अंते ३ ।
भावओणं लोए अनंता वन्न पजवा गंध० रस० फासपज्जवा अनंता संठाणपजवा अनंता गुरुयलहुयपज्जवा अनंता अगुरुयलहुयपजवा, नस्थि पुण से अंते ४, सेत्तं खंदगा! दव्वओ लोए सअंते खेत्तओ लोए सअंते कालतो लोए अनंते भावओ लोए अनंते । जेविय ते खंदया! जाव सअंते जीवे अनंते जीवे, तस्सवि य णं अयमढ़े-एवं खलु जाव दव्वओ णं एगे जीवे सअंते, खेत्तओ णं जीवे असंखेज्जपएसिए असंखेजपदेसोगाढे अस्थि पुण से अंते, कालओ णं जीवे न कयाविन आसिजाव निचेनस्थिपुण से अंते, भावओणंजीवे अनंता नाणपज्जवा अनंता दंसणप० अनंता चरित्तप० अनंता गुरुलहुयप०अनंता अगुरुलहुयप० नत्थि पुण से अंते, सेत्त दब्बओ जीवे सअंते खेत्तओ जीवे सअंते कालओ जीवे अनंते भावओ जीवे अनंते ।
जेवियते खंदया पुच्छ (इभेयारूवेचिंतिएजाव सअंता सिद्धी अनंता सिद्धी, तस्सविय णं अयमढे खंदया !-मए एवं खलु चउब्बिहा सिद्धी प०, तं० -दव्बओ ४, दव्यओ णं एगा सिद्धी) खेत्तओ णं सिद्धी पणयालीसं जोयणसहस्साइं दोन्नि य अउणापन्नजोयणसए किंचि
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |