Page Text
________________
૨૨.
भगवतीअङ्गसूत्रं २/-/१/११२ वेसालीसावएणंदोघंपितचपि इणमक्खेवं पुच्छिए समाणे संकिए कंखिए वितिगिच्छिए भेदसमावन्ने कलुसमावन्ने नो संचाएइ पिंगलयस्स नियंठस्स वेसालिसावयस्स किंचिविपमोक्खमक्खाउं तुसिणीए संचिठ्ठइ ।। तए णं सावत्थीए नयरीए सिंघाडग जावमहापहेसु महया जणसंमद्दे इ वा जणबूहे इवा परिसा निगच्छइ।
तए णं तस्स खंदयस्स कच्चायणस्सगोत्तस्स बहुजणस्स अंतिए एयमढं सोचा निसम्म इमेयारूवे अब्भथिए चिंतिए पत्थिएमनोगएसंकप्पे समुप्पज्जित्था-एवं खलु समणेभगवं महावीरे कयंगलाए नयरीए बहिया छत्तपलासए चेइए संजमेणं तवसा अप्पाणं भावेमाणे विहरइ, तं गच्छमि णं समणं भगवं महावीरं चंदामि नमसामि, सेयं खलु मे समणं भगवं महावीरं चंदित्ता नमंसित्ता सक्कारेत्तासम्माणित्ता कल्लाणं मंगलं देवयं चेइयं पञ्जुवासित्ता इमाइं च णं एयारवाई अट्ठाई हेऊइं पसिणाई कारणाइंपुच्छित्तएत्तिकहु एवं संपेहेइ २ --जेणेव परिव्वायावसहे तेणेव उवागच्छइ २ तातिदंडंचकुंडियंच कंचणियंच करोडियंचभिसियंच केसरियंच छन्नालयंच अंकुसयं च पवित्तयं च गणेत्तियं च छत्तयं च वाहणाओ य पाउयाओ च धाउरत्ताओ य गेण्हइ गेण्हइत्ता परिव्वायावसहाओ पडिनिक्खमइ पडिनिक्खमइत्ता तिदंडकुंडियकंचणियकरोडियभिसियकेसरियछन्नालयअंकुसयपवित्तगणेत्तियहत्थगएछत्तोवाहणसंजुत्ते धाउरत्तवत्थपरिहिए सावत्थीए नगरीएमझमझेणं निगच्छइ निगच्छइत्ताजेणेव कयंगला नगरी जेणेवछत्तपलासए चेइए जेणेव समणे भगवं महावीरे तेणेव पहारेत्य गमणाए।
गोयमाइंसमणे भगवंमहावीरे भगवंगोयमंएवंवयासीदच्छिसिणंगोयमा! पुवसंगतियं, कहं भंते!?, खंदयं नाम, से काहं वा किहं वा केवन्चिरेण वा?,एवं खलु गोयमा! तेणं कालेणं २ सावत्थीनामनगरी होत्था वन्नओ, तत्थ णं सावत्थीए नगरीए गहभालिस्स अंतेवासी खंदए नामं कच्चायणस्सगोत्ते परिव्वायए परिवसइ तं चेव जाव जेणेव ममं अंतिए तेणेव पहारेत्थ गमणाए, से तं अदूरागते बहुसंपत्ते अद्धाणपडिवन्ने अंतरापहे वट्टइ।
अजेव णं दच्छिसि गोयमा!, भंतेत्ति भगवं गोयमे समणं भगवं वंदइ नमसइ २ एवं वदासी-पहू णं भंते ! खंदए कच्चायणस्सगोत्ते देवाणुप्पियाणं अंतिए मुंडे भवित्ता अगाराओ अनगारियं पव्वइत्तए?, हंता पभू, जावंच णं समणे भगवं महावीरे भगवओ गोयमस्स एयमटुं परिकहेइ तावं च णं से खंदए कच्चायणस्सगोत्ते तं देसं हव्वमागते, तए णं भगवं गोयमे खंदए कच्चायणस्सगोत्ते तेणेव उवागच्छइ २ ताखंदयं कच्चायणस्सगोतंएवंवयासी-हे खंदया ! सागयं खंदया! सुसागयं खंदया! अनुरागयं खंदया! सागयमनुरागयं खंदया! से नूणं तुम खंदया!
___ सावत्थीए नयरीए पिंगलएयं नियंठेणं वेसालियसावएणं इणमक्खेवं पुच्छिए-मागहा! किंसते लोगे अनंते लोगे? एवंतंचेवजेणेव इहं तेणेव हव्वमागए, से नूणं खंदया! अढे समढे हंता अत्थि, तएणंसे खंदए कच्चा० भगवंगोयम एवंवयासी-सेकेणतुणंगोयमा!तहारूवे नाणी वा तवस्सी वा जेणं तवएस अढे ममताव रहस्सकडे हब्बमक्खाए? जओ णं तुमंजाणसि, तए णं से भगवं गोयमे खंदयं कच्चायणस्सगोत्तं एवं वयासी
-एवंखलुखंदया! ममधम्मायरिएधम्मोवएसएसमणेभगवंमहावीरे उप्पन्ननाणदंसणधरे अरहा जिणे केवली तीयपच्चप्पन्नमणागयवियाणए सव्वन्नू सब्बदरिसी जेणं ममं एस अढे तव
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |