Page Text
________________
शतकं - २५, वर्ग:-, उद्देशकः -७
४४३
नाविणए य, से किं तं सुस्सूसनाविनए ?, सुं० २ अनेगविहे पं० तं०-सक्कारेइ वा सम्माणेइ वा जहा चोद्दसमसए ततिए उद्देसए जाव पडिसंसाहणया, सेत्तं सुस्सूसणाविनए ।
से किं तं अणच्चासायनाविनए ?, अ० २ पणयालीसइविहे पं० तं०- अरिहंताणं अणच्चासादनया अरिहंतपत्रत्तस्स धम्मस्स अणच्चासा० आयरियाणं अणच्चासाद० उवज्झायाणं अणच्चासा० थेराणं अणच्चासा० कुलस्स अणच्चासा० गणस्स अणचासा० संघस्स अणच्चासा० किरियाए अणच्चासाo संभोगस्स अणच्चासाय० अभिनिवोहिय- नाणस्स अणच्चासा० जाव केवलनाणस्स अणच्चासादनया १५, एएसि चेव भत्तिबहुमाणेणं एएसिं चेव वन्नसंजलणया, सेत्तं अणच्चचासयणयाविनए, सेत्तं दंसणविनए ।
से किं तं चरित्तविनए ?, च २ पंचविहे पं० तं० - सामाइयचरित्तविनए जाव अहक्खायचरितविनए, सेत्तं चरितविनए ।
से किं तं मणविनए ?, म० २ दुविहे पं०, तं०-पसत्थमणविनए अपसत्थमणविनए य, से किं तं पसत्थमणविनए ?, पस० २ सत्तविहे प०, तंजहा- अपावए असावजे अकिरिए निरुवक्कसे अणण्हवकरे अच्छविकरे अभूयाभिसंकणे, सेत्तं पसत्थमणविनए, से किं तं अपसत्थमणविनए ?, अप्प० २ सत्तविहे पं० तं - पावए सावज्जे सकिरिए सउवक्कसे अण्हवयकरे छविकरे भूयाभिसंकणे, सेत्तं अप्पसत्यमणविणए, सेतं मणविनए ।
से किं तं वइविनए ?, व० २ दुविहे पं० तं०-पसत्यवइविनए अप्पसत्थवइविनएय, से किं तं पसत्यवइविनए ?, ५० २ सत्तविहे पं० तं० - अपावए जाव अभूयाभिसंकणे, सेत्तंपसत्थवइविणए, से किं तं अप्पसत्यवइविणए ?, अ० २ सत्तविहे पं० तं०- पावए सावजे जाव भूयाभिसंकणे, सेत्तं अपसत्थवयविनए से तं वयविनए, से किं तं कायवि० ? २ दुविहे प० तं० -पसत्यकायविनए य अपसत्थकायविनए सेकिं तं पसत्थकायवि० ? पस० २ सत्तविहे पं० तंजा - आउत्तं गमणं आउत्तं ठाणं आउत्तं निसीयणं आउत्तं तुयट्टणं आउत्तं उल्लंघणं आउत्तं पल्लंघणं आउत्तं सव्विंदिय- जोगजुंजणया, सेत्तं पसत्थकायविणए, से किं तं अप्पसत्यकायविनए अ० २ सत्तविहे पन्नत्ते, तंजहा - अणाउत्तं गमणं जाव अणाउत्तं सव्विंदियजोगजुंजणया, सेत्तं अप्पसत्यकायविनए, सेत्तं कायविनए ।
से किं तं लोगोवयारविनए ?, लोगो० २ सत्तविहे पं० तं०- अब्भासवत्तियं परच्छंदानुवत्तियं कजऊ कयपडिकतिया अत्तगवेसणया देसकालण्णया सव्वत्थेसु अप्पडिलोमया, सेत्तं लोगोवयारविनए, सेत्तं विनए ।
वृ. 'दुविहे 'त्यादि, 'बाहिरिए य' ति बाह्यं बाह्यस्यापि शरीरस्य तापनात् मिध्यादृष्टिभिरपि तपस्याऽभ्युपगमाच्च 'अभितरिए य'त्ति आभ्यन्तरम् - अभ्यन्तरस्यैव कार्म्मणाभिदानशरीरस्य प्रायस्तापनात्सम्यग्धष्टिभिरेव प्रायस्तपस्तयाऽभ्युपगमाच्चेति 'ओमोयरिए' त्ति अवमस्यऊनस्योदरस्य करणमयमोदरिका, व्युत्पत्तिमात्रमेतदितिकृत्वोपकरणादेरपि न्यूनताकरणं सोच्यते, 'इत्तरिए य'त्ति अल्पकालीनं 'आवकहिए य'त्ति यावत्कधिकं यावज्जीविकं, 'पाओवगमणे'त्ति पादपवन्निस्पन्दतयाऽवस्थानं, 'नीहारिमे' त्ति यदाश्रयस्यैकदेशे विधीयते, तत्र हि कडेवरमा श्रयान्निर्हरणीयं स्यादितिकृत्वा निहरिमं, 'अनीहारिमे यत्ति अनिहरिमं यद् गिरिकन्दरादौ
Jain Education International
For Private & Personal Use Only
www.jainelibrary.org
| SR No. | 003339 |
| Book Title | Agam Sutra Satik 05 Bhagavati AngSutra 05 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 1096 |
| Language | Prakrit, Sanskrit |
| Classification | Book_Devnagari, Agam, Canon, Agam 05, & agam_bhagwati |
| File Size | 23 MB |