________________
शतकं - 9, वर्ग:, उद्देशकः -७
समविकाररूपत्वात् मातापित्रोः साधारणानीति ।
'अम्मापिइए णं' ति अम्बापैतृकं, शरीरावयवेषु शरीरोपचाराद्, उक्तलक्षणानि मातापित्रङ्गानीत्यर्थः, 'जावइयं से कालं 'ति यावन्तं कालं ' से 'त्ति तत् तस्य वा जीवस्य 'भवधारणीयं' भवधारणप्रयोजनं मनुष्यादिभवोपग्राहकमित्यर्थः, 'अव्वावन्ने' त्ति अविनष्टम्, 'अहे णं' ति उपचयान्तिमसमयादनन्तरमेतद् अम्बापैतृकं शरीरं 'वोक्कसि माणे ' त्ति व्यवकृष्यमाणं हीयमानं !
९७
गर्भाधिकारादेवापरं सूत्रम्
मू. (८४) जीवे णं भंते! गब्भगए समाणे नेरइएसु उववज्जेज्जा ?, गोयमा ! अत्थेगइए उववज्जेज्जा अत्थेगइए नो उववज्जेज्जा, से केणट्टेणं ?, गोयमा ! से गं सन्नी पंचिंदिए सव्वाहिं पत्तीहिं पञ्जत्तए वीरियलद्धीए वेडव्वियलद्धीए पराणीएणं आगयं सोचा निसम्म पएसे निच्छुभइ नि० २ वेउव्वियसमुग्धाएणं समोहणइ समो० २ चाउरंगिणिं सेन्नं विउव्वइ चाउरंगिणीसेनं विउच्वेत्ता चाउरंगिणीए सेनाए पराणीएणं सद्धिं संगामं संगामेइ ।
सेणं जीवे अत्थकामए रजकामए भोगकामए कामकामए अत्थकंखिए रज्जकंखिए भोगकखिए कामकंखिए अत्यपिवासिए रज्जपिवासिए भोगपिवासिए कामपिवासिए तच्चित्ते तम्मने तल्लेसे तदज्झवसिए तत्तिव्वज्झवसाणे तदट्ठोवउत्ते तदप्पियकरणे तब्भावणाभाविए एयंसि णं अंतरंसि कालं करेज नेरइएसु उववज्जइ, से तेणठ्ठेणं गोयमा ! जाव अत्थेगइए उववज्जेज्जा अत्थेगइए नो उववज्रेज्जा ।
जीवे णं भंते! गव्भगए समाणे देवलोगेसु उववज्जेज्जा ?, गोयमा ! अत्येगइए उववज्जेज्जा अत्थेगइए नो उववज्जेज्जा, से केणट्टेणं ?, गोयमा ! से गं सन्नी पंचिंदिए सव्वाहिं पज्जत्तीहिं पजत्तए तहारुवस्स समणस्स वा माहणस्स वा अंतिए एगमवि आयरियं धम्मियं सुवयणं सोचा निसम्म तओ भवइ संवेगजायसड्डे तिव्वधम्माणुरागरत्ते, से णं जीवे धम्मकामए पुण्णकामए सग्गकामए मोक्खकामए धम्मकंखिए पुण्णकंखिए सग्गमोक्खकं० धम्मपिवासिए पुण्णसग्गमोक्खपिवासिए तच्चित्ते तम्मणे तल्लेसे तज्झवसिए तत्तिव्वज्झवसाणे तदट्टोवउत्ते तदप्पियकरणे तब्भावणाभाविए एयंसि णं अंतरंसि कालं करे० देवलो० उव०, से तेणट्टेणं गोयमा !०
जीवे णं भंते! गभगए समाणे उत्ताणए वा पासिल्लए वा अंबखुज्जए वा अच्छेज वा चिट्ठे वा निसीएज वा तुयट्टेज वा माऊए सुयमाणीए सुवइ जागरमाणीए जागरइ सुहियाए सुहिए भवइ दुहियाए दुहिए भवइ ?, हंता गोयमा ! जीवेणं गब्भगए समाणे जाव दुहियाए दुहिए भवइ, अहे णं पसवणकालसमयंसि सीसेण वा पाएहिं वा आगच्छइ सममागच्छइ तिरियमागच्छइ विनिहायमागच्छइ ।
वणवज्झाणि य से कम्पाई बद्धाइं पुट्ठाई निहत्ताई कडाई पुट्ठवियाई अभिनिविट्ठाई अभिसमन्नागयाई उदिनाइं नो उवसंताई भवंति तओ भवइ दुरूवे दुव्वन्ने दुग्गंधे दूरसे दुष्फासे अनिट्टे अकंते अप्पिए असुभे अमणुन्ने अमणामे हीणस्सरे दीणसरे अनिट्टस्सरे अकंतस्सरे अप्पियस्सरे असुभस्सरे अमणुत्रस्सरे अमणामस्सरे अणाएजवयणे पञ्चायाए यावि भवइ, वन्नवज्झाणि य से कम्माई नो बद्धाई पसत्थं नेयव्वं जाव आदेज्जवयणं पञ्च्चायाए यावि भवइ ।
57
Jain Education International
For Private & Personal Use Only
www.jainelibrary.org