Page Text
________________
मूलं - १४९
२२७
निरयगमणाई संसारभवपवंचा दुहपरंपराओं दुकुलपच्चायाईओ दुलहबोहिअत्तं आघविज्जइ सेतं दुहंविवागा ।
से किं तं सुहविवागा ?, सुहविवागेसु नं सुहविवागाणं नगराई उज्जाणाई वनसंडाई चेइआई समोसरणाइं रायणो अम्मापिअरो धम्माअरिआ धम्मकाहाओ इहलोइ अपरलोइआ इड्ढिविसेसा भोगपरिच्चागा पव्वज्जाओ परिआगा सुअपरिग्गहा तवोवहाणाई संलेहणाओ भत्तपच्चक्खाणाई पाओवगमणाइं देवलोगगमणाई सहपरंपराओ सुकुलपच्चार्याइिओ पुणबोहिलाभा अंतकिरिआओ आघविज्जति ।
विवागसुयस्स नं परित्ता वायणा संखिज्जा अनुओगदारा संखेज्जा सिलोगो संखेज्जाओ निज्जुत्तीओ संखेज्जाओ संगहणाओ संखेज्जाओ पडिवत्तीओ,
से णं अंगद्वयाए इक्कारसमे अंगे दो सुअक्खङ्गधा वीसं अज्झयणा वीसं उद्दसणकाला वीसं समुद्देसणकाला संखिज्जाइं पयसहस्साइं पयग्गेणं संखेज्जा अक्खरा अनंता गमा अनंता पज्जवा परित्ता तसा अनंता थावरा सासयकडनिबद्धनिकाइआ जिणपन्नत्ता भावा आघविज्जति पन्नविज्जति परुविज्जति दंसिज्जति निदंसिज्जति उवदंसिज्जति,
से एवं आया एवं नाया एवं विन्नाया एवं चरणकरणपरूवणा आघविज्जइ, से तं विवागसुयं
११ ॥
वृ. अथ किं तद्विपाक श्रुतं ?, विपचनं विपाकः शुभाशुभकर्मपरिणाम इत्यर्थः तत्प्रतिपादकं श्रुत विपाक श्रुतं, शेषं सर्वमानिगमनं पाठसिद्धं, नवरं सङ्ख्येयानि पदसहस्राणीति एका कोटी चतुरशीतिर्लक्षा द्वात्रिंशच्च सहस्राणि ।
मू. (१५० ) से किं तं दिट्टिवाए ?, दिट्ठिवाए णं सव्वभावपरूवणा आघविज्जइ, से समासओ पंचविहे पन्नते, तंजहा - परिकम्मे १ सुत्ताई २ पुव्वगए ३ अनुओगे ४ चूलिआ ५,
से किं तं परिकम्मे ?, परिकम्मे सत्तविहे पन्नत्ते, तंजहा- सिद्धसेणिआपरिकम्मे १ मनुस्ससेणिआपरिकम्मे २ पुट्ठसेणिआपरिकम्मे ३ ओगाढसेणिआपरिकम्मे ४ उवसंपज्जणसेणिआपरिकम्मे ५ विप्पजहणसेणिआपरिकम्मे ६ चुआचुअसेणिआपरिकम्मे ७,
से किं तं सिद्धसेणि आपरिकम्मे ?, २ चउदसविहे पन्नत्ते, तंजहा- माउगापयाई १ एगट्ठिअपयाई २ अट्ठपयाई ३ पाढोआमासपयाई ४ के भूअं ५ रासिबद्धं ६ एगगुणं ७ दुगुणं ८ तिगुणं ९ केउभूअं १०, पडिग्गहो ११ संसारपडिग्गहो १२ नंदावत्तं १३ सिद्धावत्तं १४ ते सं सिद्धसेणिआपरिकम्मे १,
से किं तं मनुस्स सेणिआपरिकम्मे ?, मनुस्ससेणिआपरिकम्मे चउदसविहे पत्रत्ते, तंजहामाउयापयाइं १ एगट्ठिअपयाई २ अट्ठापयाइं ३ पाढोआमासपयाइं ४ केउभूअं ५ रासबद्ध ६ एगगुणं ७ दुगुणं ८ तिगुणं ९ केउभूअं १० पडिग्गहो ११ संसारपडिग्गहो १२ नंदावत्त १३ मणुस्सावत्तं १४, सेत्तं मणुस्ससेणिआपरिकम्मे २.
से किं तं पुट्टणि आपरिकम्मे ?, पुट्ठसेणिआपरिकम्मे इक्कारसविहे पन्नत्ते, तंजहापाढो आमासपयाई १ केउभूअं २ रासिबद्धं ३ एगगुणं४ दुगुणं ५ तिगुणं ६ केउभूअं ७ पडिग्गहो ८ संसारपडिग्गहो ९ नंदावत्तं १० पुट्ठावत्तं ११, से तं पुट्टसेणिआ परिकम्मं ३ ।
For Private & Personal Use Only
Jain Education International
www.jainelibrary.org
| SR No. | 003334 |
| Book Title | Agam Suttani Satikam Part 30 Nandi Anuyoddwar |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 500 |
| Language | Prakrit, Sanskrit |
| Classification | Book_Devnagari, Agam, Canon, agam_nandisutra, & agam_anuyogdwar |
| File Size | 10 MB |