Page Text
________________
अध्ययनं ४, [ नि. २०७]
१७९
इत्येवंशीलः मलापध्वंसी - मलविनाशकृत, स्यादिति शेष:, ततो यावल्लाभं देहधारणमपि गुणायैवेति भावः, यद्वा जीवितं बृंहयित्वा लाभान्तरे - लाभविच्छेदे ऽन्तर्बहिश्च मलाश्रयत्वान्मलः-औदारिकशरीरं तदपध्वंसी स्यात्, कोऽर्थः ? - जीवितं त्यजेद्, इदमुक्तं भवति-अयमस्यैको हिगुणो मानुष्यमवाप्य लभ्यते धर्म्म इति भावयन् यावदितस्तल्लाभः तावदिदं बृंहयेत्, लाभविच्छेदं सम्भाव्य संलेखनादिविधानतस्त्यजेत् ।। इह च यावल्लाभधारणे मण्डिकचौरोदाहरणं, तत्र च सम्प्रदायः
बिन्नागयडे नयरे मंडितो नाम तुन्नातो परदव्वहरणपसत्तो आसी, सोय दुट्ठगंडो मित्ति जने पगासेंतो जाणुदेसेण निच्चमेव अद्दयालेवलित्तेण रायमग्गे तुन्नागस्स सिप्पमुवजीवति, चकंमतोऽवि य दंडधरिएणं पाएण किलिस्संतो कर्हिवि चकमति, रतिं च खत्तं खणिऊण दव्वजायं घेत्तूण नगरसंनिहिए उज्जानेगदेसे भूमिघरं, तत्थ निक्खिवति, तत्थ य से भगिनी कन्नगा, चिट्ठति, तस्स भूमिधरस्स मज्झे कूवो, जंच सो चोरो दव्वेण पलोभेउं सहायं दव्ववोढारं आणेति तं सा से भगिनी अगडसमीवे पुव्वणत्थासणे निवेसेउं पायसोयलक्खेण पाए गिव्हिऊण तम्मि कूवे पक्खिवइ, ततो सो तत्थेव विवज्जइ, एवं कालो वच्चति नयरं मुसंतस्स, चोरगाहा तं न सक्किति गिहिउं, तओ नयरे उवरतो जातो ।
तत्थ मूलदेवो राया, सो कहं राया संवुत्तो ? - उज्जेनीए नयरीए सव्वगणियापहाणा देवदत्ता नाम गणिया, तीए सद्धि अयलो नाम वाणियदारतो विभवसंपन्नो मूलदेवो य संवसर, तीए मूलदेवो इट्ठो, गणियामाऊए अयलो, सा भणति - पुत्ति ! किमेएणं जूइकारेणंति ?, देवदत्ताए भन्नति-अम्मो ! एस पण्डितो, तीए भन्नइ - किं एस अम्ह अब्भहियं विन्नाणं जाणति, अयलो बाहत्तरिकलापंडिओ एव, तीए भन्नत्ति-वच्छ ! अयलं भण- -देवदत्ताए उच्छु खाइउं सद्धा, ती तूण भणितो, तेन चिंतियं कओ खु ताई अहं देवदत्ताए पणतितो, तेन सगडं भरेऊण उच्छुयलट्ठीण उवणीयं, ताए भण्णति - किमहं हत्थिणी ?, तीए भणियं वच्च मूलदेवं भणदेवदत्ता उच्छ्रं खाइउं अहिलसति, तीए गंतूण से कहियं तेन य कई उच्छुलट्ठीतो छल्लेउं गंडलीतो काउंचाउज्जायगादिसुवासियातो काउं पेसियाओ, तीए भण्णति - पिच्छविण्णाणंति, सा तुहिक्का ठिया, मूलदेवस्स पओसमावन्ना अयलं भणति-अहं तहा करेमि जहा मूलदेवं गिण्हिस्सित्ति, तेन असयं दीनाराण तीए भाडिनिमित्तं दिनं, तीए गंतुं देवदत्ता भन्नति - अज्ज अयलो तुमे समं वसिही, इमे दीनारा दत्ता, अवरण्हवेलाए गंतुं भणति-अयलस्स कज्जं तुरियं जायं तेन गामं गतोत्ति, देवदत्ताए मूलदेवस्स पेसियं, आगतो मूलदेवो,
-
ती समाणं अच्छइ, गणिया माऊण अयलो य अप्पाहितो, अन्नाओ पविट्ठो बहुपुरिससमग्गो वेढिउं गब्भगिहं, मूलदेवो अइसंभमेण सयणीयस्स हिट्ठा निलुक्को, तेन लक्खितो, देवदत्ताए दासचेडीतो संवुत्तातो अचलस्स सरीरऽब्भंगादि घेत्तु उवट्ठिया, सो य तंमि चेव सयणीए ठियनिसन्नो भाइ-इत्थ चेव सयणीए ठियं अब्भंगेहि, तातो भांति - विनासिज्जइ सयणीयं, सो भइ - अहं एत्तो उक्ट्ठितरं दाहामो, मया एवं सुविनो दिट्ठो, सयणीयऽब्भंगणउव्वलनण्हानादि कायव्वं, ताहिं तधा कयं, ताहे ण्हाणगोल्लो मूलदेवो अयलेण वालेसु गहाय कड्ढितो, • संलत्तो यऽनेन वच्च मुक्कोऽसि, इयरहा ते अज्ज अहं जीवियस्स विवसामि, जदि मया जारिसो
For Private & Personal Use Only
www.jainelibrary.org
Jain Education International
| SR No. | 003332 |
| Book Title | Agam Suttani Satikam Part 28 Uttaradhyayanaani |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 388 |
| Language | Prakrit, Sanskrit |
| Classification | Book_Devnagari, Agam, Canon, & agam_uttaradhyayan |
| File Size | 19 MB |