________________
२७५
अध्ययनं-५- [नि. १५४६] नि. (१५४६) घोडग लयाइ खंभे कुड्डे माले अ सवरि वहु नियले ।
लंबुत्तर थण उद्धी संजय खलि (णे य) वायसकवितु ।। नि. (१५४७) सीसुकंपिय सूई अंगुलिभमुहा य वारुणी पेहा ।
नाहीकरयलकुप्पर उस्सारिय पारियंमि थुई ॥ आसुव्व विसमपायं गायं ठावित्तु ठाइ उस्सग्गे । कंपइ काउस्सग्गे लयव्व खरपवणसंगेणं ॥१॥ खंभे वा कुड्डे वा अवठंभिय ठाइ काउसग्गं तु । माले य उत्तमंगं अवठंभिय ठाइ उस्सग्गं ॥२॥ सबरी वसनविरहिया करेहि सागारियं जह ठवेइ । ठइऊण गुज्झदेसं करेहि तो कुणइ उस्सग्गं ॥३॥
अवणामिउत्तमंगो काउस्सग्गं जहा कुलबहुव्व । नियलियओविब चलणे वित्थारिय अहव मेलविउं ॥४॥
काऊण चोलपट्ट अविधीए नाभिमंडलस्सुवरिं। हिट्ठा य जाणुमित्त चिट्ठई लंबुत्तरुस्सग्गं ॥५॥ उच्छाईऊण य थणे चोलगपट्टेण ठाइ उस्सग्गं ।
दंसाइरक्खणट्ठा अहवा अन्नाणदोसेणं ॥६॥ मेलित्तु पण्हियाओ चलणे वित्थाऊिण बाहिरओ ।
ठाउस्सग्गं एसो बाहिरउद्धी मुणेयव्वो ॥७॥ अंगुट्टे मेलविउं वित्थारिय पण्हियाओ बाहिं तु । ठाउस्सग्गं एसो भणिओ अभितरुद्धित्ति ॥८॥
कप्पं वा पट्ट वा पाइणिउं संजइव्व उस्सग्गं । ठाइ य खलिणं व जहा रयहरणं ग्गओ काउं ॥९॥ भामेइ तहा दिट्ठि चलचित्तो वायसुव्व उस्सग्गो । छप्पइआण भएणं कुणई अ पढें कविठं व ॥१०॥ सीसं पंकपमाणे जक्खाइट्टव्व कुणइ उस्सग्गं ।। मूयव्व हुअहुअंतो तहेव छिजंतमाईसु ॥११॥ अंगुलिभमुहाओवि य चालंतो तहय कुणइ उस्सग्गं ।
आलावगगणणट्ठा संठवणत्थं च जोगाणं ।१२॥ काउस्सग्गंमि ठिओ सुरा जह बुडबुडेह अव्वत्तं । अनुपेहंतो तह वानरुव्व चालेइ ओट्ठउडे ।।१३।। एए काउस्सग्गं कुणमाणेण विबुहेण दोसा उ ।
सम्मं परिहरियव्वा जिनपडिकुट्ठत्तिकाऊणं ॥१४॥ 'नाभीकररयलकुप्पर उस्सारे पारियमि थुइ'त्ति नियुक्तिगाथाशकलं लेशतोऽदुष्टकायोत्सर्गावस्थानप्रदर्शनपरं विध्यन्तरसंग्रहपरं च, तत्र 'नाभित्ति नाभीओ हेट्ठो चोलपट्टो
Jain Education International
For Private & Personal Use Only
www.jainelibrary.org
