Page Text
________________
१८६
आवश्यक - मूलसूत्रम् -२- ४ / २६ भोगा तओ पंचमुट्ठियं लोयं काऊण कंबलरयणं छिंदित्ता रयहरणं करेत्ता रन्नो पासमागओ धम्मेण वड्डाहि एवं चिंतियं, राया भणइ सुचिंतियं, निग्गओ, राया भणइ-पेच्छह कवडत्तणेण गणियाधरं पविसह नवित्ति, आगासतलगओ पेच्छइ, जहा मतकडेवरस्स जनो अवसरइ मुहाणि य ठएइ, सो भगवं तव जाइ, राया भणइ-निव्विन्नकामभोगो भगवंति, सिरिओ ठविओ, सो संभूयविजयस्स पासे पव्वइओ, सिरियओवि किर भाइनेहेण कोसाए गणियाए घरं अल्लियइ, साय अनुरता थूलभद्दे अन्नं मनुस्सं नेच्छइ, तीसे कोसाए डहरिया भगिणी उवकोसा, तीए सह वररुई चिट्ठइ, सो सिरिओ तस्स छिद्दाणि मग्गइ, भाउज्जायाए मूले भणइ एयस्स निमित्तेण अम्हे पितिमरणं पत्ता, भाइविओगं च पत्ता, तुज्झ विओओ जाओ, एयं सुरं पाएहि, तीए भणिया-तुमं मत्तिया एस अमत्तओ जं वा तं वा भणिहिसि, एयंपि पाएहि, सा पपाइया, सो नेच्छइ, अलाहि ममं तुमे, ताहे सो तीए अविओगं मग्गंतो चंदप्पभं सुरं पियइ, लोगो जाणाइ खीरंति, कोसाए सिरियस्स कहियं, राया सिरियं भणइएरिसो मम हिओ तव पियाऽऽसी, सिरिओ भणइ-सच्चं सामी !, एएण मत्तवालएण एवं अम्ह कयं, राया भणइ - किं मज्जं पियइ ?, पियइ, कहं ?, तो पेच्छइ, सो राउलंगओ, तेनुप्पलं भावियं मणुस्सहत्थे दिन्नं, एयं घररुइस्स दिजाहि, इमाणि अन्नेसिं, सो अत्थाणीए पहाइओ, तं वररुइस्स दिन्नं, तेनुस्सिंधियं, भिंगारेण आगयं निच्छूढं, चाउव्वेज्ज्रेण पायच्छित्तं से तत्तं तउयं पेज्जाविओ, मओ ।
थूलभद्दसामीवि संभूयविजयाणं सगासे घोराकारं तवं करेइ, विहरंतो पाडलिपुत्तमागओ, तिन्नि अनगारा अभिग्गहं गिण्हंति- एगो सीहगुहाए, तं पेच्छंतो सीहो उवसंतो, अन्नो सप्पवसहीए, सोवि दिट्ठीविसो उवसंतो, अन्नो कूवफलए, थूलभद्दो कोसाए घरं, सा तुट्ठा परीसहपराजिओ आगोत्ति, भाइ-किं करेमि ?, उज्जान घरे ठाणं देहि, दिन्नो, रत्तिं सव्वालंकारविहूसिया आगया, चाडुयं पकया, सो मंद इव निकंपोन सक्कए खोहेउं, ताहे धम्मं पडिसुणइ, साविया जाया, भणइ - जइ रायावसेणं अन् समं वसेज इयरहा बंभचारिणियावयं सा गिण्हइ, ताहे सीहगुहाओ आगओ चत्तारि मासे उववासं काऊण, आयरिएहि ईसित्ति अभुट्टिओ, भणियं-सागयं दुक्करकारगस्सत्ति ?, एवं सप्पइत्तो कूवफलइत्तोवि, थूलभद्दसामीवि तत्थेव गणियाघरे भिक्खं गेण्हइ, सोवि चउमासेसु पुन्नेसु आगओ, आयरिया संमेण अब्भुट्टिया, भणियंसागयं ते अइदुक्कर २ कारगत्ति ?, ते भांति तिन्निवि-पेच्छह आयरिया रागं वहति अमच्चपुत्तोति, बितियवरिसारत्ते सीहगुहाखमओ गणियावरं वच्चामि अभिग्गहं गेहइ, आयरिया उवउत्ता, वारिओ, अपडिसुणेंतो गओ, वसही मग्गिया, दिन्ना, सासभावेणं उरालि यसरीरा विभूसिया अविभूसियावि, धम्मं सुणेइ, तीसे सरीरे सो अज्झोववन्नो, ओभासइ, सा तुट्टा परीसहपराजिओ आगओत्ति, भणइ - किं करेमि ?, उज्जान घरे ठाणं देहि, दिन्नो, रत्तिं सव्वालंकारविहूसिया आगया, चाडुयं पकया, सो मंदरो इव निकंपो न सक्कए खोहेउं, ताहे धम्मं पडिसुइ, साविया जाया, भणइ-जइ रायावसेणं अन्नेण समं वसेज्जा इयरहा बंभचारिणियावयं सा गिues, ताहे सीहगुहाओ आगओ चत्तारि मासे उववासं काऊण, आयरिएहि ईसित्ति अभुट्टिओ, भणियं-सागयं दुक्करकारगरसत्ति ?, एवं सप्पइत्तो कूवफलइत्तोवि, थूलभद्दसामीवि तत्थेव गणियाघरे भिक्खं गेहइ, सोवि चउमासेसु पुत्रेसु आगओ, आयरिया संभमेण अब्भुट्ठिया, भणियं सागयं ते अइदुक्कर २ कारगत्ति ?, ते भांति तिन्निवि-पेच्छह आयरिया रागं वहति अमच्चपुत्तोत्ति, बितियवरिसारते सीहगुहाखमओ गणियाधरं वच्चामि अभिग्गहं गेण्हइ, आयरिया उवउत्ता, वारिओ,
Jain Education International
For Private & Personal Use Only
www.jainelibrary.org
| SR No. | 003329 |
| Book Title | Agam Suttani Satikam Part 25 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 356 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 19 MB |