Page Text
________________
१७६
आवश्यक-मूलसूत्रम्-२- ४/२६ तत्थ ते बत्तीसपिसुलसापुत्ता ठिता,ते वीरंगएणएक्केण सरेणमारिया, जाव सोते रहे ओसारेह ताव सेणिओ पलाओ, सोवि नियत्तो, सेणिओ सुजेटुं संलवइ,
साभणइ-अहं चेलणा, सेणिओभणइ-सुजेट्टतुरिया तुमंचेव, सेणियस्स हरिसोवि विसाओवि विसाओ रहियमारणेण हरिसोचेल्लणालंभेण, चेल्लणाएविहरिसोतस्स रूवेणं विसादो भगिनीवचणेण, सुजिट्ठावि धिरत्थु कामभोगाणंति पव्वतिया, चेल्लणाएवि पुत्तो जाओ कोणिओ नाम, तस्स का उप्पत्ती ?, एगं पञ्चंतणयरं, तत्थ जियसत्तुरन्नो पुत्तो सुमंगलो, अमच्चपुत्तो सेणगोत्ति पोट्टिओ, से हरिज्जइ, पाणिएउच्चोलएहिं मारिज्जइसो दुक्खाविज्जइ सुमंगलेण, सो तेन निव्वेएणबालतवस्सी पव्वइओ, सुमंगलोविराया जाओ, अन्नया सोतेन ओगासेण वोलेंतोपेच्छइतंबालतवस्सिंग, रन्ना पुच्छियं-को एसत्ति ?, लोगो भणइ-एस एरिसं तवं करेति, रायाए अनुकंपा जाया, पुव्विं दुक्खावियगो, निमंतिओमम घरे पारेहित्ति, मासक्खमणेपुने गओ,राया पडिलग्गो न दिन्नं दारपालेहिं दारं, पुणोविउट्ठियं पविट्ठो, संभरिओ, पुणो गओ निमंतेइ, आगओ, पुणोवि पडिलग्गोराया, पुणोवि उठ्ठियं पविठ्ठो, पुणोवि निमंतेइतइयं, सोतइयाए आगओ दुवारपालेहिं पिट्टिओ, जइवारा एइ तइवारा राया पडिलगइ, सो निग्गओ, अह अधितीए निग्गओ पव्वइओ एइणा धरिसिओ, नियाणं करेइएयस्सवहाए उववज्जामित्ति, कालगओ, अप्पिड्डिओ वाणमंतरो जाओ, सोऽपिराया तावसभत्तो तावसो पव्वइओ सोवि वाणमंतरो जाओ, पुब्बिं राया सेणिओ जाओ, कुंडीसमणो कोणिओ, जं चेव चेल्लणाए पोट्टे उववन्नो तं चेव चिंतेइ-कहं रायाणं अक्खीहिं न पेक्खेज्जा?, तीए चिंतियंएयस्स गब्भस्स दोसोत्ति गभं, साडणेहिवि न पडइ, डोहलकाले दोहलो, किह?,
सेणियस्स उदरवलिमसाणिखायज्जा, अपूरंतेपरिहायइ, नय अक्खाइ, निबंधेसवहसावियाए कहियं, तओ अभयस्स कहियं, ससगचंमेण समं भंसं कप्पेत्ता वीलए उवरि दिन्नं, तीसे ओलोयणगयाए पिच्छमाणीए दिज्जइ,रायाअलियपमुच्छियाणि करेइ, चेल्लणा जाहेसेणियं चिंतेड़ ताहे अद्धितीय उप्पज्जइ, जाहे गब्भं चिंतेइ ताहे कहं सव्वं खाएज्जति ?, एवं विनीओ दोहलो, नवहिं मासेहिं दारगो जाओ, रन्नो निवेइयं, तुट्टो, दासीए छड्डाविओ असोगवणियाए, कहियं सेणियस्स, आगओ, अंबाडिया, किं से पढमपुत्तो उज्झिओत्ति?, गओ असोगवणियं, तेनं सो उज्जीविओ, असोगचंदो से नामं कयं, तत्थवि कुक्कुडिपिछएणं कोणंगुलीऽहिविद्धा, सुकुमालिया सान पउणइ, कूणिया जाया, ताहे से दारएहि नामं कयं कूणिओत्ति, जाहे यतं अंगुलिं पूइ गलंति सेणिओ मुहे करेइ ताहे ठाति, इयरहा रोवइ, सो य संवड्डइ, इओ य अन्ने दो पुत्ता चेल्लणाए जायाहल्लो विहल्लोय, अन्नेसेणियस्स बहवे पुत्ता अन्नासिंदेवीणं, जाहे य किर उज्जानियाखंधावारो जाओ, ताहेचेल्लणाकोणियस्स गुलमोयए पेसेइहल्लविहल्लाणं खंडकए, तेन वेरेण कोणिओ चिंतइएएसेणिओ मम देहत्ति पओसं वहइ, अन्नया कोणियस्स अट्ठहिं रायकन्नाहिं समं विवाहो जाओ, जाव उप्पिं पासायवरगओ विहरइ, एसाकोणियस्स उप्पत्ती परिकहिया ।सेणियस्स किर रन्नो जावतियं रज्जस्स मोल्लं तावतियं देवदिन्नस्स हारस्स सेयणगस्स गंधहत्थिस्स, एएसिं उट्ठाणं पकिहेयव्वं, हारस्स का उप्पत्ती-कोसंबीए नयरी धिज्जाइणी गुव्विणी पई भणइ-धयमोल्लं विढवेहि, कंमग्गामि?, भणइरायाणपुप्फेहिओलग्गाहि, नय वारिज्जिहिसि, सोय उलग्गिओपुप्फफलादीहिं, एवं कालो वच्चइ, पज्जोओ य कोसंबिं आगच्छइ, सो य सयाणिओ तस्स भएण जउणाए दाहिणं कूलं उद्यवित्ता
Jain Education International
For Private & Personal Use Only
www.jainelibrary.org
| SR No. | 003329 |
| Book Title | Agam Suttani Satikam Part 25 Aavashyaka |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 356 |
| Language | Prakrit, Sanskrit |
| Classification | Book_Devnagari, Agam, Canon, & agam_aavashyak |
| File Size | 19 MB |