________________
-४ [ नि. १२७१]
अध्ययनं -
बालगिलाणाईयं वेयावञ्चं मए उ कायव्वं ।
तं कुणइ तिव्वसद्धो खायजसो सक्कगुणकित्ती ।। ७ ॥ असद्दहेण देवस्स आगमो कुणइ दो समणरूवे । अतिसारगहियमेगो अडविठिओ अइगओ बीओ ॥ ८ ॥ बेति गिलाणो पडिओ वेयावच्चं तु सद्दहे जो उ । सो उट्ठेऊ खिप्पं सुयं च तं नंदिसेनेणं ॥ ९ ॥ छट्टोववासपारणयमाणियं कवल धेत्तुकामेण । तं सुयमेत्तं रहसुट्ठिओ य भण केण कज्जति ॥ १० ॥
पानगदव्वं च तहिं जं नत्थि तेन बेइ कज्जं तु । निग्गय हिंडतो कुणइ अनेसनं नविय पेल्लेइ ||११ ॥ इय एक्कवारबितियं च हिंडिओ लद्ध ततियवारंभि । अनुकंपाए तरंतो तओ गओ तस्सगासं तु । ।१२ ॥ खरफरुसनिडुरेहिं अक्कोसइ सो गिलाणओ रुट्ठो । मंदग्ग! फुक्किय तूससि तं नाममेत्तेणं ॥ १३ ॥
साहुवगारित्ति अह समुद्दिसिउमाओ । यावत्थाए तं अच्छसि भत्तलोभिल्लो || १४ || अमियभिव मन्नमाणो तं फरुसगिरं तु सो उ संभंतो । चलणगओ खामेइ धुवइव तं असुइमललित्तं । । १५ ॥
उट्ठेह वयामोत्ती तह काहामी जहा हु अचिरेणं । होहि निरुआ तुभे बेती न वएमि गंतुं जे ।।१६ ॥ आरुहया पिट्ठीए आरुढो ताहे तो पयारंच । परमासुइदुग्गंधं मुय पट्ठीए फरुसं च ॥१७॥ बेइ गिरं धिम्मुंडिय!, वेगविघाओ कओत्ति दुक्खविओ । इय बहुविहमकोसइ पए पए सोऽविभगवं तु । । १८ ॥
गणे फरुसगिरं नयावि तं दुसइ तारिसं गंधं । चंदनभिव भन्नंतो मिच्छामिह दुक्कडं भणइ ||१९| चिंतेइ किह करेमी किह हु समाही हविज्ज साहुस्स ? । इय बहुविहप्पयारं नवि तिन्नो जाहे खोहेउं । । २० ॥ ताहे अभित्थुणतो सुरो गओ आगओ य इयरो य । आलोएइ गुरूहि य धन्नोत्ति तओ अनुसट्ठी ।।२१ ॥ जहतेनं नवि पेल्लिय एसण इय एसणाइ जइयव्वं । अहवावि इमं अन्नं आहरणं दिट्टिवादीयं ॥ २२ ॥ जह के पंच संजय तहछुहकिलंत सुमहमद्धाणं । उत्तिणा वेयालय पत्ता गामं च ते एगं ।। २३ ॥
For Private & Personal Use Only
Jain Education International
१२५
www.jainelibrary.org
