________________
दशाश्रुतस्कन्ध-छेदसूत्रम् -१०/९७ हियए सीहासनाओ अब्भुढेइ २ ता जहा कोणितो जाव वंदति नमंसति वंदित्ता नमंसित्ता ते पुरिसे सक्कारेति सम्मानेति २त्ता विपुलं जीवियारिहं पितिदानंदलयतिर ता पडिविसज्जेतिरत्ता नगरगुत्तियं सद्दावेइ २ त्ता एवं वयासी । खिप्पामेव भो देवानुप्पिया! रायगिहं नगरं सब्भित्तरं बाहरियं आसित्तसम्मजितोवलितंजाव पच्चुपिणाति।
मू. (९८) ततेणं से सेणिए राया बलवाउयं सद्दावेउ २ ता एवं वयासी । खिप्पामेव भो देवानुप्पिया! हयगयरहजोहकलियंचाउरंगिणं सेन्नं सन्नाहेह जाव से पञ्चपिणति, तएणंसेणिये राया जाणसालियं सद्दावेति २ था एवं वदासी खिप्पामेव भो देवानुप्पिया ! धम्मियं जानपवरं जुत्तामेव उवट्ठवेहि उवट्ठवेत्ता मम एतमाणत्तियं तेनेव उवागच्छइ २त्ता जाणसालं अनुपविसति २त्ता जाणगं पच्चुवेक्खति जाणगं पञ्चोरुभति जाणगं संपमज्जति २ ता जाणगं नीनेति २ त्ता दूसंपवनेतिर ताजाणाइंसमलंकरेति र ताजाणाईवरमंडियाइंकरेति २ ताजेनेव वाहनसाला तेणेव उवागच्छइ २ ता वाहनसालं अनुप्पविसतिर त्तावाहणाइंनीनेतिर तादूसे पवनेतिरत्ता वाहणाइं सालंकारेइ २ त्ता वाहणाईवरभंडमंडिताइं करेति २ ता जाननं जोएति २ ता वट्टमग्गं गाहेति २ ता पओगलट्ठिपधरए य आरुहइ २ ता जेनेव सेणिए राया तेणेव उवागच्छइ २ त्ता करयल जाव एवं वदासी-जुत्ते ते सामी धम्मिए जानप्पवरे आइडे भदं तदूहाहि ।
मू (९९) तएणं से सेणिए राया भिंभिसारे जानसालियस्स अंतिए एयमढं सोचा निसम्म हट्टतुट्ठ जाव मज्जनधरं अनुपविसइ जाव कप्परुक्खए चेव अलंकितविभूसिते नरिंदे जाव मज्जणधरातो पडिनिक्खमति २ ता जेनेव चेल्लनादेवी तेणेव उवागच्छति २ ता चेल्लणं देविं वदासि, एवं खलु देवानुप्पिये ! समणे भगवं महावीरे आदिकरे तित्थकरे जाव पुव्वानुपुव्वि व संजमेणं तवसा अप्पाणं भावेमाणे विहरति । तं महाफलं देवानुप्पिये ! तहा ख्वाणं अरहंताणं जाव गच्छामो देवानुप्पिये ! समणे भगवं महावीरे वंदामो नमंसामो सक्कारेमो सम्मानेमो कल्लाणं मंगलं देवतं चेतियं पज्जुवासामो, एतेणं इहभवे य परभवे य हिताए सुहाए खमाए निसेसाए जाव अनुगामियत्ताए भविस्सति
मू. (१००) ततेणं सा चेल्लणादेवी सेणियस्स रन्नो अंतिए एयमट्ट सोचा निसम्म हट्ठजाव पडिसुणेति, २ ता जेनेव मज्जणधरे तेणेव उवागच्छइ २ त्ता प्रहाता कयबलिकम्मा कय कोउयमंगलपायच्छित्ता किं ते वरपत्तणेउरमणि-मेहल-हाररइयउवचियकडगखुडुएगावलीकंठ सुमरगय-तिसरतवखलयहेमसुत्तयकुंडलउज्जोयवियाणणारयणविभूसियंगीचीणंसुयवत्थपरिहिता दुगुल्लसुकुमारकंतरमणिज्जउत्तरिजा सव्वोउय सुरभिकुसुमसुंदररयितपलंबसोहंकंतविकंतविकसंतचित्तमाला वरचंदनचच्चिया, वराभरणभूसियंगी कालागुरुधूवधूविया सिरिसमानवेसा बहूहिं खुज्जाहिं चिलातियाहिं जाव महत्तरवंदपरिक्खिता बाहरिया उवट्ठाणसाला उवागच्छति ।
मू. (१०१) तअणं से सेणिए राया चेल्लणाए देवीए सद्धिं धम्मियं जानप्पवरं दुरुहइ २ त्ता सकोरिण्टमल्लदामनं छत्तेणं धरिजमाणेणं उववाइगमेन नेयव्वं जाव पज्जुवासइ, एवं चेल्लणा देवी जाव महतरग-परिक्खित्ता जेनेव समणे भगवं महावीरे तेणेव उवागच्छइ २ तासमणं भगवं वंदति नमसंति सेणियं रायं पुरोकाउंठितिया चेव जाव पज्जुवासति तएणंसमणेभगवं महावीरे सेणियस्स रन्नो भिंभिसारस्स चेल्लणाए देवीए तीसे महति-महालियाए परिसाए मुनिपरिसाए
Jain Education International
For Private & Personal Use Only
www.jainelibrary.org