Page Text
________________
दशा-१०, मूलं - ९५, [नि-१४४]
पायच्छित्ते-सिरसा ण्हाए कंठे मालकडे आविद्धमनिसुवन्ने कप्पियहारद्धहारतिसरतपालंबपलंबमाणकडिसुत्तयकयसोभे पिणिद्धगेवेज्जे अंगुलेज्जगजावकप्परुक्खए चेव अलंकितविभूसिते नरिंदे सकोरंटमल्लदामेणं छत्तेणं धरिज्जामाणेणं जाव ससिव्व पियदंसणे नरवइ जेनेव बाहिरिया उवट्ठाणसाला जेनेव सीहासने तेणेव उवागच्छति २ ती सीहासणवरंसि पुरत्थाभिमुहे निसीयति निसीइत्ता कोटुंबियपुरिसे सद्दावेइ २ तां एवं वयासी । गच्छइ णं तुब्भ देवानुप्पिया जाई इमाई रायगिहस्स नगरस्स बहिता तं जहा- आरामाणि य उज्जाणानि य आएसणानि य आयतणानि य देवकुलानि य सभातो य पनियगेहाणि य पनियसालतो य छुहाकम्मंताणि य धम्मकम्मं-तानि य कट्ठकम्मंताणि य दब्भकम्मंताणि य इंगालकम्मंताणि य वणकम्मंताणि य जे तत्थ वणमहत्तरगा अन्नाता चिट्ठति ते एव वदध । एवं खलु देवानुप्पिया सेणिए राया भिंभिसारे आनवेति । जताणं समणे भगवं महावीरे आदिकरे तित्थकरे जाव संजमेणं तवसा अप्पाणं भावेमाणे विहरेज्जा, तयाणं तुब्भे भगवतो महावीरस्स अहापडिरूवं उग्गहं अनुजाणध, अधा २ त्ता सेणियस्स रन्नो भिभिसारस्स एयमटुं पिअं निवेदध, तएणं ते कोडुंबियपुरिसा सेणिएण रन्ना भिंभिसारेण एवं वुत्ता समाणा हट्ठजाव हयहियता कय जाव एवं सामित्ति आणाए विनयेणं पडिसुणंति एवं २ त्ता सेणियस्स अंतियातो पडिनिक्खमंति पडि०२ त्ता रायगिहं नगरं मज्झं मज्झेणं निगच्छंति २ त्ता जाईं इमाई रायगिहस्स बहिता आरामानि य जाव जे तत्थ महत्तरया अन्नाता चिट्ठति, एवं वदंति । जाव सेणियस्स रन्नो एयमट्टं पियं निवेदेज्जा से प्पियं भवतु दोच्चं पि तच्चं पि एवं वदन्ति, एवं वदित्ता जामेव दिसिं पाउब्भूया तामेव दिसिं नगरस्स परिगता ।।
मू. (९६) तेणं कालेणं तेणं समयेणं समणे भगवं महावीरे आइगरे तित्थगरे जाव गामानुगामं दूइज्जमाणे जाव अप्पाणं भावेमाणे विहरति, ततेणं रायगिहे नगरे सिंघाडगतियचउक्कचच्चर जाव परिसा निग्गता जाव पज्जुवासेति ततेणं ते चेव महत्तरगा जेनेव समणे भगवं महावीरे तेणेव उवागच्छति तेणेव २ त्ता समणे मगवं महावीरे तिखुत्तो वंदंति नमंसंति वंदित्ता नमंसित्ता नामागोयं पुच्छंति नामं गोत्तं पधारेति २ त्ता एगततो मिलति एग २ त्ता एगंतमवक्कमंति एगंतं श्ता एवं वदासि । जस्स णं देवानुप्पिया सेणिए राया भिंभिसारे दंसणं कंखति, जस्सणं देवानुप्पिया सेणिओ राया दंसणं पीहेति जस्सणं देवानुप्पिया सेणिए राया दंसणं पत्थेति जाव अभिलसति, जस्स णं देवानुप्पिया सेणिए राया नामगोत्तस्सवि सवणताए हट्टतुट्ठ जाव भवति सेणं समणे भगवं महावीरे आदिकरे तित्थकरे जाव सव्वन्नू सव्वदरिसी पुव्वानुपुव्वि चरमाणे गामानुगामं दुतिज्ज्रमाणे सुहं सुहेणं विहरते इहमागते इह संपत्ते जाव अप्पाणं भावेमाणे विहरति, तं गच्छइ णं देवानुप्पिया सेणियस्स रन्नो एवमहं निवेदेमो पियं भे भवतित्ति कट्टु एयमद्वं अन्नमन्नस्स पडिसुणेति २ ता जेनेव रायगिहे नयरे तेणेव उवागच्छन्ति तेणे २ त्ता रायगिहं नयरं मज्झंमज्झे णं जेनेव सेणियस्स रन्नो गेहे जेनेव सेणिए राया तेणेव उवागच्छइ २ त्ता सेणियं रायं करयल-परिग्गहियं जाव जएणं विजएणं वद्धावेइ २ त्ता एवं वयासी, जस्सणं सामी दंसणं कखइ जाव सेणं समणे भगवं महावीरे गुणसिलए चेइए जाव विहरति, तेनं देवानुप्पिया पियं निवेदेमो, पियं भे भवतु ।
मू. (९७) तएण से सेणिए राया तेसिं पुरिसाणं अंतिए एयमट्ठे सोच्चा निसम्म हट्टतुट्ठ जाव
23 6
Jain Education International
For Private & Personal Use Only
८१
www.jainelibrary.org
| SR No. | 003327 |
| Book Title | Agam Suttani Satikam Part 23 Dashashrutskandh Aadi 3agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 292 |
| Language | Prakrit, Sanskrit |
| Classification | Book_Devnagari, Agam, Canon, agam_dashashrutaskandh, agam_jitkalpa, & agam_mahanishith |
| File Size | 6 MB |