________________
दशा-९, मूलं-५३, [नि-१२४]
७३
सो पुव्वगते भणिओ तस्स य एगट्ठिआ इणमो ॥
नि. [१२५]
चू. सो मोहो कहिं भणितो ? कम्मप्पवायपुव्वे तस्स एगट्ठिया तस्स कम्मस्स । पाये वजे वेरे पनगे पंके खुहे असाए य । संगे सल्ले अरए निरए धुत्ते अ एगट्ठा ॥
चू. पासयति वा पापं वर्जनीयं पातयति वज्रं सेसं कंठं । भावट्ठाणेण उदइएणाधिकारो, लोगप्पगासा इमे साधू उवट्ठितं गुरु आयरिया मित्तसहाहेतुं बंधवा, सप्पी जधाअंडपुडं जिनवयणविलोमणो प्रतिलोमे वट्टति । असुभानि जानि दुहानि वा अनुबंधति तता तातिं वज्जेज्जा । सुत्तानुगमे सुतं उच्चारेतव्वं नि. [१२६]
नि. [१२७]
कम्य किलेसे य समुदाने खलु तहा मइल्ले य । माइणो अप्पाए अ दुप्पक्खे तह संपराए य ॥ असुत्ते दुहानुबंधं दुम्मो खलु चिरट्ठितीए य । धनचिक्कणनिव्वे आमोहे य तहा महामोहे | कहिया जिनेहिं लोगो पगासिया भारिया इमे बंधा । साहुगुरूमित्तबंधवसेट्ठीसेनावइवधेसु य ॥
नि. [१२८]
नि. [१२९] एत्तो गुरुआसायनजिनवयण विलोवणेसु पडिबंधं । अहे दुहाण बंधत्ति तेन तो ताइं वज्रेज्जा ॥
मू. (५४) तेणं कालेणं तेणं समयेणं चंपा नाम नयरी होत्था, वन्नओ पुन्नभद्दे नाम चेइए वन्नओ, कोणियो राया धारिणी देवी, सामी समोसढे, परिसा निग्गया धम्मो कहितो परिसा पडिगया । अज्जोत्ति समणं भगवं महावीरे बहवे निग्गंथा य निग्गंधीओ य आमंतेत्ता एवं वदासी, एवं खलु अजो तीसं मोहट्ठाणाई जाई इमाई इत्थिओ वा पुरिसा वा अभिक्खणं आयरमाणो वा समायरेण वा मोहनिजत्ताए कम्मं पकरेइ तं जहा
मू. (५५) जे केइ तसे पाणे वारिमज्झे विगाहिया । उदएण कम्मं मारेइ महामोहं पकुव्वति ॥ चू. जाव जे केइ तसा पाणा सिलोगो, यः कश्चित् इत्थी पुरिसो गिही पासंडी वा त्रसाः सत्वाः ते शस्त्राभावाद्दुः खोत्पादकेन मारेण मारेति, विगाह्य परिव्राजकवत्, उदएण तोएण अकम्पउंदएण उक्कमित्तां पाएहिं अच्छति । महंतं मोहं महामोहकम्मं महामोहो वा संसारो जहा सो होति तं प्रति तं प्रति करेंति प्रकुर्वति ।
मू. (५६) पाणिणा संपिहित्ताणं सोयमावरिय पाणिणं । अंतोनदंतं मारेइ महामोहं पकुव्वइ ।। चू. पाणिणा संपिहत्तििाणं सिलोगो० पाणी हस्तः तेन पिहित्ता आवरित्ता प्राणिनं सत्त्वं अंतो नदंतं 'नद अव्यक्ते शब्दे' अंतो धुरुधुरेंतं अब्भितरगलए वा नदति ।।
मू. (५७) जायतेयं समारब्भ बहुं ओरुंभिया जनं । अंतो धूमेण मारेतिं महामोह पकुव्वइ ॥ चू. जाततेयं सिलोगो-तेजेन च सह जायति जाततेजो, जायमाणस्स वा तेजः जाततेजाः तं समारभ्य प्रज्वाल्य गृहे बिले वा अंतो धूमण ।
मू. (५८) सीसम्मि जो पहणति उत्तमंगम्मि चेतसा । विभज्न मत्थए काले महामोहं पकुव्वइ ॥ चू. सीसंमि सिलोगो - शृता तस्मिन् प्राणा इति शिरः सीसंमि जो पहणति चेतसा-तीव्राभिनिवेशेन
Jain Education International
For Private & Personal Use Only
www.jainelibrary.org
