________________
दशा-८, मूलं - ५२, [नि-७०]
५५
सुद्धदसमीट्ठियाण व आसाढीपुन्निमोसरणं ॥
चू. आसाढपुन्निमा ठिताणं जति तणडगलादीणि गहियाणि पज्जोसवणा कप्पो य कथितो तो सावणबहुलपंचमीए पज्जोसवेति । असति खेत्ते सावणबहुलदसमीए असति खेत्ते सावणबहुलस्स पन्नरसीए, एवं पंच पंच ओसारेंतेण जाव असति भद्द्वयसुद्धपंचमीए अतोपरेणन वट्टति अतिकमेतुं, आसाढपुन्निमातो आढत्तं मग्गंताणं जाव भद्दवया जोण्हपंचमीए एत्यंतरे जति न लद्धं ताहे जति रुक्खहेट्टे ठितोवि पज्जोसवेतव्वं । एतेसु पव्वेसु जधालंभे पज्जोसवेयव्वं अप्पव्वे न वट्टति, कारणिया चउत्थीवि अज्जकालएहिं पवत्तिता । कहं ?
पुन उज्जैनी नगरीए बलमेत्तभानुमेत्ता रायाणो । तेसिं भाइणेज्जो अज्जकालएण पव्वावितो, तिहिं राईहिं पट्ठेहिं अजकालतो निव्विसतो कतो । सो पतिट्ठाणं आगतो । तत्थ य सातवाहणो राया सावगो। तेन समणपूयणतो छन्नो पवत्तितो, अंतेपुरं च भणितं अमावासाए उपवासं काउंअट्ठमिमाईसु उववासं काउं इति पाठान्तरं पारणए साधून भिक्खं दातुं पारिजह | अन्नया पज्जोसमणादिवसे आसन्ने आगते आसन्नीभूए पा० अज्जकालएण सातवाहणो भणितो-भद्दवतजोहस्स पंचमीए पज्जोसवणा भवति । रन्ना भणितो, तद्दिवसं मम इंदो अनुजातव्वो होहिति, तो न पज्जुवासिताणि चेतियाणि साधुनो वा भविस्संतित्ति कातुं तो छट्टीए पज्जोसवणा भवतु । आयरिएण भणितं न वट्टति अतिक्कामेउं । रन्ना भणियं तो चउत्थीए भवतु । आयरिएण भणितं एवं होउत्ति
उत्थी कता पोसवणा । एवं चउत्थीवि जाता कारणिता । “सुद्ध-दसमी ठिताण च आसाढी पुन्निमोसरणंति" - जत्थ आसाढमासकप्पो कतो, तं च क्खेत्तं वासावासपाउग्गं, अन्नं च खेत्तं नत्थि वासावासपाउग्गं । अथवा अब्भासे चेव अन्न खेत्तं वासावासपाउग्गं सव्वं च पडिपुत्रं, संथारडगलगादीय भूमी य वद्धवासं च गाढं अनोरयं आढत्तं, ताहे आसाढपुन्निमाए चेव पज्जोसविज्जति। एवं पंचाहपरिहाणिमधिकृत्योच्यते -
नि. [७१]
इय सत्तरी जहन्ना असीति नउती दसुत्तरसयं च । जइ वासति मिग्गसिरे दस राया तिन्नि उक्कोसा ।।
चू. इयति उपप्रदर्शने । जे आसाढचाउमासियातो सवीसतिराते मासे गते पज्जोसवेंति, तेसिं सत्तरीदिवसा जहन्नतो जेट्टोग्गहो भवति । कहं पुन सत्तरी ? चउन्हं मासाणं सवीसं दिवससतं भवति, ततो सवीसतिरातो मासो पन्नासं दिवसा सोधिता सेसा सत्तरिदिवसा । जे भद्दवयबहुलस्स दसमीए पज्जोसवेंति तेसिं असीति दिवसा जेडोग्गहो, जे सावणपुन्निमाए पज्जोसविंति तेसिं नं नउत्ति दिवसा मज्झि जेट्ठोग्गहो, जे सावणबहुलदसमीए ठिता तेसिं दसुत्तरं दिवससतं जेट्ठोग्गहो, एवमादीहिं पगारेहिं वरिसारत्तं एगखेत्ते अच्छित्ता कत्तियचाउम्मासिए निगंतव्वं । अथ वासो न ओरमति तो मग्गसिरे मासे जद्दिवसं पक्कमट्टियं जातं तद्दिवसं चेव निग्गंतव्वं, उक्कोसेण तिन्नि दसराया न निग्गच्छेज्जा । मग्गसिरपुन्निमा एत्तियं भणियं होइ मग्गसिरपुन्निमाए परेण जइ विप्लवंतेहिं तहवि निगंतव्वं । अध न निग्गच्छंति ता चउलहुगा । एवं पंचमासिओ जेट्ठोग्गहो । काऊण मासकष्पं तत्थेव ठियाणऽतीए मग्गसीरे । सालब्भणाण छम्मासितो तु जेट्ठोग्गहो होति ॥
नि. [७२]
चू. आसाढमासकप्पं काउं जइ अन्नं वासावासपाउग्गं खेत्तं नत्थि तं चैव वासावासपाओग्गं
Jain Education International
For Private & Personal Use Only
www.jainelibrary.org