Page Text
________________
दशा-७, मूलं-४८, [नि-५४]
मू. (४८) सुयं मे आउसंतेणं भगवया एवमक्खातं, इह खलु थेरेहिं भगवंतेहिं बारस भिक्खुपडिमाओ पन्नत्ताओ कतराओखलु ? इमाओतंजधा-मासिया भिक्खुपडिमा, दोमासिया भिक्खु पडिमा, तेमासिया भिक्खुपडिमा, चउमासिया भिक्खुपडिमा, पंचमासियाभिक्खुपडिमा, छमासिया भिक्खुपडिमा, सत्तमासिया भिक्खुपडिमा, पढम सत्तरातिंदियाभिक्खुपडिमा, दोच्चा सत्तरातिंदियाभिक्खुपडिमा, तच्चा सत्तरातिंदियाभिक्खुपडिमा, अहोरातिन्दियाभिक्खुपडिमा, एगरातिं दियाभिक्खुपडिमा ॥
मू. (४९) मासियंणं भिक्खुपडिमं पडिवनस्स, अनगारस्स निच्चं वोसट्टकाए चियत्तदेहे जे केइ उवस्सग्गा उववनंति तं०-दिव्वा वा मानुस्सा वा तिरिक्खजोणिया वा ते उप्पन्ने सम्मंसहति खमतितितिक्खतिअधियासिति, मासियंन्नंभिक्खुपडिमंपडिवनस्सअनगारस्स कप्पतिएगदत्ती भोयणस्स पडिगाहेत्तए एगा पानगस्स अनाउंच्छं सुद्धोवहडं निज्जूहित्ता बहवे दुपयचउप्पयसमणमाहण अतिहि किवणवणीमए कप्पति से एगस्स भुंजमाणस्स पडिग्गाहेत्तए, नो दोण्हं नो तिण्हं नो चउण्हं नो पंचण्हं नो गुम्विणीए नो बालवच्चाए नो दारगं पेज्जमाणीए नो अन्नो एलुयस्स दोवि पाए साहटु दलमाणीए नो बाहिं एलुयस्स दोवि पाए साहटु दलमाणीए एगंपादं अंतो किच्चा एगं पादं बाहिं किच्चा एलुयं विकखंभयित्ता एवं दलयति एवं से कप्पति पडिग्गाहेत्तए, एवं से नो दलयति एवं नो कप्पति पडिग्गाहेत्तए । मासियं णं भिक्खुपडिमं पडिवनस्स अनगारस्स तओ गोयरकाला पन्नत्तातं जहा-आदिमज्झे चरिमे, आदि चरेजा नो मज्झे चरिज्जा नो चरिमे चरेज्जा, मझे चरिजा नो आदि चरेज्जा नो चरिमंचरेजा चरिमं चरेजा ना आदि चरेज्जा नो मझे चरिजा।
मासियं णं भिक्खुपडिमं पडिवनस्स अनगारस्स छविधा गोयरचरिया पन्नत्ता तं०-पेला, अद्धपेला, गोमत्तिया, पयंगविधिया, संबुक्कावट्टागंतुंपञ्चागता।मासियंणंभिक्खुपडिमंपडिवन्नस्स अनगारस्स जत्थ केति जाणति गामंसि वा जाव मंडवंसि वा कप्पति से तत्थ एगरायं वसित्तए, जत्थ केइ न जाणति कप्पति से तत्थेगरातं वा दुरायं वा वत्थए, नो से कप्पति एगरायातो वा दुगरायातो वा परं वत्थए, जे तत्थ एगरायातो वा दुगरायातो वा परं वसति से संतराछेदे वा परिहारे वा। ___ मासियंणंभिक्खुपडिमंकप्पति चत्तारिभासातोभासित्तएतं०-जायणी पुच्छणीअनुन्नवणी पुट्ठस्सवाकरणी।मासियंणंभिक्खु० कप्पंतिततो उवस्सया पडिलेहित्तएतं० अधे आरामगिहसि वा, अधे वियडिगहंसि वा, अधे रुक्खमूलगिहंसि वा ।मासियंणंकप्पंतिततोउवस्सया अनुन्नवेत्तए तं०-अधे आरामगिहं अधे वियडगिहं अधे रुकखमूलगिहं । मासियं णं० कप्पंति ततो उवस्सया उवाईणत्तएतं०-चेव।मासियंणं भिक्खु० कप्पंतिततो संथारगा पडिलेहेत्तएतं. पुढविसिलं वा कट्ठसिलं वा अधासंथडमेव । मासियं० कप्पंति ततो संथारगा अनुन्नवेत्तए तं चेवं । मासियं० कप्पंति ततो संथारगा उवाइणित्तए तंचेव । मासियं भि० इत्थी वा पुरिसे उवस्सयं उवागच्छेज्जा स इत्थि वा पुरिसे वा नो से कप्पंति तं पडुच्च निक्खमित्तए वा पविसत्तए वा ॥ __मासियंणं भिक्खु० केइ उवस्मयं अगनिकाएण झामेज्जा नो से कप्पति तं पडुच्च निस्खमित्तए वापविसित्तएवातत्थएणंकोइ बाहाएगहाय आगासेजा नोकप्पतितंअवलंबितएवा पच्चवलंबित्तए वा कप्पति से अहारियं रियित्तए । मासियंभि० पायंसि खानुं वा कंटए वा हीरए वा सक्करए वा
Jain Education International
For Private & Personal Use Only
www.jainelibrary.org
| SR No. | 003327 |
| Book Title | Agam Suttani Satikam Part 23 Dashashrutskandh Aadi 3agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 292 |
| Language | Prakrit, Sanskrit |
| Classification | Book_Devnagari, Agam, Canon, agam_dashashrutaskandh, agam_jitkalpa, & agam_mahanishith |
| File Size | 6 MB |