Agam Suttani Satikam Part 23 Dashashrutskandh Aadi 3agams

SR No.: 003327
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 292
Language: Prakrit, Sanskrit
Classification: Book_Devnagari, Agam, Canon, agam_dashashrutaskandh, agam_jitkalpa, & agam_mahanishith
File Size: 6 MB

Page 27

२४
दशाश्रुतस्कन्ध-छेदसूत्रम् - ४ / १४
अत्थं सुणावेति, गेण्हावेति हिंतं, वाएति हितं नाम जं तस्स जोग्गं, परिणामगं वाएति दोण्ह वि हितं भवति । अपरिणामगं अतिपरिणामगं वा न वाएति तं अहितं तेसिं भवति, परलोगे इहलोगे य, निस्सेसं नाम - अपरिसेसं जाव संमत्तं सूत्रं ॥
वि नानाभावे, क्षिपप्रेरणे, परसमयातो विक्खेवयति समयं तेन गाहिति अदिट्ठधम्मं दिट्ठधम्मताए तत् धर्मः स्वभावः, सम्मदंसणमित्यर्थः । अदृष्टं दृष्टवत्-पुव्वंति पढमं न दिट्ठो दिट्ठपुव्वताए जधा-भ्रातरं पितरं वा मिच्छादिट्ठिपि होंतगं, दिट्ठपुव्वगो सावग इत्यर्थः । तं समानधर्म कारयति 1 पव्वावेति, चुतं-धम्मातो चुतो मट्ठो चरित्तधम्मातो वा दंसणधम्मातो वा, तंमि चेव धम्मे ठावयति । तस्सेवत्ति-कस्स चारित्तधम्मस्स हिताए जधा तस्स वृद्धिर्भवति, अनेसणादी न गेण्हति गिण्हतं वारेति । अहवा जं इध परे य हितं सुधाए जध तस्स वृद्धिर्भवति जं हितं खमं निस्सेसाय मोक्खाय आनुगामियं अवितहकारी, जहा इध भवति भंते नाणे एतानि अनुट्ठेति धम्मस्स हितादीणि । दोसा कसायादी बंधहेतवो अथवा पगडीतो नियतं निश्चितं वा घातयति विनाशयतीत्यर्थः । कुद्धस्स सीतप्परसमाणो वंजुलवृक्षवत् । दुट्ठो कसायविसएसु मानदुट्ठस्स वा आयारसीलभावदोसा वा विनएति, तं दोसं उवसमेति विनाशयतीर्त्यः । कंखा भत्तपाने परसमए वा संखडिए नदीजत्ताए वा अनस्स य सन्नायगातहिं एहिंति ताहे तेन सद्धिं अप्पन्नावदेसेण पत्थविज्जति । उक्तं च-संपुन्नमेवं तु भवे गणिनं जं कंखिताणंपि-पवणातिहणेति कंखं । आता सुप्पणिहिते यावि भवति आता-आत्मा स कहं? सुप्पणिहितो होति । उच्यते जदा सयं तेसु कोहदोसकंखासु न वट्टति, तदा सुप्पिणिहितो भवति पणिधानं वा । सोभणा पणिधी सुप्पिणिधी, एवायरिएण सिस्सो गाहितो सिस्सेणवि आयरियस्स विनतो पउंजितव्वो ।
मू. (१५) तस्सणं एवं गुणजातीयस्स अंतेवासिस्स इमा चउव्विहा विनयपडिवत्ती भवइ, तं जहा - उवगरणउप्पायणा साहिल्लया वन्नसंजलता भारपञ्च्चोरुहणता। से किं तं उवगरणउप्पायणा? २ चउव्विहा पं० तं - अनुप्पन्नाई उवकरणाइं उप्पाएत्ता भवइ, पोराणाई उवकरणाइं सारक्खित्ता भवइ संगवित्ता भवइ, परित्तं जाणित्ता पच्चुद्धरित्ता भवति, से तं उवकरणउप्पाणयता । से किं तं साहिल्ला ? २ चउव्विहा पं० तं अनुलोमवइसहिते यावि भवति, अनुलोमकायकिरियत्ता, पडिरुवकायसंफासणया, सव्वत्थेसु अपरिलोमया, से तं साहिल्लया। से किं तं वन्नसंजलणता? २ चउव्विहा पं० तं०-अधातच्चाणं वन्नवाई भवति, अवन्नवातं पडिहणित्ता भवइ, वन्नवातिं अनुवूहइत्ता भवति, आयावुढसेवीयावि भवति, से तं वन्नसंजलणता । से किं तं भारपञ्च्चोरुहणता? चउव्विहा पं० तं असंगहियपरिजनं संगिण्हिता भवति, सेहं आयारगोयरं गाहेत्ता भवति, साहम्मियस्स गिलायमाणस्स अधाथामं वेतावच्चे अब्भुट्टेत्ता भवति, साहम्मियाणं अधिकरणंसि उप्पन्नंसि तत्थ अनिस्सतोवस्सिए अपक्खगाही मज्झत्थभावभूते सम्मं ववहारमाणे तस्स अधिकरणस्स खामणविओसमणताए सयासमियं अब्भुट्टेत्ता भवइ, कहंन ? साहम्मिया अप्पसद्दा अप्पझंज्झा अप्पकलहा अप्पतुमंतुमा संजमबहुला संवरबहुला समाहिबहुला अपमत्ता संजमेण तवसा अप्पाणं भावेमाणाणं एवं च न विहरेज्जा, से तं भारपञ्च्चोरुहणताए ।
एसा खलु थेरेहिं भगवंतेहि अट्ठविहा गणि-संपया पन्नत्ता त्ति बेमि ॥
चू. तत्थिमं सुत्तं तस्सणं एवं गुणजातीयस्स अंतेवासिस्स इमा चउव्विहा विनयपडिवत्ती