Agam Suttani Satikam Part 23 Dashashrutskandh Aadi 3agams

SR No.: 003327
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 292
Language: Prakrit, Sanskrit
Classification: Book_Devnagari, Agam, Canon, agam_dashashrutaskandh, agam_jitkalpa, & agam_mahanishith
File Size: 6 MB

Page 12

दशा-१, मूलं - २, [नि १० ]
विसेसणत्थे । थेरा पुन गणधरा भद्दबाहू वा । भगवंत इति अतिसयप्राप्ताः । 'वीसं असमाधिट्ठाणा पन्नत्ता' । वीसं इति संख्या असमाधिट्ठाणं व पुव्वभणियं, पन्नत्ता - परूविता । इदानिं पदविग्गहो सोविछिन्नपदे भवति, यत्र वा भवति, तत्र वाच्यः । इदानिं चालना । सीसो भणति, कि ? वीसं एव असमाहिट्ठाणा ? आयरिओ प्रसिद्धि दरिसंतो भणति
नि. [99]
वीसं तु नवरि नेम्मं अइरेगाई तु तेहि सरिसाई । नायव्वा एएसु य अन्नेसु य एवमाईसु ॥
चू. निभमात्रं नेम्मं आधार-मात्रं, अतिरेकाइंति अधियाइं, तेसि वीसाए सरिसाणि समाणाणि नायव्वाणि असमाहिट्ठाणाणि । तानि कहिं उच्यते एतेसु वीसाए असमाहिट्ठाणेसु अन्नेसु य एवमादिसुत्ति एतसरिसेसु एतेसुत्ति, न केवलं दव्वदवचारिस्स असमाही, दव्वदवभासिस्सावि दवद्दवपडिलेहिस्सावि एवं विभासा आओजा । अन्नेसुत्ति- इंदियविसयकसाय० गाथा | अहवा जत्तिया असंजयममाणा, तत्तिया असमाधिट्ठाणावि । तेय असंखेज्जा । अहवा मिच्छत्तं अविरति अन्त्राणा असमाहिट्टाणा । अहवा एतेसुत्ति दवद्दवचारितं सयं परेण वा कारवेति योगत्रयकरणत्रयेण । एवं सेसेसु विभासा । अन्नेसुत्ति सबलआसादना सु य जाई पदानि भणियाणि । तेहि असमाधि भवति । आसेवितेसु एतानिवि तेसु पच्छितव्वामि, एवं परोप्परस्स समोतारेतव्वाणि । तेहिंपि एक्कवीसंति नवरि नेम्मं, तेत्तिसत्ति नवरि नेम्मं मोहनीयट्ठाणेहिं तीसत्ति नवरि नेम्मं ।
इदानिं तेसिं विभापुच्छणत्थमाह सिस्सो - कतरे खलु ते जाव पन्नत्ता । वक्ष्यमाणं विभागमङ्गीकरेऊण आयरिओ आह-इमे खलु जाव पन्नत्ता, तं जहा - दवद्दवचारीया विभावति-दुद्रु गतौ दवद्दवचारी तुरितगमनो भन्नति, सो दवदवचारी निरवेक्खो वच्चंतो अत्ताणं परं च इह परत्र च असमाधीए जोएतिं । अत्ताणं ताव इह भवे आतविराहणं पावति आवडण- पडणादिसु, परलोगे सत्तवहाए पावं कम्मं बंधइ । परं संघट्टण परितावणउद्दवणं करेंतो असमाहीए जोएत्ति । च शब्दाद् द्रुतं ब्रुवतो भुंजतो भासतो पडिलेहणं च करेंतो आतविराधनं च पावति, संजमविराधनं च पावति । अपि ग्रहणात् चिट्टंतो वि आकुंचणप्रसारणं दवद्दवस्स करेंतो अप्पडिलेहिंते आतविराधनं संजमविराधनं च पावति, संजमविराधनां संचारि कुंथुउद्देहियादि जेसिच उवरिं पडेति ते असमाधीए जोएति । आतविराधना विंछुगादिना खइतस्स । किं निमित्तं पुव्वं गमणं भणितं ? उच्यते-जेन पढमं इरियासमीतो पच्छा सेसियाओ समितीओ तेन पढमं गमनं भणितंत्ति ।
'अप्पमज्जितचारीयावि' भवति, अपिसद्दो द्वाणनिसीयणसुयट्टणउवगरणगहणनिक्खेवउच्चारादिसु य अपमजिओ आयरति । एवं दुपमज्जितेवि, अपमज्जियदुप मज्जियगहणेण सत्तभंगा सूचिता तं न पडिलेहिंति नं पमञ्जति चउभंगो न पडिलेहेति पमज्जति तं दुष्पडिलेहितं दुपमञ्जितं करेति चभंगी । तत्थंतिमो सुद्धो सेसा छ असुद्धा । अतिरित्तसेज्ज आसणिए अतिरित्ताए सेज्जाए आसनेन य धंधसाला ट्ठियाणं अन्ने वि आगंतूण तत्थ आवासेंति । अधिकरणादि असमाधी असंखडादि दोसा च । अथवा संथाराउ सेज्जा तत्थ अयंत्रितत्वात् पप्फंदमाणो सत्तोवरोहे वट्टमाणो इह परत्र च अप्पाणं परं च असमाधीए जोएत्ति । 'रातिनिया पारिभासी' रातिनिओ-आयरिणो अन्नो वा जो महल्लो जातिसुयपरियाएहिं परिभासतित्ति-परिभवति अवभन्नति जच्चादिएहिं अट्ठहिं मदट्ठाणेहिं परिभवति । अहवा डहरो अकुलीणोत्ति य दुम्मेघो दमगमंदबुद्धित्ति अवियप्पलाभलद्धी सीसो