Agam Suttani Satikam Part 23 Dashashrutskandh Aadi 3agams

SR No.: 003327
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 292
Language: Prakrit, Sanskrit
Classification: Book_Devnagari, Agam, Canon, agam_dashashrutaskandh, agam_jitkalpa, & agam_mahanishith
File Size: 6 MB

Page 11

दशाश्रुतस्कन्ध-छेदसूत्रम् - १/१
सव्व साहूणं, एसो पंच नमुक्कारो, सव्वपावप्पणासणो, मंगलाणं च सव्वेसि, पढमं हवइ मंगलं । सूयं मे आउसं तेगं भगवता एवमक्खातं
८
चू. तं च इमं मंगलनिहाणभूतं दसापढमसुत्तं- “सुतं मे आउसंतेणं० ।" एतस्स वक्खाणमुवदिस्सति-संहिता य पदं चेव, पदत्थो पदविग्गहो । चालणा य पसिद्धी य, छव्विधं विद्धि लक्खणं ॥ संहिता अविच्छेदेन पाठो जधा सुतं मे आउसंतेणं भगवता एवमक्खायं । इह खलु थेरेहि भगवंतेहि वीसं असमाहिट्ठाणा पन्नत्ता इदानिं पदपविभागो-सुतंति पदं, मया इति पदं, आउसंतेणंति पदं, भगवता इति पदं । एवं अक्खातं इह खलु थेरेहिं भगवंतेहिं वीसं असमाहिट्ठाणा पन्नत्ता । पदविभागानंतरं पदत्थो-सुतं मया इति वयणं को वा भन्नति- “अत्यं भासति अरहा, सुत्तं गंथंति गणधरा निउणं । सासनस्स हितट्ठाए, तत्तो सुत्तं पवत्तती ।।” तं भगवंतो सव्वातिसयसंपन्नं वयणं सोऊण गणधरा सत्तीकतं पत्तेयमप्पणो सीसेहि जिनवयणा मतसवणपानमुस्सुएहिं सविनयं के असमाधिट्ठाणेत्ति नोदित्ता ? । ततो भगवंतो गोखमुभाविंता एवमुक्तवन्तः सुतं मे आउसंतेण भगवता । अहवासुधम्म-सामी जंबूनामं पुच्छमाणं एवं भन्नत्ति तहा भद्दबाहू वा । सुतं
आउसंते भगवता, सुतमिति तित्थकरवयणं । तं दरिसेति मया इति अप्पणो निद्देसं करेति । खंधखणियवातपडिसेहणत्थं, जेन सुतं स एवाहं । न खंधसुत्ताऽनादि मोहरूवमिदं । आयुष्मन्निति आयुष्मद्ग्रहणेन जातिकुला-दयोऽपि गुणा अधिकृता भवन्ति । गुणवति सत्यं पडिवातितं सफलं भवति ते य अव्वोच्छित्तिकरा भवंतित्ति । आयुष्पधाना गुणा अतो आयुष्मन् भणंति, जेणं एतं समुप्पाइयं सव्वन्नुतापञ्च्चयं भगवंतं तित्थगरमाह । अहवाऽयं बितिओ सुत्तत्थो-सुतं मे आउसंतेणं भगवता, सुयं मया आयुषिसं तेन भगवता एवमक्खातं, ततिओ सुतत्यो पाढविसेसेण भन्नतिसुअं मे आव संतेणं गुरुकुलमिति वाक्यशेषः । चउत्थो सुत्तत्थो पादविकप्पेणेव । सुतं मे आउसंतेणं चरणजुयलमिति वाक्यशेषः । आमुसंतेण छिवंतेण हत्थेहि सिरसा वा । एयंमि सुत्तत्वे विनयपुव्वाया गुरुसिस्ससंबंधस्स दरिसिज्जइ । भगवता इति भगो जस्स अत्थि भगवान् । अत्थ जस्स धम्मलच्छी पयत्तविभवाणं छन्नं एतेसिभग इति नामं, ते जस्स संति सो भन्नई-भगवं तेन भगवता एवमक्खातं । एवं सद्दो प्रकाराभिधायी । एतेन प्रकारेण जोय भन्निहित्ति असमाहिट्ठाणप्रकारो तं हितए काऊण भन्नत्ति, अक्खायं -कहितं
मू. (२) इह खलु थेरेहि भगवंतेहि वीसं असमाहिट्ठाणा पत्रत्ता। कयरे खलु ते थेरेहि भगवंतेहिं वीसं असमाहिट्ठाणा पन्नत्ता, तं जहा - दवदवचारियावि भवति ||१|| अपमज्जिय-चारियावि भवति ॥२॥ दुपमज्जियचारियावि भवति ॥ ३॥ अतिरित्तसेज्जासणिए ।।४।। रातिनियपरिभासी ॥५॥ थेरोवघाए ॥६॥ भूतोवघातिए ||७|| संजलणे ॥ ८॥ कोहणे ॥ ९॥ पिट्ठी मंसेयावि भवइ ।।१०।। अभिक्खणं अभिक्खणं ओहारिता भवइ ||११|| नवाइं अधिकरणाइं अनुप्पन्नाइ उप्पादइत्ता भवइ ।। १२ ।। पोराणाइं अधिकरणाइं खामियाइं विउसमियाइं उदीरेत्ता भवइ ॥ १३॥ अकाले सज्झायकारियावि भवति ।।१४।। ससरक्खपाणिपादे || १५|| सद्दकरे || १६ || झंझकरे ||१७|| कलहकरे ||१८|| असमाहिकारए ||१९|| सूरप्पमाणभोई एसणाए असमाहिएयावि भवइ ||२०|| एते खलु ते थेरेहि भगवंतेहि वीसं असमाहिट्ठाणा ।।
चू. 'इह खलु' इह आरहते सासने, खलुस्सद्दी विसेसणो अतीतानागतथेराणवि एवं पन्नवणा