________________
जीतकल्प-छेदसूत्रम् - (५६)
चू. दानसडुअहाभद्दसन्निमाईणि ठवणकुलाणि । तानि आयरियमनापुच्छिय भत्ताइ पविसिऊण गेहइ जइ तो से एक्कासनयं । तेसु य कुलेसु एगो चैव संघाडगो निव्विसइ सेसा न पविसंति । विरियं परक्कमो तं निगूहंतस्स एक्कासनयं । जीय-ववहारे एवं। सुयववहाराइसु अन्नहा। एक्कासनयं च माया निष्पन्नं । सेसमायाओ अन्नमायाओ, ता य इमा- जहा भद्दगं भोच्चा विवन्नं विरसमाहरे आयरियसगासे । जसत्थी; जहा- 'एस महा तवस्सी विरसाहारो रसपरिच्चागं करेइ' त्ति । एवमाइयासु मायासु खमणं ।
मू. (५७)
११२
दप्पेणं पंचिंदिय-वोरमणे संकिलिट्ठ-कम्मे य । दीesद्धानासेवी गिलाण कप्पावसाणे य ॥
चू. दप्पो वग्गण-धावन-डेवनाइओ । दप्पे वट्टमाणेण पचिंदिओ वहिओ होज्जा। संकिलिट्ठकम्मंअंगादान-परिमद्दण-सुक्कपोग्गल - निग्घायणाइ, दीहद्धाण- पडिवन्नोय। आहाकम्पद्धाणकप्पाइयं वा बहु अइयारं करेजा । दीहगिलाणकप्पस्स वा अवसाने आहाकम्मसन्निहिसेवणं वा कयं होज्जा । एएसु कारणेसु पंचकल्लाणगं पच्छित्तं ।
मू. (५८)
सव्वोवहि- कप्पम्मिय पुरिमत्ता पेहणे य चरिमाए । चाउम्मासे वरिसे य सोहणं पंच-कल्लाणं ॥
चू. पाउसे जयणाए वि सव्वोवहि कप्पे कए पुरिमत्ताए वा चरिमाए पमाएणं । अप्पडिलेहिए चाउम्मासवरिसेसु य विसोहीए पउत्ताए निरइयारस्स वि पंचकल्लाणगं दिज्जइ । किं कारणं । जम्हा सुहुमाइयारे कए वि न याएइ न वा संभरइ । जहा पाउसहरत्तवेरत्तपाभा ओगकालाग्गहणे सुत्तत्थपोरिसि-अकरणे अप्पडिलेहियमाई । एएण कारणेण सव्वेसु वि दिज्जइति । छेयाइमसद्दहओ मिउणो परियाय-गव्वियस्स वि य । छेयाईए वि तवो जीएन गणाहिवइणो य ॥
पू. (५९)
चू. जो छेयं न सद्दहइ, किं वा छिज्जइ न छिज्जइ त्ति एवं भणइ । मिउणो त्ति जो छिजमाणे वि परियाए न संतप्पइ जहा 'मे परियाओ छिन्नो' त्ति । अहवा अन्नेसि ओमराइणिओ जाओ त्ति परियायगव्विओ जो दीहपरियाओ सो परियाए छिन्ने तहावि अन्नेहिंतो अब्भहियपरियाओ न ओमराइणिओ होइ | नवा बीहेइ परियायछेयस्स । एएसिं जहुद्द्द्दिट्ठाणं छेयमावन्नाण वि तवो दिज्जइ । आइसद्देण मूलाणवट्ठपारंचियपयावन्नाणं वि । जीयववहारमएण गणाहिवइणो य । गणाहिवई आयरिओ तस्स छेयाइमावन्नस्सावि तवारिहं दिज्जइ । मा पुन सेहदुसुंठाईण अपरिणामगाणं हीलनिज्जो भविस्सइ त्ति । चसद्देण कुलगणसंधाहिवा धेप्पंति ।
मू. (६०)
जं जं न भणियमिहइं तस्सावत्तीए दान-संखेवं ।
भिन्नाइय य वोच्छं छम्मासंताय जीएणं ॥
चू. इह जीयववहारे जं जं पच्छित्तं न भणियं अवराहमुद्दिसिऊण तस्सावि आवत्तिविसेसेण दाणसंखेवं भणामि । आवत्ती पायच्छित्तट्ठाणसंपत्ती। साय निसीहकप्पववहाराभिहिया । सुत्तओ अत्थओ य । आणा अनवत्थमिच्छत्तविराधना सवित्थरा । तवसो य- सा य तवो पनगादी छम्मासपज्जवसाणो अनेगावत्तिदानविरयणा लक्खणो तेसु सव्वेसु गंथेसु इह पुन जीयववहारे संखेवेणं आवत्तीदानं निरूविजइ ।
Jain Education International
For Private & Personal Use Only
www.jainelibrary.org