________________
मूलं- ६१
भिन्नो अविसिट्ठो च्चिय मासो चउरो य छच्च लहु-गुरुया । निव्वियगाई अट्ठमभत्तंतं दानमेएसिं ॥।
११३
मू. (६१)
चू. भिन्न इति ससमयसन्ना; पंचवीसं दिवसा भिन्नसद्देण वेप्पन्ति । सो य अविसिट्ठो एक्को चेव । अविसिट्ठगहणाओ य सव्वपणगाई मेया धेप्पंति । पणगं- लहुगं, गुरुगं च; दसगं-लहुगं, गुरुगं च; पन्नरसगं-लहुगं, गुरुगं च; वीसगं-लहुगं, गुरुगं च पंचवीसगं-लहुगं, गुरुगं च । एस भिन्नमासो बहुमेओ वि एक्को चेव घेप्पइ । एसो य सुयववहारो जेसु जेसु अवराहेसु भणिओ तेसु चेव अवराहेसु जीएण सव्वत्थ निव्विगई । भिन्नो अविसिट्ठो च्चिय एवं वक्खाणियं । इदानिं मासो त्ति । सो य लहुमासो गुरूमासो य । एत्थ य लहुमासे पुरिमहुं । गुरुमासे एकासनयं । चउरो य छच्च मासा सम्बज्झंति । तत्थ लहुचउमासे आयामं । चउगुरूमासे चउत्थं । छल्लहुमासे छटुं । छगुरुमासे अट्ठमं । एवं सुत्तनिद्दिद्वावत्ति जहावराहं जाणिऊण जीएण निव्विइयाइ- अट्ठमभत्तंतं तवं देज्ज । इय सव्वावत्तीओ तवसो नाउं जह- क्कमं समए । जीएन देज्ज निव्वीइगाइ-दान जहाभिहियं ॥
मू. (६२)
चू. इयं एवं एएन पगारेन । सव्वावत्तीओ सव्वतवट्ठाणाइं । जहक्कमं पायच्छित्तानुलोमेन । समए सिद्धते । जीएण देज्जा । निव्विइयाइयं दानं जह जह भणियं तहा तहा देज त्ति भणियं होइ । एयं पुन सव्वं चिय पायं सामन्त्रओ विनिद्दिद्वं ।
मू. (६३)
दानं विभागओ पुन दव्वाइ-विसेसियं जाण ॥
चू. एयं ति हुद्दिनं । पुन सद्दो विसेसणे । सव्वं पायच्छित्तदानं । पाएण बाहल्लेण । सामन्नमविसेसियं । विसेसेण निद्दिवं विणिद्दिवं । देयं विभागेण । दव्वाइ- आइसद्देण खेत्तकालभावपुरिसपडिसेवणाओ य । अविक्खिऊण विसेसियं । ऊनाइरित्तं तस्स मंवा (?) देख त्ति । दव्वं खेत्तं कालं भावं पुरिस पडिसेवणाओ य ।
मू. (६४)
नाउमियं चिय देज्जा तम्मत्तं हीनमहियं वा ॥
चू. पढमं गाहद्धं कण्ठं । नाउम्मितं चिय-जाणिऊणं दव्वाइ विभागम्मि तं चेव परिमाणपरिच्छिन्नं देज्जा । अहवा, नाउमियं चिय-इदमिति पञ्चक्खीभावे । इदमेव जीयववहारभणियं देज्ज । तम्मत्तं भणियसमं । दव्वखेत्तकालभावपुरिसपडिसेवणादीसु हीनेसु हीनं देज्जा । अहिएसु अहियं देज्जा । साहारणेसु साहारणं देजा।
मू. (६५)
आहाराई दव्वं बलियं सुलहं च नाउमहियं पि । देजा हि; दुव्वलं दुल्लहं च नाऊण हीनं पि ॥
चू. आहारो आई जेसिं दव्वाण ताई आहाराईणि । जम्मि देसे ताइं बलियाई । जहा अनूवएसे सालिकूरो बलिओ । सहावेणं चेव सुलहो य । एयं नाऊण जं जीयभणियं दानं तस्सब्भहियमवि देजा। जत्थ पुन चणक- निष्फाव-कंजियाइ लुक्खाहारो; दुल्लहो वा; तत्थ जीयदानं हीनमवि देज्जा । लक्खं सीयल-साहारणं च खेत्तमहियं पि सीयम्मि ।
मू. (६६)
लक्खम्मि हीनतरयं एवं काले वि तिविहम्मि ।।
चू. लक्खं नाम नेहरहियं । खेतं वाय- पित्तलं वा । सीयलं पुन सिणिद्धां भन्नइ; अनूवखेत्तं वा ।
23 8
Jain Education International
For Private & Personal Use Only
www.jainelibrary.org