Page Text
________________
उद्देशक ः १५, मूलं-९१६, [भा. ४९४७]
घेत्तव्यो, बादरो (दावरो] नाम बितियभंगो, तम्मि अलब्भमाणे कली घेत्तव्यो । कली नाम पढमभंगो । “बादर (दावर] कली अनंते" ति गतं । इदानि “ताहे जयणाए जुत्तस्से" त्ति-जदा अनंतपढमभंगे विन लब्मति ताहे जयणाए जुत्तस्स, जयणा जत्थ जत्थ अप्पतरो कम्मबंधो, तं गेण्हमाणस्स संजमो भवतीति वाक्यशेषः॥एवं ताव संजयाणंजयणा भणिता । अह संजतीणं का जयणा? उच्यते[भा.४९४८] एमेव संजतीण वि, विहि अविही नवरि तत्थ नाणत्तं ।
सव्वत्थ वि सग्गामे, परगामे भावतो वि भए। खू-जहासंजयाणं भिन्नाभिन्नेसग्गामपरग्गामेसुजयणा भणितातहासंजतीण विभाणियब्वा, नवरितासिं विधिअविधिभिन्नाणि भणिऊण सव्वत्थ विहिभिन्नाणि घेप्पंति सग्गामपरग्गामेसु य। पढमं छट्ठभंगो, ततो पंचमभंगो, ततो चउत्थभंगो उवउज्न सव्वं भाणियव्वं ॥
पलंबपगतं सम्मत्तं।
मू. (९१७) जे भिक्खू अन्नउत्थिएण वा गारथिएण वा अप्पणो पादे आमजावेज वा पमजावेज वा आमज्जावेंतं वा पमज्जावेंतं वा सातिजति ॥
मू. (९१८) जे भिक्खू अन्नउत्थिएण वा गारथिएण वा अप्पणो पादे संबाहावेज वा पलिमद्दावेज वा संबाहावेंतं वा सातिज्जति ।।
मू. (९१९) जे भिक्खू अन्नउत्थिएण वा गारथिएण वा अप्पणो पादे तेल्लेण वा घएण वा वसाए वा नवनीएणवा मक्खावेज वा भिलिंगावेज वा, मक्खावेंतंवाभिलिंगावेंतं वा सातिञ्जति॥
मू. (९२०)जे भिक्खूअन्नउत्थिएण वा गारथिएण वा अप्पणो पादे लोद्धेण वा कक्केण वा उल्लोलावेज वा उव्वट्टावेज वा उल्लोलावेंतं वा उव्वट्टावेंतं वा सातिजति ॥
मू. (९२१) जे भिक्खू अन्नउत्थिएण वा गारथिएण वा अप्पणो पादे सीओदगवियडेण वा उसिणोदगवियडेण वा उच्छोलावेज वापधोयावेज वा, उच्छोलावेंतं वा पधोयावेतं वासातिजति।।
मू. (९२२) जे भिक्खू अन्नउत्थिएण वा गारथिएण वा अप्पणो पादे फूमावेज वारयावेज वा फूमावेंतं वा रयातं वा सातिजति॥
मू. (९२३) जे भिक्खू अन्नउत्थिएण वा गारथिएण वा अप्पणो काय आमजावेज वा पमज्जावेज वा आमज्जावेंतं वा पमज्जावेंतं वा सातिञ्जति ॥
मू. (९२४) जे भिक्खू अन्नउत्थिएण वा गारथिएण वा अप्पणो कार्य संबाहावेज वा पलिमद्दावेज वा संबाहावेंतं वा पलिमद्दावेंतं वा सातिजति॥
मू. (९२५) जे भिक्खू अन्नउत्थिएण वा गारथिएण वा अफ्पणो कायं तेल्लेण वाघएणवा वसाए वा नवनीएण वा मक्खावेज वा भिलिंगावेज वा, मक्खावेंतं वा सातिजति॥
मू. (९२६) जे भिक्खू अन्नउथिएण वा गारथिएण वा अप्पणो कायं लोद्धेण वा कक्केण वा उल्लोलावेज वा उव्वट्टावेज वा उल्लोलावेंतं वा उव्वट्टावेंतं वा सातिजति॥
मू. (९२७) जे भिक्खू अन्नउत्थिएण वा गारथिएण अप्पणो कायं सीओदगवियडेण वा उसिणोदगवियडेण वा उच्छोलावेज वा पधोयावेज वा, उच्छोलावेंतं वा पधोयावेंतं वा सातिजति।।
मू. (९२८)जे भिक्खू अन्नउत्थिएण वा गारथिएण वा अप्पणो कार्यफूमावेज वारयावेज
Jain Education International
For Private & Personal Use Only
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |