Page Text
________________
उद्देशक : १४, मूलं - ८६८, [ भा. ४६१३ ]
अद्धाणबालवुड्डादियाणं दानं प्रति जयणा कायव्वा । जस्स बहुतरा निज्जरा जत्थ वा अबहुतरा हाणी दीसइ पुव्वं तस्स दायव्वं । जो व पादच्छिन्नादिओ कमो भणितो तेन दायव्वं ॥ एएहिं कारणेहिं, सक्काण वि देज्जऽ संसती जेसिं । होज व न हो इतरे, तेसिं पुण सज्ज परिहाणिं ।।
[भा. ४६१४]
चू- अच्छिन्नहत्था वयोसक्का तेसिं देज्ज, जेण तेसिं असंतती। असंतती नाम भायणवोच्छेदो अभाव इत्यर्थः । इतरे हत्थपादछिन्नादिया तेसिं परिहाणी होज्ज वा न वा, तेसिं पुण सक्काणं भायणाभावे सज्जं ति वट्टते चेव परिहाणी, तम्हा तेसिं दायव्वं ॥
[ भा. ४६१५]
जे चेव सक्कदाणे, असक्क असतीए दोसे पावंति । असतीए सक्काण वि, ते चेव अदेंति पावेंति ।
चू- सक्कस्स देंते जे दोसा भणिता, असक्कस्स य अदेंते जे दोसा भणिया, ते चेव दोसा सक्काण वि असंततीए अदेंतो पावति, तम्हा असिवादिकारणे अवेक्खिउं सक्कस्स वि दायव्वं ॥
अहन देत तो इमे दोसा[भा. ४६१६]
जं तं असंथरंता, अनेसणं जं च भाजनभूमीए । पावंति सेह - सावय- तेणातिविराधनं जं च ॥
२७
चू-ते अच्छिन्नहत्थादिया असंथरंता जं अनेसणं पेल्लिस्संति, जं च भायणभूमीए अंतरा वा असिवादिदोसे वा पाविस्संति, भाजनभूमिगयाण वा सयणेहिं सेहो उन्निक्खमाविज्जति, भायणाण वा गच्छंता सावतेण खज्जंति, तेणेहि वा उदुज्जंति, जं चऽन्नं किं चि सरीरसंजमविराहणं पावेंति, तं सव्वं पायच्छित्तं अदेंते पावति ॥ अहवा - इमाए जैयणाए भायणा दायव्वापुव्वं तु असंभोगी, दुगतिगबद्धं तहेव हुंडादी । तो पच्छा इतराणि वि, तेसिं देंतो भवे सुद्धो ॥
[भा. ४६१७]
चू- तेसिं सक्काणं असिवादिकारणेहिं दिजंते-पुव्वं जं असंभोइयं पादं तं दिजति, दोसु दा तिसु व ठाणेसु जं बद्धं तं दिज्जति, हुडं वाताइद्धाणि वा अलक्खणजुत्ताणि दिज्जति । जति ते नत्थि, तो पच्छा इयराणि वि संभोइयाणि अभिन्नानि समचउरंसाणि लक्खणजुत्ताणि य देंतो सुद्धो भवति ॥
मू. (८६९) जे भिक्खू अइरेगं पडिग्गहं, खुड्डगस्स वा खुड्डियाए वा थेरगस्स वा थेरियाए वा हत्थच्छिन्नस्स पायच्छिन्नस्स नासच्छिन्नस्स कण्णच्छिन्नस्स ओट्ठच्छिन्नस्स असक्कस्स न देइ, न देतं वा सातिज्जति ॥
चू-पुव्विल्लसुत्तातो इमं सुत्तं पडिपक्खतूतं । किं च पूर्व एते अद्धाणादिया अत्थतो भणिता । इह पुण सुत्ततो चेव भणति ।
[भा. ४६१८] अद्धाणबालवुड्डाऽऽतुराण दुविहाण जुंगिताणं च । सुत्तत्थवीरिएणं, अपजत्तअकोविताणं च ।।
- दुविधा जुंगिता - जातीए सरीरेण वा, सेसं पूर्ववत् ॥
[भा. ४६१९] अभिनवपुराणगहितं, पायमछिन्नं तहेव छिन्नं च ।
निद्दिट्ठमनिद्दिवं, तेसि अदेंताण आणादी ॥
For Private & Personal Use Only
Jain Education International
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |