Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 294

उद्देशक : १८, मूलं-१२९७, [भा. ६०२६] देइ, देंतं वा सातिजति॥
मू. (१२९८) जे भिक्खू अइरेगं वत्थं, खुड्डगस्स वा खुड्डियाए वा थेरगस्स वा थेरियाए वा हत्थच्छिन्नस्स पायच्छिन्नस्स नासच्छिन्नस्स कण्णच्छिन्नस्स ओट्ठच्छिन्नस्स असक्कस्स न देइ, न देंतं वा सातिजति॥
मू. (१२९९) जेभिक्खू वत्थं अनलं अथिरं अधुवं अधारणिज्जंधरेइ, धरेतंवा सातिजति।। मू. (१३००) जे भिक्खू वत्थं अलं धिरंधुवं धारणिजं न धरेइ, न धरतं वा सातिजति ॥ मू. (१३०१) जे भिक्खू वण्णमंतं वत्थं विवण्णं करेइ, करेंतं वा सातिजति ॥ मू. (१३०२) जे भिक्खू विवण्णं वत्थं वण्णमंतं करेइ, करेंतं वा सातिजति ॥
मू. (१३०३) जे भिक्खू “नो नवए मे वत्थे लद्धे"त्ति कटु सीओदगवियडेण वा उसिणोदगवियडेण वा उच्छोल्लेज वा पधोएज वा, उच्छोल्लेतं वा पधोएंतं वा सातिजति॥
मू. (१३०४)जे भिक्खू “नो नवए मे वत्थे लद्धे" तिकट्ठ बहुदेवसिएण सीओदगवियडेण वा उसिणोदगवियडेण वा उच्छोलेज वा पधोएज वा उच्छोलेंतं वा पधोएंतं वा सातिजति ॥
मू. (१३०५) जे भिक्खू “नो नवए मेवत्थे लद्धे" तिकट्ठ कक्केण वा लोद्धेण वा चुण्णेण वा वण्णेण वा उल्लोलेज वा उव्वलेज वा उल्लोलेंतं वा उव्वलेंतं वा सातिज्जति ॥
मू. (१३०६) जे भिक्खू “नो नवए मे वत्थे लद्धे" त्ति कटु बहुदेवसिएण कक्केण वा लोद्धेण वा चुण्णेण वा वण्णेण वा उल्लोलेज वा उव्वलेज वा उल्लोलेंतं वा उव्वलेंतं वा सातिज्जति ॥
मू. (१३०७) जे भिक्खू "दुब्भिगंधे मे वत्थे लद्धे" त्ति कटु सीओदगवियडेण वा उसिणोदगवियडेण वा उच्छोलेज वा पधोएज वा उच्छोलेंतं वा पधोएंतं वा सातिजति ॥
मू. (१३०८)जेभिक्खू "दुभिगंधे मेवत्थं लद्धे"त्ति कट्ठबहुदेवसिएण सीओदगवियडेण वा उसिणोदगवियडेण वा उच्चोलेज वा पधोएज वा उच्छोलेंतं वा पधोएंतं वा सातिजति॥
मू. (१३०९) जे भिक्खू "दुभिगंधे मे वत्थे लद्धे"ति कट्ठ कक्केण वा लोद्धेण वा चुण्णेण वा वण्णेण वा उल्लोलज्जवा उव्वलेज वा उल्लोलेंतं वा उव्वलेंतं वा सातिञ्जति ॥
मू. (१३१०)जेभिक्खू “दुभिगंधे मे वत्थं लद्धे" तिकड बहुदेवसिएण कक्केण वालोद्धण वा चुण्णेण वा वण्णेण वा उल्लोलेज वा उव्वलेज वा उल्लोलेंतं वा उव्वलेंतं वा सातिजति ॥
मू. (१३११)जे भिक्खू अनंतरहियाए पुढवीए दुब्बद्धे दुन्निखित्ते अनिकंपे चलाचले वत्थं आयावेज वा पयावेज वा, आयातं वा पयावेंतं वा सातिजति ॥ ।
मू. (१३१२) जे भिक्खू ससणिद्धाए पुढवीए दुब्बद्धे दुन्निखित्ते अनिकंपे चलाचले वत्थं आयावेज वा पयावेज वा, आयातं वा पयावेतं वा सातिजति ।।
मू. (१३१३) जे भिक्खू ससरक्खाए पुढवीए दुब्बंधे दुनिखित्ते अनिकंपे चलाचले वत्थं आयावेज वा पयावेज वा, आयातं वा पयावेतं वा सातिजति ॥
मू. (१३१४) जे भिक्खू मट्टियाकडाए पुढवीए दुब्बंधे दुनिखित्ते अनिकंपे चलाचले वत्थं आयावेज वा पयावेज वा, आयावएतं वा पयावेतं वा सातिजति ॥
मू. (१३१५) जे भिक्खू चित्तमंताए पुढवीए दुब्बंधे दुन्निखित्ते अनिकंपे चलाचले वत्थं आयावेज वा पयावेज वा, आयातं वा पयावेंतं वा सातिजति ॥