Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 283

२८०
निशीथ - छेदसूत्रम् -३-१७/ १२४१
[ भा. ५९८५ ] पडिनीयपुच्छणे को, गुरु मे किं सो हं ति पेच्छ मे अंगं । गिहि-अन्नतित्थिपुट्ठे, व जुंगिते जो अनोतप्पे ।।
-
चू- खित्तादिगो अणप्पज्झो सेहो अजाणतो अप्पणो लक्खणो पगासेज्ज । अप्पज्झोवा “कजे” त्ति कोइ पडिनीतो पुच्छेज्जा - कतमो भे गुरू ? ताहे जो आरोहपरिणाहजुत्तो सो भणति - किं तेन ? अहं सो । पडिनीओ भणति कहं नायं ? साहू भणति - पिच्छ मे अंगं लक्खणजुत्तं । ‘“अन्नप्पभावणं’”ति अस्य व्याख्या - गिहिअन्नतित्थिएण वा पुच्छियं को भे गुरु ? त्ति । आयरिओ जति सरीरजुंगितो ताहे जो अन्नो साहू अनुत्तरदेहो अलज्जणिज्जो, आगमेसु य कयागमो, एवं सो अन्नो पभाविज्जति अप्पणा वा पभावेति । वियाणणट्ठाए त्ति अस्य व्याख्या[भा. ५९८६ ] अट्ठवितगणहरे वा, कालगते गुरुम्मि भणतऽहं जोग्गो । देहस्स संपदं मे, आरोहादी पलोएह ।।
चू- अट्ठविते गणधरे आयरिया कालगया । तत्थ जे वसभा अन्नं अलक्खणजुत्तं ठविउंकामा, ताहे सो लक्खणत्तो अन्नेहिं भणावेति- अप्पणो वा भणति - आयरियपदजोगो देहसंपदं मे पेच्छह । अह आयरियो वि अलक्खणजुत्तं ठवेउकामो, तत्थ वि एयं चेव अप्पानं पगासेतिखमासमणो जारिसो जुत्ते भणिओ तारिस ठवेह सरीरसंपदाते आरोहादिजुत्तो ठवेयव्वो । एवं जाणंति विभज्जा |
मू. (१२४२) जे भिक्खू गाएज वा हसेज्ज वा वाएज वा नच्चेज्ज वा अभिनवेज्ज वा हयहेसियं हत्थगुलगुलाइयं उक्कुट्ठसीहनायं वा करेइ करेंतं वा सातिज्ञ्जति ।।
चू-सरकरणं सरसंचारो वा गेयं, मुहं विष्फालिय सविकारकहक्कहं हसणं, संखमादि आओजं वा वाएज्ज, पाद-जंघा ऊरु- कडि - उदर-बाहु - अंगुलि - वदन- नयण-भमुहादिविकारकरणं नृत्यं, पुक्कारकरणं, उक्किट्ठसंघयणसत्तिसंपन्नो रुट्ठो तुट्ठो वा भूमी अप्फालेत्ता सीहस्सेव नायं करेति, हयस्स सरिसं नायं करेइ हयहेसियं । वानरस्स सरिसं किलिकिलतं करेति, अन्नं वा गयगज्जिआदिजीवरुतं करेंतस्स चउलहुं आणादिया य दोसा ।
[भा. ५९८७ ] जे भिक्खू गाएजा, नचे वाएज अभिणवेज्जा वा । उक्कट्ठसियं वा, कुज्जा वग्गेज वीणादी ।।
- अहिनओ परस्स सिक्खावणा, नृत्यविकार एव वल्गितं डिंडिकवत्, जावतिया मुहं विप्फालेत्ता गीयउक्कुडिमादिया करेंति । तेसु इमे दोसा
[ भा. ५९८८ ]
पुव्वामयप्पकोवो, अभिनवसूलं व अन्नगहणं वा । अस्संडणं च भवे, गायणउक्विट्ठिमादीसु ।।
चू- आमयो त्ति रोगो सो उवसंतो पकुप्पति, अहिनवं वा सूलं उप्पज्जइ, “अन्नगहण "त्ति गलगस्स उभओ कण्णबंधेसु सरणीतो मतातो तासु वातसेंभगहितासु य अणायतं मुहजंतं हवेज, अहवा - अन्नगहणं गंधव्विउ त्ति काउं रायादिणा घेप्पेज्जा, मुहं वा अस्संपुढं वातसिंभदोसेण अच्छेजा ॥
[भा. ५९८९ ]
ते चेव य दोसा, अस्संपुडणं मुइत्तु सेसेसु । अन्नतरइंदियस्स व, विराधना कायमुड्डाहो ॥