Page Text
________________
उद्देशक : १६, मूलं- १०८३, [भा. ५७२३]
वसीकरेजा, निमित्तेण वा आउट्टिजति, चुण्णेहिं वा आघंसमादीहिं वसीकज्जति । “देवी य’” त्ति जाय तस्स महादेवी इट्ठा सा वा विज्जादीहिं आउट्टिजति, अहवा - खंतगो खंतिगा वा से जो वा रन्नो अवुक्कमणिज्जो, जइ तेहिं भण्णंतो ठितो सुंदरं । अह न ठाति ताहे सेट्ठि भण्णति, अमचं वा, इ ते उवसमेज्जा । अहवा - जाव उवसमइ ताव सेट्ठि-अमच्चाणं उवग्गहे अच्छति, जो वा रन्नो अवुक्कमणिज्जो तस्स वा घरे अच्छति, एसणादिसु जयंति पूर्ववत् । पासंजणं ( पासंडगणं) वा उवडावेज्जा, जइ नाम ते उवसामेज्ज अप्पनिज्जाहिं अनुसासणादीहिं ॥
[भा. ५७२४]
आगाढे अन्नलिंगं, कालक्खेवो बहिं निगमणं वा । कतकरणे करणं वा, पच्छायण थावरादीसु ॥
चू- अनुवसमंते एरिसे आगाढकारणे अन्नलिंगं करेति, तेन परलिंगेण तत्थेव कालक्खेवं करेति, अणजमाणा विसयंतरं वा गच्छंति, जाहे सव्वहा उवसामेउं न तीरइ ताहे "कयकरणे करणं व’” त्ति सहस्सजोही तं सासेज, अह तं पि नत्थि ताहे “पच्छादणथावरादीसुं” ति जाव पसादिज्जंति ताव रुक्खग्गहणेसु अप्पानं पच्छादेंति, पउमसरादिसु वा लिक्किया अच्छति, अहवा - दिया एतेसु निलुक्कया अच्छंति, राओ वच्चंति । एवं रायदुट्टे जयंति ॥ इदानिं भयादिदारा[भा. ५७२५] बोहिमेच्छादिभए, एमेव य गम्ममाण जयणाए ।
test य गिलाणे, नाणादट्ठा व गम्मंते ॥
२२७
चू- "भयं" ति बोहियभयं, बोहिगा मालवादिमेच्छा, ते पव्वयमालेसु ठिया मानुसाणि हरति । तेसिं मया गम्ममाणे एवं चेव गमणं, जयणा य जहा असिवादिसु । भयमेवागाढं । अहवा - किंचि उप्पत्तियमागाढं, जहा मातापितिसन्नायगेणं संदिट्ठे- "इमं कुलं पव्वज्जमब्भुवगच्छति जति तुमं आगच्छसि " अहवा - "नागच्छसि तो विप्परिणमंति अन्नम्मि वा सासणे पव्वयंति" एरिसे वा गंतव्वं । गेलण्णवेज्जस्स वा ओसहाण य । उत्तिमट्ठे य पडियरगो विसोहिकामो वा । नाणादंसणेसु सुत्तनिमित्तं . अहवा - अत्थस्स । अहवा उभयस्स । चरित्तट्ठा पुव्वभणिय । एवमादिकारणेसु पुव्वं मग्गेण, पच्छा अच्छिन्नपंथेण, ततो छिन्नपथेण ॥
एत्थ एक्केके असिवादिकारणे
[भा. ५७२६ ]
एगापन्नं व सतावीसं च ठाण निग्गमा नेया ।
एतो एक्केक्वम्मिं, सयग्गसो होइ जयणा उ ॥
मू. (१०८४) जे भिक्खू विरूवरूवाइं दसुयायणाइं अनारियाइं मिलक्खूइं पच्च॑तियाइं सति लाढे विहाराए संथरमाणेमु जनवएस विहारपडियाए अभिसंघारेइ, अभिसंघारेतं वा सातिज्ञ्जति ।। सग-जवणादिविरुवा, छव्वीसद्धंतवासि पच्चंता ।
[भा. ५७२७]
कम्माणजमणारिय, दसणेहि दसंति तेन दसू ।
चू- सग जवणादिअन्नन्नवेसभासादिट्ठिता विविधरूवा विरूवा मगहादियाणं अद्धछव्वीसाए आरियजनवयाणं,तेसिं अन्नतरं ठिया जे अनारिया ते पच्चंतिया, आरुट्ठा दंतेहिं दंसंति तेन दसू, सिं आयतणा विसओ पल्लिमादी वा । हिंसादिअकज्जकम्मकारिणो अनायरिया ||
[भा. ५७२८] मिल्लक्खूव्वत्तभासी, संथरणिज्जाउ जनवया सगुणा । आहारोवहिसेज्जा, संथारुच्चारसज्झाए ।
For Private & Personal Use Only
Jain Education International
www.jainelibrary.org
| SR No. | 003321 |
| Book Title | Agam Suttani Satikam Part 17 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 476 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 23 MB |