________________
उद्देशक : १६, मूलं- १०८३, [भा. ५६३७]
[भा. ५६३७]
मिच्छत्ते उड्डाहो, विराधनं होति संजमाताए । इरियाति संजमम्मी, छक्काय अचक्खुविसयम्मी ।। चू- "मिच्छत्ते उड्डाहो" दोन्हं विभासा
[भा. ५६३८] किं मन्ने निसिगमणं, जाती न सोर्हेति वा कहं इरियं । जतिवेसेण व तेणा, अडंति गहणादि उड्डाहो ||
चू-इहलोयचत्तकज्जाणं परलोयकज्जुज्जताणं किं रातो गमणं ? किं मन्ने दुट्ठचित्ता एते होज्जा ? कहं वा इरियं सोहंति, इरिउवउत्ता वा जंति ?, जहा एयं असच्चं तहा अन्नं पि मिच्छत्तं जणेज्जा, जइवेसेण वा तेन त्ति काउं रातो अडंता गहिया कड्ढणववहारादिसु पदेसु उड्डाहो ।। "विराधन संजमाताए” एसा विभासा[भा. ५६३९]
संजमविराधनाए, महव्वया तत्थ पढमे छक्काया । बितिए अतेण तेने, तइए अदिन्नं तु कंदादी ॥
चू-संजमविराधना दुविधा - मूलगुणे उत्तरगुणे य । मूलगुणे पंचमहव्वया, पढमे य महव्वए छक्कायविराहणं करेति, बितिए महव्वए अंतेणं तेनमिति भासेज्जा, ततिए महव्वए कंदादि अदिन्ना गेहेज || अहवा - [भा. ५६४० ]
दियदिन्ने वि सचित्ते, जिनतेण्णं किमुत सव्वरीविसए । जेसिं च ते सरीरा, अवदिन्ना तेहि जीवेहिं ||
चू- सचित्तं जिनेहिं नाणुण्णायं तेन दिवसतो वि तेन्नं, रात्री रातो वा अदिन्नं, अहवा - जेसिं कंदादिया सरीरा जीवाणं तेहिं वा अदिन्नं ति तेण्णं ॥
[ भा. ५६४१ ]
पंचमे अनेसणादी, छट्ठे कप्पी व पढम बितिया वा । भगवओ तिमि जाओ, अपरिणओ मेहुणं पि वए ॥
चू- पंचमे त्ति वते अनेसणिज्जं गेण्हंतस्स परिग्गह। भवति, छट्ठे त्ति रातीभोयणे अद्धाणं कप्पं भुंजंतस्स रातीभोयणभंगो भवति । पढमो त्ति-खुहापरीसहो बितिओ पिवासापरीसहो तेहिं आतुरो रातिं भुंजेज्ज वा पिएज वा, एवव्रतभंगे सव्ववयभंगो त्ति काउं मेघुणं पि सेवेज्जा । अहवा अपरिणतो अबुद्धधम्मत्तणओ दिया रातो सत्थे वच्चमाणे काइयानिमित्तं उसक्को, अगार ति काइ उसक्का, अप्पसागारिए तं पडिसेवेज्ज ।। इरिया इति अस्य व्याख्यारीयादसोधिं रत्तिं, भासाए उच्चसद्दवाहरणं ।
[ भा. ५६४२ ]
न य आदानुस्सग्गे, सोहए काया य ठाणादि ॥
- राओ इरियासमिदं न सीहेइ। भासासमिइए वि असमिओ पंथाइविप्पणट्टे उच्चसद्देण वाहरेज्जा। एसणासमिति न संभवति, रातो दिवसतो वा अद्धाणं पढमबितियपरीसहाउरो एसनं पेलेज्जा । आदाननिक्खेवसमितीए ठाणनिसीदणाणि वा करेंतो रातो न सोहेति । काइयादिपरिट्ठवणं पि करेंतो थंडिल्लं पि न सोहेति ॥
एसा सव्वा संजमविराधना । इमा आयविराधना[भा. ५६४३]
२१३
Jain Education International
वाले तेणे तह सावए य विसमे य खाणु कंटे य । अकम्हा भय आतसमुत्थं रत्तिं मग्गे भवे दोसा ।।
For Private & Personal Use Only
www.jainelibrary.org