________________
उद्देशक : १६, मूलं- १०७३, [भा. ५५४८ ]
२०१
- सेज्जायरस्स भूणिगा जोव्वणकप्पे ठिया, कप्पट्ठियं पडुच्च आयरिएण चरितं ठवियं - तं पडिसेवतीत्यर्थः । अहवा - दुवक्खरिगा अभिगता सम्मद्दिट्ठी तं वा पडिसेवेति, अहवा - अभिगते त्ति आसक्ता, सो पुण आयरिओ चरित्तवज्जितो वेसधारी वा बाहिकरणजुत्तो होज्जा । लिंगी वा साविगो वा सिद्धपुत्तो वा गिहत्थो वा होज्ज । लिंगधारी लिंगी । बाहिरब्धंतकरणवज्जितो सारूवी । मुंडो सुक्किलवासधारीकच्छंण बंधति अबंभचारी अभज्जगो भिक्खं हिंडइ । जो पुण मुंडी ससिहो सुक्कंबरधरो सभज्जगो सो सिद्धपुत्तो, एयण्णयरविकप्पे ठितो । “उवाएण हरियव्वो" पुव्वं गुरुं अनुकूलं भणति - इमाओ खेत्ताओ वच्चामो, जदा नेच्छति ताहे जत्थ सो पडिबद्धो सा पन्नविजति “एसो बहूणं आहारो, एयंविसज्जेहि, तुमं किंच मा महामोहकम्मं पगरेहि" । जति सा ठिया तो सुंदरं, अह न ठाति तो सा विज्जमंतनिमित्तेहिं माउट्टिज्जति वसीकज्जति वा, असति विज्जादियाण अत्यंदा मोएंति, गुरू य एगंते व भण्णमाणो सव्वहा अणिच्छंतो पुव्वकमेणं राओ हरियव्वो ।। सव्वहा आयरिए अनिंते अप्पणा ततो नेंति अनेगा एगो वा । जा एगस्स विधी सा अनेगाण वि दट्ठव्वा
[भा. ५५४९]
एगे तू वच्चंते, उग्गहवज्जं तु लभति सच्चित्तं । चरित्तट्टं जो तु नेति सच्चित्तं नऽप्पिणे जाव ।।
चू- जो साहू वत्तो एगानितो वच्चति सो परोवग्गहवज्रं सचित्तादिजं लभति तं अप्पणो समग्गिल्लस्स वा गुरुस्स, चरित्तस्स वा स्वपौरुषलक्षणचरित्तट्टा पुण जो सहाओ नेति तत्थ सचित्तादि नेंतस्स जं सचित्तादि तं जाव न समप्पेति ताव पूर्वाचार्यस्य अव्वत्तसहाए वि न लभति पुरिल्लो, जदा पुण उवसंपन्नो समप्पितो वा तदा लभति, तक्कालाओ वा चरित्तपरिचालणा ।।
[भा. ५५५० ] एमेव गणावच्छे, तिविहो उ गमो उ होति नाणादी ।
आयरिय-उवज्झाए, एसेव य रि ते वत्ता ।।
चू- जहा साधुस्स भणियं तहा गणावच्छेइयस्स तिविधो गमो नाणदंसणचरित्तट्ठा। गच्छंतस्स, एवं आयरिउवज्झायाण वि । नवरं ते नियमा वत्ता भवंति ॥
[भा. ५५५१]
एसेव गमो नियमा, निग्गंथीणं पि होइ नायव्वो । जो तु नेती, सच्चित्तं नऽप्पणिज्जा वा ॥
ना
चू- नवरं - ताओ नियमा ससहायाओ जो पुण तातो नेति सचित्तादी तस्स, समप्पियासु वाएंतस्स ।। को पुण तातो नेति ?
[ भा. ५५५२]
पंचहं एगतरे, उग्गहवज्जं तु लभति सच्चित्तं ।
आपुच्छ अट्ठ पक्खे, इत्थीवग्गेण संविग्गे ॥
चू-संजतीतो नाणट्ठा णेंति आयरिय उवज्झायो वा पवित्ती गणी वा थेरो वा, एएसिं पंचण्हं अन्नतरो निंतो उग्गहवज्ज्रं सचित्तादि लभति । इत्थी पुण नाणट्ठा वच्चंती अट्ठपक्खे आपुच्छति आयरियं उवज्झायं वसभं गच्छं वा । एवं संजतिवग्गे वि चउरो इत्थीओ सत्येण णेयव्वाओ, संविग्गो गीयत्थो परिणयवयो नेति । चरित्तट्ठा गयं ॥
[भा. ५५५३ ]
Jain Education International
तिहट्टा संकमणं, एवं संभोइएसु जं भणितं । तेसऽसति अन्नसंभोइए वि वच्चे तिण्हट्टा ।।
For Private & Personal Use Only
www.jainelibrary.org