Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 124

उद्देशक : १५, मूलं- १००२, [भा. ५०६५ ]
१२१
चू- पुव्वद्धं कंठं । तुभे धम्मे कयमणा, गिहीहिं सव्वारंभपवत्तेहिं तुब्भं धम्मट्ठा दायव्वं ॥ भणियंजायणा निमंतणा वत्थं । इमं कप्पभणियं पसंगतो भण्णति- कप्पति से सागारकडं गहाय आयरियपायमूले ठवेत्ता दोच्चं पि उग्गहं अनुन्नवेत्ता परिहारं परिहरित्तए ।
[भा.५०६६] दोच्चं पि उग्गहो त्ति य, केई गिहिएसु बितियमिच्छति । सावग ! गुरुणो नयामो, अनिच्छि पञ्चाऽऽहरिस्सामो ॥
चू- दोघं पि उग्गहोअनुन्नवेयव्वो त्ति जं सुत्तभणियं एयं केति सच्छंद आयरियदेसिका भणंति-एस दोच्चोग्गहो गिहीसु भवति । कहं ? उच्यते- जो देति सावगो, सो वत्तव्वो-हे सावग ! एयं वत्थं अम्हे घेत्तुं आयरियाणं नेमो, जइ आयरिएहिं इच्छियं ततो अम्हे पुणो आगंतुं तुब्भे दोघं पिउग्गहं अनुन्नवेस्सामो । एस दोच्चोग्गहो । अह नेच्छिहिंति आयरिया घेत्तुं तो तुब्भं चेव आनेउं पञ्चप्पिणिस्सामो ||
[ भा. ५०६७ ] इहरा परिट्ठवणिया, तस्स व पञ्चप्पिणंते अहिकरणं । गिहिगहणे अहिकरणं, सो वा दद्रूण वोच्छेदं ॥
चू- जइ एवं न कप्पति तो "इहर "त्ति - आयरिए अगेण्हंते परिट्ठवणे दोसा भवंति । अह न परिट्ठवेंति तो अप्पडिहारियगहिए तस्सेव पञ्च्चप्पिणंते परिभोगधुवणादिसु अधिकरणं भवति, परिट्ठवियमाणेण वा गिहत्थेण गहिते अधिकरणं चेव । अधवा-सो दाता परिट्ठवियं, गिहिगहियं वा दहुं, तस्स वा दव्वस्स तस्स वा साहुस्स, अन्नेसिं वा वोच्छेदं करेज्जा ।। आचार्य आह[ भा. ५०६८ ] चोयग ! गुरुपडिसिद्धे, तहिं पउत्थे धरेंत दिन्नं तु । धरमुज्झणे अहिकरणं, गेहेज सयं च पडिनीयं ॥
चू- चोदक! एवं कज्जमाणे ते चेव दोसा जे तुमे भणिया, तं वत्थं आयरियाणं आनियं, तेन आयरियाण न कज्जं - पडिसिद्धमित्यर्थः, तं वत्थं जाव पडिनिजति ताव सो गिहत्थो गामंतरं पवेसिओ होज्जा, जइ तं परिभुंजति तो अदिन्नादानं पसिज्जति । तस्स संतियं होंतं धरेइ तहावि अधिकरणं अध अत्तट्ठियं धरेइ तहावि अतिरित्तस्स अपरिभोगत्वात् अधिकरणं । अध उज्झति तहावि गिहिगहियं अधिकरणं परिठवणदोसा य । अहवा- पडिनीयं अप्पणो चेव गेण्हेज्जा - "ण देमि"त्ति, तम्हा न एसो दोच्चोग्गहो । इमो दोच्चोग्गहो - तं वत्थं गिहिहत्थाओ घेत्तुं आगओ आयरियरसपच्चप्पिणति, आयरिया जइ तस्सेव दलयंति आयरियसमीवातो दोच्चोग्गहो भवति ।। [ भा. ५०६९] बहिता व निग्गताणं, जायणवत्थं तहेव जतणाए । निमंतणवत्थं तह चेव, सुद्धसमुद्धं च खमगादी ।।
चू- बहिसज्झायभूमीं वा निग्गया वत्थं जाएज्जा । तह चेव जयणाए जाएज्जा, निमंतणवत्थं पि तह चेवदट्ठव्वं, चउत्थवेंटलपुव्वपच्छासंथवेण वा देंतस्स समुद्धं, खमगो त्ति धम्मो त्ति वा काउं देंतस्स सुद्धं भवति, ॥ निग्गंथाणं वत्थग्गहणं भणियं । इदानिं निग्गंधीणं भण्णतिनिग्गंथिवत्थगहणे, चउरो मासा हवंतऽनुग्घाता । मिच्छत्ते संकादी, पसज्जणा जाव चरिमपदं ॥
[भा. ५०७० ]
- जइ निग्गंथीओ गिहत्थाणं सगासाओ वत्थाणि गेण्हंति तो चउगुरुगा । दङ्कणं कोइ नवसद्धमिच्छत्तं गच्छेज्जा, “निग्गंधीओ वि भाडिं गिण्हंती" ति एवं संकेज । अधवा - एस