Agam Suttani Satikam Part 17 Nishitha

SR No.: 003321
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 476
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 23 MB

Page 120

उद्देशक : १५, मूलं - १००२, [भा. ५०४४]
च इत्थिमादिगेसु य दायगेसु परिसुद्धं, अन्नेसु य उग्गमादिदोसेहिं सुद्धं तस्स गहणं अनुन्नायं । “कस्स” त्ति गतं । जइ वि पढमपुच्छाठाणे सुद्धगहणं पत्तं तहावि न घेत्तव्वं जाव बितियपुच्छाए न सुद्धं । अतो बितियपुच्छा “किं वासि त्ति, तं नीणियं वत्थं परिभुत्तं अपरिभुत्तं वा ? " जति पुरिभुत्तं तो पुच्छिज्ज - " किं एयं निच्चणियंसणमादियाणं आसि ?” अध अपरिभुत्तं तो पुच्छिज्जइ “किं एयं निच्चणियंसणमादियाणं होहिति ? " अन्नं च पुच्छिज्जइ- “एयं वत्थं कत्थ भायणे ठाणे वा आसि ? " एयाओ पुच्छाओ जइ न पुच्छइ तो पत्तेगं चउलहुगा ॥ जं तं परिभुत्तं वत्थं नीणितं दायगेण तं पुच्छियं- “किं एयं आसि ? " ताहे ते गिहत्था भणेज्जानिच्चणियंसण मज्जण, छनूसए रायदारि चेव । सुत्तत्थजाणगेणं, चउपरियट्टे ततो गहणं ॥
[भा. ५०४५]
११७
चू-निच्चणियंसणियं एयं आसि, अहवा भणेज - मज्जमयं, अहवा - छनूसवियं, अहवा - रायद्दारियं । एत्थ सुत्तजाणगेणं चउण्हं परियट्टाणं जो अन्नतरो नीणितो तस्स जति अन्नो तव्प्रतिमा अत्थि तो गहणं भवति, एवं दोसु परियट्टेसु नीणितेसु जति दो तव्प्रतिमा अस्थि, तिसु नीणितेसु जति तिन्नि तव्यतिमा अत्थि, चउसु परियट्टेसु णीणितेसु तव्प्रतिमेसु णीणियं तत्थ वि इमे दोसा परिहरियव्वा
[भा. ५०४६] निच्चनियंसणियं ति य, अन्नासति पच्छकम्म-वहणादी । अस्थि वहते घेप्पति, इयरुप्फुस धोव-पगतादी ॥
- जति तेन पुच्छिएण भणियं - "निच्चनियंसणियं ।” जति तस्स अन्नं निच्चनियंसणियं नत्थि तो न घेत्तव्वं । को दोसो ? उच्यते- पच्छाकम्मं करेज्जा, अन्नं सम्मुच्छावेज्जा, किणेज्जा वा । अधवा - अस्थि से अन्नं न ताव तं परिवाहेइ, तत्थ वि न घेप्पति, मा सो तं पवाहेज्ज । अह अन्नं पंच्चूढयं तो घेप्पति । “इयरे”त्ति-अवहंते पढमपवाहेंतो आउक्काएण वा उप्फोसेज्जा, धोवेज्ज वा, धी (वी) याराण वा पगयं करेज, आदिग्गहणातो धूवेज वा, अप्पणो वा पहाएजा ॥
अधवा - नीणियं तं वत्थं अहतं, तं च तेन गिहिणा पुच्छिएण कहियं
[भा. ५०४७] होहिति वि नियंसणियं, अन्नासति गहण पच्छकम्मादी । अत्थि नवे वि तु गेण्हति, तहि तुल्लपवाहणा दोसा ।।
धू- जति तस्स अन्नं निच्चनियंसणियं नत्थि तो न कप्पति । अध गेण्हति तत्थ वि ते चेव पच्छा कम्मादी दोसा । अध अत्थि अन्नं से तो कप्पं, तं अन्नं जति अवहंतं तहावि तं गेण्हति । किं निमित्तं ?, तुल्ला तत्थ पवहमा दोसा । तुल्ला नाम जति वि गिण्हति, जति वि न गिण्हति, तहावि सो अप्पपओगेण चेव अन्नं पवाहेउकामो काहिति पवाहणादयो दोसा ।
[भा. ५०४८]
एमेव मज्जणादिसु पुच्छासुद्धं च सव्वतो पेहे।
मणिमाती दाएंति व, अदिट्टं मा सेहुवादानं ॥
चू- जहा निञ्च्चनियंसणियं कप्पति न कप्पति वा तहा मज्जणछन्नुसवरायद्दारिया वि भाणियव्वा, जाहे पुच्छासुद्धं कप्पनिजं ति निज्जातं ताहे अंतेसु दोसु घेत्तूण सव्वतो सम्मं जोतेयव्वं, मा तत्थ गिहत्थाणं मणी वा हिरन्ने वा सुवण्णे वा तंबे वा रुप्पे वा अन्ने वा केइ उवनिबद्धे होजा । सो गिहत्थो भण्णति - "जोएह सव्वतो एयं वत्थं ।” जति तेहिं दिट्ठ हिरन्नादी तो लठ्ठे, अध न दिट्ठ