Agam Suttani Satikam Part 16 Nishitha

SR No.: 003320
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 412
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 20 MB

Page 86

उद्देशक : १०, मूलं - ६१८, [भा. २७३९]
जति नाम गारवेणं, मुजऽ निट्टे सयं ठाति ।।
चू- सो उभयवत्तो अन्नं वा आयरियं उद्दिसति । स्यात् किमर्थ ? पतावणट्ठा, न गच्छस्स संगहोवग्गहट्ठता, स्वयमेव शक्तमत्वात् । मम जीवंते चेव अन्नमायरियं उद्दिसति, जति नाम एरिसेण गारवेण ओसन्नत्तणं मुएजति तहावि साधु, सव्वहा अनिच्छे सयमेव आयरियपदे ठायति ।। गतो पढममंगो । इदानिं बितियभंगो
[भा. २७४०] सुयवत्तो वयावत्तो, भणति गणं तेऽहं धारिउमसत्तो । सारेहि सगणमेयं, अन्नं च वयासु आयरियं ॥
चू- सो सुत्तेण वत्तो वएण अव्वत्तो । सो तं आयरियं भणति एयं ते गणं अहं अपडुप्पन्नवयतणाओ य धारेउं असत्तो, एहि तुमं एयं सगणं सारेहि । अहवा - न सारेहि तो अम्हे अन्नं आयरियं वयामो इत्यर्थः ॥
[भा. २७४१]
आयरिय उवज्झायं, इच्छंते अप्पणो य असमत्थो । तिगसंवच्छरमद्धं, कुल-गण-संघे दिसाबंधो ॥
चू- अपडुप्पन्नवयत्तणातो गणं वट्टावेउमसत्थो अन्ने आयरिओ वज्झाए उद्दिसिउमिच्छंतो पुव्वायरियं भणाति अम्हे अन्नस्स आयरियस्स नो उवसंपज्जामो, सो ने उवसंपन्नाण अम्हं सचित्तादी हरति, तुमं जति सगणं न सारेसि तो अम्हे निसडुं चेव अन्नं आयरियं पडिवज्जामो । कुलिचं कुलसमवायं दाउं कुले उवट्ठायंति, ताहे कुलेण जो दत्तो स तेसिं तिन्नि वरिसाणि सचित्तादि नो हरति ॥ तिन्हं वरिसाणं परतो इमा विधी
-
८३
·
[भा. २७४२ ] सच्चित्ताति हरंति न, कुलं पि नेच्छामो जं कुलं तुज्झं । वच्चामो अन्नगणं, संधं वा जति तुमं न ट्ठासि ।।
चू- पुव्वायरियस्स अग्गतो भणितं - जं तुह कुलं तं कुलिचो अहं तिह वरिसाणं उवरि सचित्तादि हरति, जइ तुमं अमहायरिओ न ठासि तो अम्हे अतो वि परतो गणं संघं वा दूरतरं वयामो । ताहे गणायरियं उद्दिसावेति, गणसमवाए वा उवट्ठायंति। सो वि संवच्छरं सचित्तादी न हरति, एवं संघे उवट्ठायंति, सो वि छम्मासं सचित्तादी न हरति, एवं बितियपदेन दिसावहारं करेति ॥
[भा. २७४३] एवं पि अठायेंतो, तावेतुं अद्धपंचमे वरिसे । सयमेव धरेति गणं, अनुलोमेणं च णं सारे ।।
चू-एवं अद्धपंचमे वरिसे पुव्वायरियं चोदणाहिं “तावेउं" अवतावेउं जाहे सो न ठाइ ताहे अद्धपंचमेहिं वरिसेहिं वयवत्तीभूतो सयमेव गणं धरेति, जत्थ य पासति तत्थ य पुव्वायरियं अनुलोमेहिं वयणेहिं सारेति - चोदयतीत्यर्थः ॥
[भा. २७४४] अहव जति अस्थि थेरा, सत्ता परियट्टिऊण तं गच्छं । दुहतो वत्त सरिसओ, तस्स उ गमओ मुणेयव्वो ।
चू- अहवित्ययं विकल्पवाची, अप्पणा गीयत्थो, अन्ने य से थेरा गच्छपरियट्टगा अत्थि, तो अन्नं आयरियं न उद्दिसंति । कम्हा न उद्दिसंति ? भण्णति - जतो से पढमभंगसरिसो चेव एस गमो भवति ॥ गतो बितियभंगो ।। इदानिं ततियभंगो
[भा. २७४५ ] वत्तवतो उ अगीओ, जति थेरा तत्थ केइ गीयत्था ।