Page Text
________________
उद्देशक : १२, मूलं-७६०, [भा. ४०८४]
३२३ उप्फोसणापदविरहिया ॥ एतेसिं अट्ठण्ह पयाणं आइल्लेसु दोसु, चरिमेसु य दोसु, एतेसु चउसु अत्तट्ठिएसुगहणं जइ सव्वे गीयत्था भवंति। [भा.४०८५] एगस्स बितियगहणे, पसज्जणा तत्थ होति कप्पट्ठी।
वारण ललितासणिओ, गंतूण य कम्म हत्थ उप्फोसे ।। [भा.४०८६] एगेण समारद्धे, अन्नो पुण जो तहिं सयं देइ ।
जति होति अगीता तो, परिहरियव्वं पयत्तेणं ।। चू-भिक्खट्ठा साहुस्स “घरंगणे ठियस्स" दातारेण आउक्कायसमारंभो कओ, साहुणा पडिसिद्धो । तत्थ अन्नोजइ सयंचेव दाउंअब्भुज्जओअन्नभणिओ वा तत्थ जइ सव्वे साहवो गीयत्था तो गिण्हंति, अगीतेसु मीसेसु य परिहरंति॥ [भा.४०८७] समणेहि य अभणंतो, गिहिभणितो अप्पणो व छंदेणं ।
मोत्तुमजाणगमीसे, गिण्हंती जाणगा साहू ॥ चू- "बितियग्गहणे"त्ति अस्य व्याख्या-पढमदातारेण जा पुरेकम्मकतेण हत्थेण भिक्खा गहिया तं जदा अन्नो बितिओ देइ सा किं गेज्झा अगेज्झा? तत्थ अगीताभिप्पाओ भन्नति[भा.४०८८] अम्हट्ठसमारद्धे, तद्दव्वन्नेण किह नुनिद्दोसं।
सविसन्नाहरणेणं, मुज्झति एवं अजाणंतो॥ चू-एत्थ अगीतो मुज्झति इमेण दिटुंतेण-“वइरिणो अट्ठाय विसेण संजुत्तं भत्तं कयं एगेण, अन्नोजदितं देइ तो किंनमरति? एवं अम्हट्ठाजेण उदगसमारंभो कतो तेनजा गहिया भिक्खा तंजदि अन्नो देइ किं दोसो न भवइ? भवत्येव" । तम्हा अगीतेसुमीसेसु वा परिहरियव्वं ॥
गीतेसु इमो विधी[भा.४०८९] एगेण समारद्धे, अन्नो पुण जो तहिं सयं देति ।
जति जाणगा उ साहू, परिभुत्तं जे सुहं होति ॥ चू-गीता गिण्हंति परिभुंजंति य ।।अधवा[भा.४०९०] गीयत्थेसु विभयणा, अन्नो अन्नं व तेन मत्तेणं ।
विप्परिणतम्मि कप्पति, ससणिद्धदउल्लपडिसिद्धा॥ चू- अन्नो पुरिसो अन्नं दव्वं तेन उदउल्लेण मत्तेण जदा देति तदा न कप्पति, आउक्काए परिणते अत्तट्ठिए कप्पति । ससणिद्धावत्थं उदउल्लावत्थं च पडिसिद्धं - न कल्पतीत्यर्थः । अह बितिएण विपुरेकम्मं कयं, सो वि साधुणा पडिसिद्धो, ततिओ अन्नभणितो सयं वा जदि देति तत्थ विगहणं पूर्ववत्। ___ “पसज्जणा तत्थ होति कप्पट्ठी" अस्य व्याख्या-अह ततिओ विपुरेकम्मं करेज, तत्थ गीएण विन घेत्तव्वं, जम्हा एत्थ पसज्जणादोसो दीसति।को पसज्जणा दोसो? भन्नति-“तरुणकप्पट्टीओ कंदप्पा साधु चेलवंतीओ पुरकम्मं करेज्ज" । अस्यैवार्थस्य व्याख्या[भा.४०९१] तरुणीओ पिंडियाओ, कंदप्पा जति करे पुरेकम्म।
पढमबितियाण मोत्तुं, आवजति चउलहू सेसे ॥ चू-पढमबितिएसु पुरेकम्मे कते जदि अन्नो भणति - “पडिच्छाहि अहं ते दलयामि" तेसु
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |