Page Text
________________
२६०
निशीथ - छेदसूत्रम् - २ - ११ / ७३८
नेच्छति वा, ताहे कुलगणसंघससवातं काउं “जस्स भे रुञ्चति सो गेण्हउ" एवं विगिंचति । अन्ने भणंति-अन्नायरियाभावे अप्पणो चेव अट्ठरसमासे परियट्ठति ततो पच्छा कुलादिएसु विगिंचति ।। "जड्डे "त्ति गतं । इदानिं कीवो
[भा.३६३७] तिविहो य होति कीवो, अभिभूतो निमंतणा अनभिभूतो । चउगुरुगा छग्गुरुगा, ततिए मूलं तु बोधव्वं ॥
[भा. ३६३८] अहवा दुविहो य होइ कीवो, अभिभूतो चेव अनभिभूतो य । अभिभूतो वि यदुविहो, निमंतणाऽऽ लिद्धकीवो य ।।
- अभिभूतो अनभिभूतोय। अभिभूतो पुणो दुविहो - निमंतणाकीवो आलिद्धकीवो य । अनभिभूतो वि दुविधो सद्दकीवो दिट्ठिकीवो य । एस चउव्विहो कीवो। इमा परूवणा इत्थीते निमंतितो भोगेहिं न तरति अहियासेउं, एस निमंतणाकीवो। जतुघडो जहा अग्गिसन्निकरिसेण विलयति एवं जो हत्थोरुकक्खपयोधरेहिं आलिद्धो पडिसेवति, एस आलिद्धकीवो ॥ इमो दिट्ठकीवो -
।
[भा. ३६३९ ] दुविहो य अनभिभूतो, सद्दे रूवे य होइ नायव्वो । अभिभूतो गच्छगतो, सेसा कीवा उ पडिकुट्ठ ।। [भा. ३६४०] संफासमणुप्पत्तो, पडती जो सो उ होति अभिभूतो । निवतति य इत्थिणिमंतणेण एसो वि अभिभूतो ।। दण दुन्निविडं, निगिणमनायारसेविणं वा वि। सद्द वा सोतु ततिओ सज्जं मरणं व ओहाणं ॥
[भा. ३६४१ ]
चू- “दट्टूण” उवरिसरीरमप्पाउयं दुव्वियडं "दुन्निविट्ठ" असंवुडं “ निगिणं” ति, नग्गं मेहुणमनायारसेविणं वा जो खुब्भति सो दिट्टिकीवो । इमो सद्दकीवो- “सद्दं सोउं" त्ति, भासाभूसण- गीत - परियारण सद्दं च सोतुं जो खुब्भति सो सद्दकीवो । “ततिओ "त्ति एस ततिओ कीवो । अहवा - एते निरुज्झमाणा “ततिओ "त्ति नपुंसगा भवंति, सज्जं वा मरंति, ओहाविंति वा ॥ इमं दिट्ठिकीवे भण्णति
[भा. ३६४२ ] साहम्मि अन्नहम्मिय, गारत्थियइत्थियाओ दद्दूणं ।
तो उप्पज्जति वेदो, कीवस्स न कप्पती दिक्खा ॥
-
चू- एया तिविधित्थीओदडुं उक्कडवेदत्तणओ पुरिसवेदो उदिज्जति । उदिन्ने य बला इत्थिग्गहणं करेज्ज । उड्डाहादी दोसा तम्हा न दिक्खेयव्वो । दिक्खंतस्स इमं पच्छित्तं - आलिद्धकीवे चउगुरुं, निमंतणकीवे छग्गुरुं, दिट्ठीकीवे छेदो, सद्दकीवे मूलं, अहवा- सामन्त्रेण कीवे मूलं ॥ एते जति पव्वाविता अजाणताए तो इमा जयणा परियट्ठणे
[ भा. ३६४३]
संघाडगाणुबद्धा, जावज्जीवाए नियमियचरिते ।
दो कीवे परियट्टति, ततियं पुण उत्तिमट्ठम्मि ॥
चू- सदा संघाडगानुबद्धा सबितिज्जा एवं अतीव नियमिया कज्जति । अभिभूतो दुविधो वि एवं परियट्टिज्जति। ततिओ अनभिभूतो सो परं (पुण) उत्तिमट्टे पव्वाविज्जति ।।
एसेवsत्थो अन्नहा भण्णइ
Jain Education International
For Private & Personal Use Only
www.jainelibrary.org
| SR No. | 003320 |
| Book Title | Agam Suttani Satikam Part 16 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 412 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 20 MB |