Agam Suttani Satikam Part 16 Nishitha

SR No.: 003320
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 412
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 20 MB

Page 145

१४२
निशीथ - छेदसूत्रम् -२-१०/६४४
नट्ठे वा दविणजाते एतेन गहियं ति संकिज्जति, तेनगो वा एस त्ति संकिज्जति, सूयगेहिं वा राउले सूइज्जति-अस्थि से दविणजायं ति जेण वेज्जस्स देंति त्ति ।।
[भा. ३०४२ ] पडिसेहेऽजयणाए, दोसा जयणा इमेहि ठाणेहिं । भिक्कण इही बितियं, रहिते जं भणिहिसी जुत्तं ॥
चू- पच्छाकडादियाण असति जइ वेज्जं अजयणाए पडिसेहेति- “नेति भत्तिं भत्तं वा " दोसा तो चउगुरुगा, आणादिया दोसा, तम्हा जयणा कायव्वा । इमेहिं ठाणेहिं भिक्खाणियं काउं दाहामो - इड्डिणे वि निक्खमंते जं क्खितं तं घेत्तुं दाहामो, बितियपदेण वा कारणजाते गहिओद्धरियं दाहामो, “रहिए" त्ति पच्छाकडादिएहिं रहिए एयं भांति - जं तुमं भणीहिसि तं जहासत्तीए सव्वं दाहामो, जम्हं जुत्तं त काहामो, एवं साहारणं ठवेंति । कयाति सो वेजो एवं भणेज[भा. ३०४३] अहिरन्न गच्छ भगवं, सक्खी ठावेह देंति जे पउणं । धंतं पि दुद्धकंखी, न लहइ दुद्धं अ-धेणू ते ॥
चू- इह साक्षी प्रतिभू वा गृह्यते (घं) वंतं पि निरायं पि भणियं पि होति, अधेणू विसुक्खली वंज्झा च, न तस्मात् क्षीरं प्राप्स्यतीत्यर्थः । एयं भणंते
[भा. ३०४४] पच्छाकडादि जयणा, दावण कज्रेण जे भणिय पुव्वि । सड्डा विभवविहूणा, ते च्चिय इच्छंतया सक्खी ।।
चू- इह जयणग्गहणाती कम्मे घेप्पति, दवावणकज्ज्रेण जे आनिता ते “चेव” सङ्घ-विरहिता, विभवविच्छिन्ना य दानस्स भावे इच्छंता ते चेव सक्खी वतिजति, जहा - "अम्हेहिं भिक्खुणिय काउं जहालद्धं एयस्स दाहामो अम्ह य जं जुत्तं तं करेहामो-धर्माविरुद्धमित्यर्थः । तुम्हे एत्थ सक्खी प्रतिभू वाचा" | अहवा - "इड्डि 'त्ति अस्य व्याख्या- कोइ इड्डिमंतो पव्वइतो ताहे सो भणति -
[भा. ३०४५] पंचसतदाणगहणे, पलालखेलाण छड्डणं च जहा । सहसं च सयसहस्सं, कोडी रज्जं च अमुगं वा ॥
चू-वेज्जस्स पुरओ इड्ढिमं भणति - जहा पलालखेला अकिंवित्करा निप्पिवासचित्तेहिं छड्डिज्जति एवं तडियकप्पडिएसु अहं पंचसया देता इतो "गहणे” त्ति पंचसयाणं लाभे वि रूपकस्याष्टादशीमिव कलां मन्यमानाग्रहणं कृतवन्त, एवं सहस्से कोडि रज्जुं वा अमुगंच अनिर्दिष्टं संख्यास्थान ग्रहीतव्यं ।। [भा. ३०४६] एवं त गिहवासे, आसीय इदानिं तु किं भणीहामि । जं तुम्ह य जुत्तं, ओगाढे तं करीहामो ॥
चू- एवं अम्ह गिहवासे आदी इदानिं पुण अकिंचणा समणा पव्वइया किं भणामो तहावि गिलाणे “ओगाढे” त्ति अट्ठीभूते जम्हं जुत्तं अनुरूपं तं तुज्झ काहामो ॥
[भा. ३०४७] परसक्खियं णिबंधति, धम्मावणे तत्थ कइयदिट्टंतो । पासाए कूवादी, वत्थुक्कुरुडे ठितो दाई ॥
चू- भणि इड्डिणा एवं आगंतुगो वेज्जो जति परसक्खियं निबंधति तो निबंधतो चेव एवं भणति - धम्मावणो, एस अत्थं जं संभवति घेत्तव्वं, कइय-दिट्टंतसामत्थेण, जहा- कोति नगरं गतो जत्थावणे सुवण्णं रययं वा तत्थ गेण्हति, एवं गंधियावणे चंदनादियं, नेसत्थिएसु मुसलिमादियं,