Page Text
________________
९०
निशीथ-छेदसूत्रम् -१
ति तद्दिवसकताण परओ दुविवसातिकयाणंतिवृत्तं भवति, नववारे त्ति उक्कोसं नववारा पडिलेहा कायव्वा, असुद्धे त्ति जति नवहिं वाराहिं पडिलेहिजमाणा स सुद्दा तो निसिरे परित्यजेन् । इयरे भुंजे त्ति इतरे जे सुद्धा नववाराए आरओ वा ते भोक्तव्या इति ।।
कहं पुन सत्तुगाणं पडिलेहा ? भण्णति
[भा. २८१]
रयत्ताणपत्तबंधे, पइरित्तुच्छल्लियं पुणो पेहे । ऊरणिया आगरा, ऽसति कप्परथेवेसु छायाए ।
चू. पत्तगबंधमइलीकरणभया रयत्ताणं पत्थरेऊण तस्सुवरिं पत्तगबंधं तंमि पत्तगबंधे, सत्तुगा पइरित्तु प्रकीर्य वाप्येत्यर्थः, उच्छल्लिउं ति एकपार्श्वे नयित्वा जा तत्थ पत्तगबंधे ऊयरिणिया लग्गा ता उद्धरित्तु कप्परे कज्जुंति, पुणो पेहंति, पुणो पतिरित्तुच्छल्लित्तु पुणो पेहिति त्ति वृत्तं भवति । एवं नववारा । एसा सत्तुगपडिलेहणविही भणिया । ऊरणीया आगर त्ति जा ऊरणिया पडिलेहमाणे कप्परादिसु कता ताओ - आगरादिसु परिट्ठवेयव्वा । को पुण आगरो ? भण्णति, जत्थ घरट्ठादिसमीवेसु बहुं जव भुसुट्ठे सो आगरो भण्णति । असति त्ति तस्सागरस्सासति, कप्पर थवेसु त्ति कप्परे थेवा सत्तुगा छोद्धूणं तं कप्परं सीयले भू-पदेसे च्छायाए परिट्ठविज्जति ।
जत्त पानगं संसज्जति तत्थ आयामउसिणोदगं गेण्हंति । पूतरगादिसंसत्तंच धम्मकरगादिणा गालिज्जति । जत्थ गोरस - सोवीर - रसगादीहिं संसज्जति तत्थ तेसिं अग्रहणं, सियग्गहियाणं वा परिट्ठवणविही जा परिट्ठावणा निजुत्तीए भणिया सा दट्ठव्वा इति । भत्तपानदारजयणा गता । इदानं वसहिदारयणा भण्णति
[भा. २८२] दोन्नि उपमजणाओ, उडुमिवासासु ततिय मज्झण्हे ।
वसहि बहुसो पमज व अतिसंघट्टणहि गच्छे ॥
चू. जत्थ वि वसही न संसज्जति तत्थ वि दो वारा उडुबद्धिएसु मासेसु वसही पमज्जिज्जति पच्चूसे प्रवरण्हे य, वासासु एताओ चैव दो पमज्जणाओ, ततिता मज्झण्हे भवति । संसत्ताए पुण वसहीए "बहुसो पमज्ज व" कंठं, नवरं वकारो विकप्पदरिसणे । को पुण विकप्पो ? इमो - जइ उडुवासासु संसत्ता वि वसही पुव्वाभिहियप्पमाणेणेव असंसत्ता भवति तो नाइरित्ता पमज्जणा, नो चेत् बहुसो पमज्जत्ति । अह बहूवारा पमज्जिज्जमाणे अतिसंघट्टो पाणिणं भवति, अतो अन्न वसहिं गच्छंतीत्यर्थः ॥
अगदेसे मुइङ्गादिणगरं हविज्ज अन्नतरपाणिसंतानगो वा तत्थिमा विही[भा. २८३] मुंइगमादि-नगरग कुडमुह छारेण वा वि लक्खेंति । चोदेंति य अन्नोन्नं, विसेसओ सेह अयगोले ||
चू. मुइंगा पिपीलिका, आदि सद्दातो मक्कोडगादि नगरं घरं आश्रयेत्यर्थः । कुडमुहो कुड्यं तं तत्थ ट्ठवयंति छारेण वा परिहरंतो उवलक्खितं करेंति । अमुवउत्ते गच्छंते चोदयंति य अन्नोन्नं, सेहो अभिनवपव्वातितो, अयगोलो पुण बालो निर्द्धभो वा, एते विसेसओ चोदयंतीत्यर्थः । वसहि त्ति दारजयणा गता । इयाणि उवहिद्दारजयणा भण्णतिअइरेगोवधिगहणं, सततुवभोगेण मा हु संसज्जे ।
[भा. २८४]
महुरोदगेण धुवणं, अभिक्ख मा छप्पदा मुच्छे ॥
चू. जत्थ विसए उवही संसज्जति तत्थ चोलपट्टादि उवहि अतिरित्ता धेप्पति । अह किमर्थं
For Private & Personal Use Only
www.jainelibrary.org
Jain Education International
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |