________________
५८
निशीथ-छेदसूत्रम् -१
[भा. १५०] सचित्त-नंतर-परंपरे य, लहुगा यहोति लहुगो य।
मीसानंतर लहुओ, पणगंतु परंपरपतिढे । चू. सचित्त-पुढविकाए अनंतर-निक्खित्ते चउलहुगं, परंपर-निक्खित्तेमासलहुं । मीसे पुढविकाए अणंतर-निक्खित्ते मासलहुं, परंपर-निक्खित्ते पंचरातिंदिया । निक्खित्ते त्ति दारं गयं ॥ सा पुण मीसा पुढवी कहिं हवेज्जा ? भन्नति - [भा. १५१] खीरदुम-हेट्ठ पंथे, अभिनव कट्ठोल्ल इंधणे मीसं ।
पोरिसि एग दुग तिगे, थोविंधण-मज्झ-बहुए य॥ चू. खीरदुमा वड-उंबर-पिप्पला, एतेसिं महुररुक्खाण हेट्ठा मीसो । सा य कालतो एव चिरं घोविंघणसहिया एगपोरिसी मीसा परतो सचित्ता, मझिवणसहिया दो पोरुसीओ मीसा, पुरतो सचित्ता, बहुइंघणसहिता तिन्नि पोरुसीओ मीसा, परतो सचित्ता।
एगे आयरिया एवं भणंति । अन्ने पुण भणंति जहा - एग दु-तिन्नि पोरिसीओ मीसा होउं, परओ अचित्ता होति । एत्थ पूण इंघणविसेसादोवि आदेसा घडावेयव्वा । साहारनिंघणेण एग-दु-तिपोरिसीणं मीसा, परतो सचित्ता भवति । असाधारणेणं पुण अचित्ताभवति । मीसे-कट्ठउल्लगे त्ति दारं गतं ।।
इदाणिं गमणे त्ति दारं - आदि ग्रहणे णिसीयणं तुयट्टणं च घेप्पति । [भा. १५२] गाउ य दुगुणा दुगुणं, बत्तीसंजोयणाइं चरमपदं।
चत्तारि छच्च लहु गुरु,छेदो मूलं तह दुगं च ॥ चू. सचित्त-पुढविकाय-मज्झेण १ गाउयं गच्छति, २ गाउयं दुगुणं अद्धजोयणं ३ अद्धजोयणं दुगुणं जोयणं ४ जोयणंदुगुणं दोजोयणाई ५ दोजोयणा दुगुणा चत्तारि जोयणाई ६ चउरो दुगुणा अट्ठजोयणा ७ अट्ठ दुगुणा सोलसजोयणा ८ सोलसदुगुणा बत्तीसं जोयणा । चरिमपदग्गहणातो परं नेइयं दुगुणेण । गाउ आदि बत्तीस-जोयणावसाणेसु अट्ठसु ठाणेसु पायच्छित्तंभन्नति । चत्तारिछच्च लह गुरु विसेसिया चउरोपायच्छित्ता भवंति-१ चउलहुअं, २ चउगुरुगं, ३ छलहुयं ४ छगुरुयं ति भणियं भवति । ५ छेदो ६ मूलं ७ दुगं–अणवठ्ठप्प ८ पारंचयं । एते गाउयादिसु जहासंखं दायव्वा पायच्छित्ता॥ [भा. १५३] एवं ता सचित्ते, मीसंमि सतेण अट्ठवीसेणं ।
__ हवति य अभिक्खगमणे, अट्ठहिंदसहिंच चरम-पदं॥ चू. एवं ता सचित्ते पुढविक्काए भणियं । मीस-पुढविक्काए भन्नति । मीस–पुढविक्काए पुण गच्छमाणस्स गाउयादि दुगुणा दुगुणेण-जाव अट्ठावीसुत्तरं सतं चरिमपदं दसट्ठाणा भवंति एत्थपच्छित्तं पढमेमासलहुं-जाव-अट्ठावीसुत्तरसत पदेपारंचियंभवति। एतेसिंचेव अभिक्खसेवा भन्नति । अभिक्खसेवा नाम पुणो पुणो गमणं । तत्थ पायच्छित्तं बितियवाराए सचित्त-पुढवीए गच्छमाणस्स गाउयादिचउगुरूआ आढत्तंजावं-सोलसजोयणपदे पारंचियं, ततियवाराए छलहु आढत्तं अट्ठजोयणपदे पारचियं । एवं-जाव-अट्ठवाराए गाउयं चेव गच्छमाणस्स पारंचियं एवं मीस-पुढविक्काए वि अभिक्खगमणं । नवरं दसमवाराए गाउते पारंचियं पावति । गमणादि त्ति दारं गतं ।। इदानिं पप्पडए त्ति दारं--
Jain Education International
For Private & Personal Use Only
www.jainelibrary.org