Agam Suttani Satikam Part 15 Nishitha

SR No.: 003319
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 484
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 22 MB

Page 51

४८
निशीथ-छेदसूत्रम् -१
कोधुप्पादणमेव तु पढमं एक्कारस पदानि ॥
चू. अप्पत्तिय पदं आदिं काउं जाव पंतावणं तव पंचप्पदा । एते असंपत्ति-संपत्तिपदेहिं गुणिता दस भवंति । एयं दिह वि आदेसाणं सामण्णं । इमं पढमादेसे वइसेसयं कोहउप्पायणमेव उ पढमं एतेण सहिता एक्कारस पदा भवंति सेसं कंठं । एवं कोवि अहिकरणं काउं[भा. ११४] तिव्वाणुबद्धरोसो, अचयंतो धरेत्तु कुसलपडिसिद्धं । तिन्हं एगतराए, वच्चंते अंतरा दोसा ॥
चू. तिव्वो अणुबद्धो गृहीत्वेत्यर्थः । तिव्वेण वा रोसेण अणुबद्धो अप्पा जस्स सो तिव्वाणुरोसबद्धो । अचएंतो असतो धरेत्तुमिति खमिउं । भावकुसला तित्थकरा, पडिसिद्धो निवारितो, कोह इति वयणं दट्ठव्वं । एवं सो तेण तिव्वेण रोसेण अणुबद्धो । जेण से सह अहिकरणं समुप्पन्नं तं पासितुमसक्केंतो गणातोवच्चितुमारद्धो । तिण्हमेगतरापत्तिं वक्खमाणं । अंतरा इति मूलगणातो निग्गयस्स अन्नं अगणं अपावेंतस्स अंतरं भवति । दोस इति विराहणा ।। तिण्हमेगतराए त्ति पदस्स वक्खा
[भा. ११५] संजम आतविराघणा, उभयं वा ततियगं च पच्छित्तं ।
नाणादितिगं वा वि, अणवत्थादि तिगं वा वि ॥
चू. संजमो सत्तरसविहो, तस्स एगभेयस्स वा विराहणं करेति । आत इति अप्पा, तव्विराहणं वा वाल - खाणु- कंटादीहिं वा । उभयं नाम संजमो आया य। विराहणा सद्दो पत्तेगं । अहवा तिगं नाण-दंसण-संजमविराहणाणं तिगं, से पच्छित्तं भवति । अहवा तिगं नाणविराहणा सुत्थे अहंतस्स विस्तरियं अपुच्छंतस्स, दंसणविराहणा अपरिणतो चरगादीहिं दुग्गाहिज्जति, चरित्तविराहणा एगागी इत्थिगम्मो भवति ।
अहवा तिगं, अणवत्थादी तिगं वा वि एवं सो गणाओ निग्गओ, अन्नोवि साहू चिंतेति अहं पि निग्गच्छामि, अणवत्थीभूतो गच्छधम्मो । न जहा वाइणो तहा कारिणो मिच्छत्तं जणेंति अहिणवघम्माणं । विराहणा आयसंजमो ।। आयविराहणा खाणु-कंटगादीसु । संजमविराहणा इमा -
[ भा. ११६] अहवा वातो तिविहो, एगिंदियमादी - जाव - पंचिंदी | पंचण्ह चउत्थाई, अहा एक्कादि कल्लाणं ॥
चू. अहव त्ति विकप्पदरिसणे । अवादो दोसो । तिविहो त्ति एगिंदियवातो, विगिलिंदियावातो, पंचेदियावातो | अहवा “वातो तिविहो” त्ति पच्छित्तवातो तिविहो । सो य एगिंदियादि जाव पेंचेंदिएसु वातातिएसु भवति सो इमो । पंचण्ह त्ति एगिंदिया - जाव - पंचेंदिया, चउत्थादि ति चउत्थं आदि काउं-जाव-बारसमं । एगिदिए चउत्थं । बेइदिए छटुं । तेइंदिए अट्ठमं । चउरिदिए दसमं । पंचेंदिए बारसमां । ण्क्को आएसो । अहवा एगिदिए एगकल्लाणयं - जाव - पंचिंदिए पंचकल्लाणयं । वितिओ आदेसो । एतेसु जो एगिदिएसु पच्छित्तावाओ सो जहण्णो । विंगलिंदिएसु मज्झिमो । पंचेंदिएसु उक्कोसो । एस तिविहो पाच्छत्तावाओ । एए दो आदेसा । दाणपच्छित्तं भणितं ॥ अहवा दो एए। इमो ततिओ आवत्ति पच्छित्तेण भण्णति
[ भा. ११७] छक्काय चउसु लहुगा, परित्त लहुगा य गुरुग साधारे ।
-