Page Text
________________
निशीथ - छेदसूत्रम् - १-५ / ३२९
लब्भति, दुल्लभे वा जाव लब्भति, पडिनीएण वा पडिसेहितो इमं चउव्विहं पाडिहारियं गेण्हतिउस्सग्गुस्सग्गियं । उस्सगिय - अववाइयं । अववाइयं, उस्सग्गियं । अववायाववातियं ॥ १ अनाभोगेण कते छिन्नकाले, अलब्धंते वा छिन्नकाले कते । दोण्ह वि सुत्ताण विवच्चासकरणे
४००
जहा गाहा
[ भा. १९४८ ] तं पाडिहारियं पायपुंछणं गिण्हिऊण जे भिक्खू । वोच्चत्थमप्पिणादी, सो पावति आणमादीणि ॥
चू- तं पाडिहारियं छिन्नकालं गेण्हित्तु तम्मि चेव काले अप्पेयव्वं ॥ विवरीयमप्पिणंतस्स इमे दोसा
[भा. १९४९] मायामोसमदत्तं, अपच्चओ खिंसणा उवालंभो । वोच्छेद-पदोसादी, वोचत्थं अप्पिनंतस्स ॥
[भा. १९५०] बितियपदे वाघातो, होज्जा पहुणो वि अप्पणी वा वि । एतेहिं कारणेहिं, वोच्चत्थं अप्पिणिज्जाहि ।।
चू- पभुणो निव्विसयाती वाधायकारणा होज्ज || अप्पणी इमे
[ भा. १९५१] गेलन्न वास महिता, पडिणीए रायसंभम भए वा । अह समणे वाघातो, निव्विसगादी य इतरम्मि ॥
चू- गिलाणो जातो, वासं महिता वा पडति, पडिनीओ वा अंतरे, रायदु बोहियादिभयं वा, अग्गिमातिसंभमं वा जातं, एते समणे वाघातकरणा ।।
मू. (३३०) जे भिक्खू सागारिय-संतियं पादपुंछणं जाइत्ता “तामेव रयणिं पञ्च्चप्पिणिस्सामि त्ति" सुए पञ्च्चप्पिणति, पच्चप्पिणंतं वा सातिज्जति ।।
मू. (३३१) जे भिक्खू सागारिय-संतियं पादपुंछणं जाइत्ता "सुए पञ्चप्पिणिस्सामि त्ति" तामेव रयणि पच्चप्पिमिति, पच्चप्पिणंतं वा सातिज्जति ।
चू- सागारिओ सेज्जातरो ।
मू. (३३२) जे भिक्खू पाडिहारियं दण्डयं वा लट्ठियं वा अवलेहणियं वा वेलु-सूइं वा जाइत्ता “तामेव रयणि पञ्च्चप्पिणिस्सामि त्ति" सुए पञ्चप्पिणति, पञ्च्चप्पिणंतं वा सातिजति ॥
मू. (३३३) जे भिक्खू पाडिहारियं दंडयं वा लट्ठियं वा अवलेहणियं वा वेलु-सूइं वा जाइत्ता "सुए पच्चप्पिणिस्सामि त्ति” तामेव रयणिं पञ्चप्पिणति, पच्चप्पिणंतं वा सातिज्जति ॥
मू. (३३४) जे भिक्खू सागारिय-संतियं दंडयं वा लट्ठियं वा अवलेहणियं वा वेलु-सूइं वा जाइत्ता “तामेव रयणिं पञ्चप्पिणिस्सामि त्ति" सुए पच्चप्पिणति, पच्चप्पिणंतं वा सातिज्जति ॥
मू. (३३५) जे भिक्खू सागारिय-संतियं दंडयं वा लट्ठियं वा अवलेहणियं वा वेलू-सूइं वा जाइत्ता “सुए पच्चप्पिणिस्सामि त्ति” तामेव रयणिं पञ्च्चप्पिणति, पच्चप्पिणंतं वा सातिज्जति ।।
चू. सूत्रार्थः पूर्ववत्
[भा. १९५२ ] पडिहारिए जो तु गमो, नियमा सागारियम्मि सो चेव । दंडगमादीसुतहा, पुव्वे अवरम्मि य पदम्मि ॥
[भा. १९५३] पाउंछणगं दुविधं, बितिओद्देसम्मि वन्नितं पुव्विं ।
For Private & Personal Use Only
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |