Page Text
________________
३८८
सुज्झति । असुद्धे दिट्ठ उड्डाहो, सेहो वा विप्परिणमेज्ज ।
अह अजुत्तेण बहुणा दवेण धोवति तो प्लावनादि दोसा । एते अपुंछिते दोसा । अविधीपुंछिते इमं पच्छद्धं । लंछिएहिं आयविराधना, अह जीवकायो त्ति संजमविराहणा य ॥ इमा अविधी - [भा. १८७५] कट्ठेण किलिंचेण व, पत्त सलागाए अंगुलीए वा । एसा अविधी भणिता, डगलगमादी विधी ति-विधा ॥
निशीथ-छेदसूत्रम् -१-४/३०८
चू- पत्तं पलासपत्तादि । डगलेण वा, चीरेण वा, अंगुलीए वा, एसा तिविधा विधी । डगला दुविधा - संबद्धा भूमीए होज्जा, असंबद्धा वा होज्जा । जे असंबद्धा ते तिविधा - उक्कोसति । उवला उक्कोसा, लेडूमसिणा मज्झिमा, इट्ठालं जहन्नं ॥ जम्हा एते दोसा
[भा. १८७६]
तम्हा पुव्वादानं, कातूणं डगलगाण छड्डेज्जा । उत्थाणोसहपाणे, असती व न कुज्ज आदानं ।
चू- आयाणं डगलगादीण, छड्डेज उच्चारं वोसिरिज्जा | बितियपदं गाहापच्छद्धं । उत्थाणं अतिसारो, ओसहपीतो वा न गेण्हति, असती वा न गेण्हति ॥
मू. (३०९) जे भिक्खू उच्चार- पासवणं परिट्ठवेत्ता नायमति, नायमंतं वा सातिज्जति ॥ मू. (३१०) जे भिक्खू उच्चार- पासवणं परिद्ववेत्ता तत्थेव आयमति, आयमंतं वा साति
जति ॥
मू. (३११) जे भिक्खू उच्चार- पासवणं परिद्ववेत्ता अति दूरे आयमति, आयमंतं वा साति
जति ॥
चू- तिन्नि सुत्ता उच्चारेयव्वा । उच्चारे वोसिरिजमाणे अवस्सं पासवणं भवति त्ति तेन गहितं । पासवणं पुण काउं सागारिए नायमंति जहा उच्चारे । तत्थेव त्ति थंडिले, जत्थ सन्ना वोसिरिया । अतिदूरे हत्थसयमाणमेत्ते ।
[भा. १८७७] उच्चारं वोसिरित्ता, जे भिक्खू नेव आयमेज्जा हि । दूरे वाSSसन्ने वा सो पावति आणमादीणि ॥
चू- आयमणं निल्लेवणं, आसन्नं तत्थेव थंडिले ॥
अनायते इमे दोसा
[भा. १८७८ ] अयसो पवयण- हानी, विप्परिणामो तहेव य दुगंछा । दोसा अनायमंते, दूरासन्नायमंते य ॥
चू- अयसो - इमे असोइणो त्ति, न एते निल्लेवेति त्ति । न पव्वयंति, अन्ने वि पव्वयंते वारेति, पवयण - हानी । दंसणे चरित्ते वा अब्भुवगमं काउकामस्स विप्परिणामो भवति । सेहाण वा मा एतेहिं विट्टलेहिं सह संफासं करेहिं, एसा पुच्छा । दूरे वि एते दोसा । आसन्ने वि एते चेव दोसा । कहं ? सागारिओ पासति, संजओ सन्नं वोसिरिउं दूरं गतो, सागारिओ वि जोविउं पराभग्गो "नानिल्लेवितं " ति लोगस्स कहेति । आसन्ने तत्थेव संजतो निल्लेवेडं गतो, सागारिए आगंतु पलोइयं जाव मुत्तियं देक्खति, एतं से कातियं ति न निल्लेवितं, पच्छा लोगस्स कहेति । [ भा. १८७९ ] उत्थाणोसहपाणे, दव असतीए व नायमेजाहिं । थंडिल्लस्स व असती, आसन्ने वा वि दूरे वा ॥
For Private & Personal Use Only
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |