Page Text
________________
निशीथ - छेदसूत्रम् - १- ४/२१८
चू- कुंभकारसालातिसु निरवेक्खा नासंती छक्काये विराहेज, आवडणं पक्खलणं हेट्ठोवरिं वा अफिडणं, विसमे वा पडति, खाणुए वा दुक्खविज्जति, अवाउडा वा विलिता विलक्खीभूता उब्बंधणादि करेज्ज, थद्धं वा अवाउडं पेच्छिऊण बहुअणमज्झे भावभेदो भवेज्जा, एगागिणीं वा एक्कं देवं । एते दोसा वीसत्थाए भवंति ।
इदानिं “ गिलाणे "त्ति दारं
[भा. १६७५ ] कालातिक्कमदाणे, गाढतरं होज्ज नेव पउणेज्ज । संखोभेण निरोधो, मुच्छा मरणं च असमाही ॥
चू- संजयसंखोमेणं गिलाणी न भुंजति, भिक्खाए वा गिलाणीनिमित्तं न वञ्चति, एवं अतिक्कंतकाले दानेन गाढतरं गेलन्नं हवेज्ज, न वा पउणेज्ज । अहवा- संजयसंखोभेण काइयं सन्नं वा वायकम्मस्स वा निरीहं करेज, तत्थ गाढतरं गेलन्नं हवेज्ज, मुच्छा वा से हवेज, निरोहेण वा मरेज, असमाधाणं वा से हवेज्ज । एत्थ परितावणादिनिप्फन्नं सव्वं पायच्छित्तं दट्ठव्वं ।
इदानं "खमगं "त्ति दारं
३५२
[भा. १६७६ ] पारणग-पट्ठिता आणितं च अविगडित ऽदंसितं न भुंजे । अचियत्तमंतराए, परितावमसब्भवयणे य ॥
चू- खमिगा पारणगट्ठा पट्ठिया, जेट्ठऽज्जो आगओ त्ति नियत्तति, दारमूले वा सन्निविट्ठो उवरिं न गच्छामि त्ति निवत्तति, पवत्तिणी वा तस्स समीवे निविट्ठा, खमिगाए वा पारणगमाणियं अविगडियं अनालोइयं अदंसितं च न भुंजति, पवत्तिणीओ दिक्खतीओ अच्छति, खमियाए अवियत्तं अंतरायदोसा य, खमिगा परिताविजति, असब्भवयणं वा भणेज, किं चि न किंचि ? कील अज्जो एस उवट्ठिय त्ति ।
इदानं "वियारे "त्ति दारं
[भा. १६७७] नोल्लेऊण न सक्का, वियारभूमी य नत्थि से अंतो । संते वा न पवत्तति, निच्छुभण विनस गरहा य ॥
चू-नोल्लणं संघट्टणं ताणं अंतो वियारभूमी नत्थि, संकाए वा कस्सति न पवत्तति, सेज्जायरएण अणणुन्नाय जति वोसिरति तो निच्छुभेज्जा, दिया राओ वा निच्छूढा अवसहिया विणासं पविज, गरहणं च पावति । दारं ॥
इदानं "भक्ख' त्ति दारं
[भा. १६७८] सति कालफेडणे एसणादि पेल्लेमपेल्लणे हानी । संकादभावितेसु य, कुलेसु दोसा चरंतीणं ।।
चू- ताओ य भिक्खं पट्ठिता, सोय आगतो, तस्स दक्खिन्नेणं ताव ठिता जाव सति कालो फिडितो, ततो अवेलाए एसणं पेल्लेज्जा, तन्निष्फन्नं । अपेल्लतीणं अप्पणो हाणी, तत्थ परितावणादि निप्फन्नं, अभाविय-कुलेसु य अकाले चरंतीओ मेहुणट्ठे संकिज्जति ।
इदानं "सज्झाय" त्ति दारं
[ भा. १६७९ ] सज्झाए वाघाओ, विहारभूमिं व पट्टियनियत्ता । अकरण नासारोवण, सुत्तत्थ विना य जे दोसा ।।
For Private & Personal Use Only
Jain Education International
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |