Page Text
________________
३४४
निशीथ-छेदसूत्रम् -१-४/२१७
मामाए अचियत्ते, कुलाइंदाएंति गीतत्था ॥ चू-रातो दिवसतो वा वसहिट्ठिया अन्नत्थ वाइंददत्ताभिनामेणं वन्नेणयपुव्वादियासुदिसासु ठवणकुले दाएंति दरिसंति ॥दरिसितेसुगुरुणो इमा सामायारी[भा.१६३१] दाने अभिगमसड्ढे, सम्मत्ते खलु तहेव मिच्छत्ते।
मामाए अचियत्ते, कुलाइंअट्ठवेंते चउगुरुगा। चू-गुरुणो ठवणकुले अठवेंतस्स चउगुरुगा॥चोदगाह - किं कारणं? [भा.१६३२]किं कारणं चमढणा, दव्वखओ उग्गमो वि य न सुज्झे ।
गच्छम्मि नियकज्जं, आयरिय गिलाण पाहुणए॥ चू-आयरिओ भन्नति - चमढणा, दव्वखओ, उग्गमो न सुझे, गच्छे य कजं निययं, आयरिय-गिलण पाहुणगा, य एते दारा ॥इमा व्याख्या “चमढणे" ति दारं[भा.१६३३] पुव्वं पि धीरसुणिया, छिक्का छिक्का पधावती तुरियं ।
सा चमढणाए सिग्गा, संतं पिन इच्छती घेत्तं॥ चू. सुणहबितिजोअसहाओ लुद्धगो “धीरो" भन्नति। "पुव्वं" तिसो धीरो सावते आदढे चेव क्रीडं हंतूण छिक्कारेति धावति य, ताहे सा धीरसुणिया इतो पधावति तुरियं । “अवि" सद्दातो दिढे वि एवं करेति । सा एवं धीरसुणिया रिक्कपहावणाहिं सिग्गा जति सो सावयं पच्छा दटुं छिक्कारेति ताहे सा तंतं मि घेत्तुं न इच्छति, अतिश्रमात् प्रतारणाद्वा ॥ [भा.१६३४] एवं सड-कुलाइं, चमढिजंताई अन्नमन्नेहिं ।
नेच्छंति किंचि दातुं, संतं पितहिं गिलाणस्स ॥ चू- एवं ठवणकुला चमढिज्जंता अन्नोऽन्नेहिं साहूहिं अन्नोऽन्नेहिं वा रिक्कारणेहिं । पच्छा कारणे उप्पणे संतं पि घरे, तहावि गिलाणस्स दाउंन इच्छंति॥
इदानि “दव्वक्खए"त्ति दारं[भा.१६३५] अन्नो चमढणदोसो, दुल्लभदव्वस्स होति वोच्छेदो।
खीणे दुल्लभदव्वे, नत्थि गिलाणस्स पाउग्गं॥ चू-दुल्लभदव्वं घतादियं, तं जति अकारणे दिने दिने गेहंति ताहे तं वोच्छिज्जति । तम्मि वोच्छिन्ने गिलाणपओयणे उप्पन्ने गिलाणपाउग्गं न लब्भति। अलब्भंते य परिताव-महादुक्खगिलाणारोवणा भद्द-पंतदोसा य भवंति ॥ तत्थिमे पंतदोसा[भा.१६३६] दव्वखएम पंतो, इत्थिं घातेज कीस ते दिन्नं ।
भद्दो हट्ट पहट्ठो, (करे] किणेज अन्नं पि साधूणं ।। चू- पंतस्स भज्जा सड्डी हवेज, सा साहूहि रिक्कारिकपओयणे जातिता घतादि पयच्छेज्ज । तम्मिनिहितै संघाडेणंकूरंमग्गिता, “नत्थि"त्तिभणेज्ज । एवं कुमारादि एकेकंमग्गिता नस्थित्तिभणेज्जा।
सो भणाति-तं कहिं गयं ? तो सड्डी भणाति - साधूणं तं दिन्नं । ताहे सो पंतो तं घाएज - कीस ते दिन्नं, साहूण वा पदुट्ठो जं काहिति, छोभगंवा देज । इदानि “उग्गमे"त्ति दारं- पच्छद्धं - एवं चेव सड्डीए कहीए हट्ठो हरिसिओ, सुटु संतुट्ठो, पहुट्ठो प्रकर्षेण हृष्टः प्रहृष्टः, प्रहसितमनाः,
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |