Agam Suttani Satikam Part 15 Nishitha

SR No.: 003319
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 484
Language: Prakrit, Sanskrit
Classification: Book_Devnagari, Agam, Canon, & agam_nishith
File Size: 22 MB

Page 344

उद्देशक : ४, मूलं - २१६, [भा. १६०९]
[ भा. १६०९] अद्धाण- ओम दुट्ठे, एसिं जोगीण सेस पणगादी । असती य अनागाढे, निक्खिव सव्वासती इतरे ॥
चू- अद्धाणे गामानुग्गामिए छिन्नद्धाणे वा जोगं वहति, ताहे जं एसणिज्जं तं जोगीण दिज्जति, “सेस” त्ति अजोगवाही ते पणगपरिहाणीए जयंति । फासुएसणिज्जस्स असति जइ सव्वो जोगवाहिणो न संथरंति ताहे अनागाढ - जोगवाहीणं जोगो निक्खिप्पइ । " सव्वासति" नाम सव्वहा एसणिज्जे अलब्भमाणे इयराण वि आगाढझओघओ निक्खिप्पइ । चउभाग-तिभागट्ठाणे वा असंथरणे निक्खेवो । एवं ओमोयरियारायदुट्ठेसु वि ॥
"जोग" त्ति गयं । इदानिं “ अजोग" त्ति
[भा. १६१०] जे भिक्खु अजोगी तु, निक्कारणकारणा अनापुच्छा । आपुच्छिता व पुणो, अविदिन्नं आतिए विगतिं ।
३४१
चू-जे भिक्खू अजोगवाही निक्कारणे विगतिं भुंजति, कारणे वा अनापुच्छाए भुंजति, कारणे वा अपुच्छिते गुरूहिं अदिन्नं भुंजति, तिण्ह वि मासलहुं ॥
[भा. १६११] सो आणा अणवत्थं, मिच्छत्त-विराधनं तहा दुविधं । पावति जम्हा तेणं, कप्पति आपुच्छितुं पुव्विं ॥
चू-निक्कारणे भुजंतस्स इमे दोसा
[भा.१६१२]विगति विगतिब्भीओ, विगतिगतं जो तु भुंजते भिक्खू । विगती विगतिसहावो, विगती विगतिं बला नेइ ॥
चू-घृतादिविगति, बितियविगतिगहणेण कुवाति विगती, एकं तं विगतिकयं जहा विस्संदणं, विगती बागता जम्मि दव्वेतं दव्वं विगतिगतं, जहा दध्योदना । विगतीए भुत्ताए साहू विगयरसभावो भवति, सा य विगती भुत्ता बितियं नरगातियं बला नेति । “कप्पति आपुच्छिउं पुव्वि” ति अस्य
व्याख्या
[भा. १६१३] इच्छामि कारणेणं, इमेण विगई इमं तु भोत्तुं जे । एवतियं वा वि पुणो, एवतिकाल विदिन्नंमि ।।
चू- विनयपुव्वं गुरुं वंदिऊण भणाति - इमेण कारणेण इमं विगतिं एवतियं पमाणेणं एवतियं कालं तुभेहिं अनुन्नातो भोत्तुमिच्छामि । एवं पुव्वं पुच्छिए अनुन्नाए पच्छा भिक्खं पविट्ठो गहणं करोतीत्यर्थः ॥
[ भा. १६१४ ] बितियपदे आहारो, हवेज्ज सो चेव कम्मिइ देसे । असिवायी वेगागी, विगतीओ थूर लेभेज्जा ॥
चू- कम्हि य देसे गामे वा सो चेव दहिखीराति आहारो हवेज्ज, तत्थ विना कारणेण आहारेज, असिवादीहिं वा कारणेहिं एगागी बिगतीओ थूर लंभेजा, आयरियउवज्झाएहिं अणणुन्नाओ विगतिं भुंजेज्जा ॥ इदानिं "पच्चक्खाणे" ति दारं
[भा. १६१५]
पच्चक्खाते संते, पारमगंतूण अंतरा जो तु ।
आहारेज्जा विगतिं, सो पावति आणमादीणि ॥
चू- दिवसे देवसियं अनगारपच्चक्खाए अभिग्गहपञ्चक्खाए वा पारं पज्जवसाणं अगंतूण